DANIELI 4:1 - Bibliyeeda Ghaydit

¹ Muchu ghoadaw sugoocheanda was Nebukadinesa iita buuneesean, ea eemoojiga ea giliwas iita mida badayda ng'eanyiisean: Gagasa abeaha hoyyoo!

DANIELI 4:1 Mawu Ofanana

1 DAMANYOOJIGA 12:18

Hean ghwahidu Guroorooda heeda Amasayi, was siida ambal fih diktam ea damanamughuush, ak gwayeesha, “Aseasa geewooschi fugaagu, Ea Dawdi; ak geendi meatkweadaang'u, Ea orjeeda Yese! Hoyyoo, gagasa beaha hoyyoo, ak gagasa gaba fuga weanyi hoyyoo! Aba gideaba ghaweanyi ASEETA.” Ng'ata ghwaat Dawdi ghoah, ak ghwanung' ghoah fuga hees ambal shirikareadaanyi.

ESRA 4:17

Ghwasha sugoocheanda nea gwayeesha: “Heeda Rehumu was shirikarajeanda haw ea Shimshai was ng'oorshoocheanda heeda was sean bea giigheawda Eenda, seayu?

ESRA 5:7

geeyeassa niny barawajeanda, nea ng'asheega sing'oorsa jeeda ea suh gil: “Heeda Dariyo was sugoocheanda gagasa nyasa hoyyooyda sean.

ESTA 3:12

Hean geeguursa ng'oorshoodiga sugoocheanda eaweedeaba damasamwagu bea sheeda madeeda, aba gidarukuteayda Hamani sean, geeng'oorsa barawajeega fuga hees ea sugoodiga hees sean bea darooraka ea fuga hees ambal buuneesean, aba darooraka sean gaba ng'oorshooni bea iitaanyi nea gaba siisi bea iitaanyi; ak geang'waar aba gheawunga sugoocheanda was Ahasuero ak geayiin giirooraneeda ghuniida sugoocheanda.

ESTA 8:9

Ng'ata geeguursa ng'oorshoodiga sugoocheanda aba damandida, nea sheedeaba samwagu gil, siguura Sifani, bea eaweedeaba diktam ea samwagu; nea gawuurji gidaghayi rukusiinda Mordekai fuga Israeli ak geeng'oorsa sean fuga hees ea sugoodiga hees, ea fuga ambaliischi bea darooraka Indiya ea gawa Gushi, darooraka ea bughala ea diktam ea ispwa, ea gilinyoo ea daroorda gil gaba nih bea barawajeandaanyi nea gaba siisi sing'oorsa aba iitaanyi, ak eara fuga Israeli geataw barawajeanda nyaawa aba iita nyaawa.

DANIELI 3:29

Asi gaydasin diigheanda: Fuga wassean, ea eemeeda, ghana ea iita jea gwarukuna ng'asheega munyas badayda ASEETA Shadraki ea Meshaki ea Abedinego gajealajaada damealga, nea geenyarjeaweada gealga nyaawa; aba gideaba manda aseeta nuut ammu gwalealdeaydunu buuneeda.”

DANIELI 3:4

Ng'ata ghamiinaada siida ak gwarukusa buuneeda ng'asheega nea goojuur nea gwayi, “Geerukuneegwa, Ea buuneeda, ea eemoojiga, ea iidiga eemoojiga,

DANIELI 6:25

Ng'ata gang'oorsa sugoocheanda was Dariyo barawajeega buuneesean, ea eemoojiga, ea ghuusiga buuneeda sean mida badayda ng'eanyiida: “Gagasa abeaha hoyyoo.

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

SAKARIYA 8:23

Gwayi NG'UTAMIIDA bea lugweega, aba damandida fih damanamughuush bea gilinyoo ea iita eemoojiga gil gayghoang'waay weeleeda hang'da fuga Yahudi nea gwayi, ‘Gajeeteayeena sea agooga, aba gideaba ASEETA gwanda heedeang'wa.’”

Gadiyeeda Giijasoodiga 2:6

Hean nea geeyiiy ghuuteaba nyeashtida ghabwat geat fuga saang'a nea ghahamng'eanyi sean muuchi aba gideaba gaba sih iiy nuut nea gabaloola iita gheanyaawa.

Ruumi 1:7

aba fuga sean mida ng'eanyiida Rumi, ghayi bwariiy ASEETA, siguursa ghoah fuga ghaydidi: Gagasa anyasa dagheerjeanduumeeda ea hoyyooyda leabu heeda ASEETA was Ghweandeanya, ea heeda Ng'utamiida was Yesu Gristo.

Efeeso 1:2

Gagasa gagooneegwa ASEETA dagheerjeanduumeeda ea hoyyooyda ASEETA was Ghweandeanya ea Ng'utamiida was Yesu Gristo.

1 Dimotteo 1:2

Ea Dimoteo orjeedeanyu bea huumwa aba naweeda masaweega. Nyasa dagheerjeanduumeeda ea baydeayda ea hoyyooyda leabu heeda ASEETA was Bwaabwa ea Yesu Gristo was Ng'utamiideanya.

1 Betro 1:2

ghayi siloat ak goojeakta ASEETA was Bwaabwa ak ghoamiidu Guroorooda aba mureeda aba badayda Yesu Gristo nea geapuuna foojeandaanyi: Gagasa eelakuuneegwa dagheerjeanduumeeda ea hoyyoo.