DANIELI 3:28 - Bibliyeeda Ghaydit

²⁸ Ghwalamda Nebukadinesa ak gwayeesha, “Gagasa eebadiischeesa ASEETA Shadraki, ea Meshaki, ea Abedinego, ajeagu malaykajeandaanyi ghaweat fugaaschi bea gadiyeeda, was gea ghus niny, ak gafool ng'asheanda rugu sugoocheanda, ak ghoaghaashta sasanuuka nyaawa measaamwa gideaba gayghoaghu ak ghabwat aseeta wassean geaghus ASEETA nyaawa.

DANIELI 3:28 Mawu Ofanana

GIING'EETA 9:26

Amang'ata gwayi, “Eakghaambiida NG'UTAMIIDA was ASEETA Shemu; ak ghoah Ganaani soomjeandaanyi.

1 DAMANYOOJIGA 5:20

hean nea ghwanyas saawa weeta, ghwajoar fuga Hajiri ea fuga sean weechi ak ghoang'waay aba geatinga nyaawa, aba gideaba gooyeawusa ASEETA aba jeeda ng'ucheeda, ak ghoadaw ASEETA jooriischooda aba gideaba nimwas niny.

2 DAMANYOOJIGA 20:20

Iing'ata ghang'eatng'eat sakteayda ak gwarita gaweay jeeda dareapcheeda Dekowa; nea iinea gwarita ghamiinaada Yehoshafati ak gwayeesha, “Ooleeysiinean iita ea fuga Yuda sea fuga abiita Yerusalemu! Asisiina masaweega NG'UTAMIIDA was ASEETEANG'WA, ak abeeda gajanyasa uurjeenga; asisiina masaweega sibangaaschi ak abeeda gajanyagaada.”

2 DAMANYOOJIGA 32:21

Hean goojeagu NG'UTAMIIDA malaykajeanda, ak ghabwar gameewa shirikarajeega hees uurjeeni sea fuga hees mida jeeda museasooda sugoocheanda Ashuru. Ng'ata gabiikta ng'eanyiidaanyi nea gaba baspaseega. Hean nea ghwahita jeeda gheeda ASEATAANYI, ghabwara ng'uta orjoagaaschi

ESRA 1:3

Ak gilinyoo ea sih gil mida jeedeang'wa oowooschi sean fugaaschi, gagasa goobiida ASEATAANYI headaanyi, ak ea dascheang'da ea gawa Yerusalemu, mida ng'eanyiida Yuda, ak gabiikta ghwadeas gheeda NG'UTAMIIDA was ASEETA Israeli niny ASEETA mida Yerusalemu gil,

ESRA 6:11

Ak ea neasinyi diigheanda, gideaba siida wassean jea ghwayam diigheanji abeeda gajeegeanda darearjeandeaba gheanyi ak geaghasa niny uhuudida nea gheanyi geanung' ghoah raghwata.

NYIIGHEEGA 103:20

Abadiischeesiina NG'UTAMIIDA agoogeeda was malaykajeagaaschi agoogeeda oowooschi daruusi oosinayi ng'asheandaanyi, nea gooleeysiit ghuuta ng'asheandaanyi!

NYIIGHEEGA 147:11

ak NG'UTAMIIDA ghabwariiy fugiga awali gheang'daanyiin, fugiga ghus bariinyeagaaschi bea huumwaan.

NYIIGHEEGA 33:18

Ng'ula gheang'da NG'UTAMIIDA gwanda heeda fuga bada, was geah amuuku bariinyeagaaschi bea huumwa.

NYIIGHEEGA 33:21

Aba gideaba gurooruunatkaasa gaygahoosassa niny, aba gideaba geaghuschi gheawungaaschi ghaydit.

NYIIGHEEGA 34:22

NG'UTAMIIDA iissa gwalealu eaweega fugaaschi bea gadiyeeda; nea majeergweaksa buuneesean mang'awsa headaanyi.

NYIIGHEEGA 62:8

Ea buuneeda, akghusa ASEETA galeagasean; ajaada gurooruunatkeagwa aba madeadaanyi; ASEETA niny dea simng'awiisi.

RITEAYDA 20:5

aditkuyi aba madeenyaawa, ghana gadiyeesiina saawa, aba gideaba aniini geawooschi NG'UTAMIIDA was ASEATAANG'U, ak ea ASEETA lacha ghuut haleanjeeda, ak gaygwasikteawa diibiga aba giidiinyeanyeeka ghweaniga nyaawa, ea ghwahita seaygeedeaba samwagu ea deaba ang'wan bea fuga anyareesean.

ISAYA 12:2

“Ng'ula, ASEETA lealnoocheandeanyu, gaydaghus niny ak ea maydabeal aba gideaba NG'UTAMIIDA was ASEETA uurdeanyu gil ea sarmeedeanyu ak ea niiw lealnoocheandeanyu.”

ISAYA 37:36

Hean gawa malaykajeanda NG'UTAMIIDA ak ghabwar fih sagalamnyooji bughala ea seedam ea muut, aba heeda mida fuga Ashuru; ghang'eat ng'eat buuneeda nea gudea sakteayda duu gil, geadaah muscheeka sean bea buuneeda.

ISAYA 50:10

Ng'eaha gil aba jeedeang'wa dea awali gheang'da NG'UTAMIIDA nea gwasissa mureeda ng'asheega siidaanyi bea gadiyeeda? Dea inyeesa gwaneay aba jeeda misaneeda nea manda weeshinda, nea ghwarar gheawunga NG'UTAMIIDA ak ghaghus ASEATAANYI?

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

DANIELI 3:25

Gwayeesha niny, “Aniini ghaadaayi fih ang'wan nea mii radeadi, nea gwaneay aba bugusta beasta, nea mii ghwaak beasta; nea iising'ula siidida bea ang'waniin gawuurji orjeeda aseecheeka.”

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 6:16

Ng'ata gwarukuta sugoocheanda gideaba, ayeani, ak geeyeadu Danieli ak geejaksa jeeda shoomanda mida ng'anyeeka. Ak gwayeesha sugoocheanda Danieli, “Gagasa gwalealneey ASEETA ibadayi.”

DANIELI 6:26

Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.

Mattayo 4:10

Hean gwayeesha Yesu, “Ng'amwana hiji Shataani! aba gideaba geang'waar, ‘Ghadoawana Ng'utamiida was ASEATAANG'U ak gibwadi niny nea gaba geaw.’”

Gadiyeeda Giijasoodiga 4:19

Ghwalamda Betaro ea Yohana ak gwayeesha saawa, “Heapi nih huumeandea gideaba gajeeleeyseegwa iit ak ea mealeeysiini iit ASEETA asi girgweageeni alaja agooga;

Gadiyeeda Giijasoodiga 5:19

Iidu eawa ghwahidu malaykajeanda Ng'utamiida ak gootin gidaghuuta gheeda ghealooniga; ak gooruuta jarooda ak gwayeesha,

Ruumi 12:1

Asi, geamuscheegwa fuga eaduupcheewi aba baydeayda ASEETA, oatayda sasanuukeagwa ghoah haleanjeeda majeekcheewi sigadoowaniida, ghaydit bwariiy ASEETA, nea baditeang'wa bea huumwa gil.

1 Goriinto 13:3

Iyaadaydi haleanjeedeanyu sean eandeawi, ama aadaydi saseedeanyu eaghwarda, ak ea meandeawani bariinyeega, ea meanyasi gil.

Filippi 1:20

ak ea gidaararji gil gideaba ghaaghuschi muuchi ak ea maydabwaspwas earahay, ak geawooschi majeek gawuurji gideaba eawoojisu ak ghamneawa gwasunu Gristo gajeesissa mureeda aba badaydeanyu, iinaameayi ghana iiduudanda.

Ebraniya 1:14

Neada malaykajeega gadiiyi ghayi siicheagu gagadiiyeesa, aba badahuuka fuga jea ghwanyas lealeanoodean?

Ebraniya 11:37

Geefuta lagheanga, ak geabwaash nibiyeenya, ak geenuuseada aba ng'uta; ak gwaneayi nea gookwa eagweega gisilga ea gea nooga, ak ea barbari, nea geesawan, nea geesima ng'asheega munyas–

1 Betro 1:21

Nea aba badaydaanyi goondeawi rarooda aba heeda ASEETA, ghayi aduuna niny jeeda miyeeda, ak ghoadaw giigheambiita, ak eara masaweegeagwa ea raroodeang'wa gwanda heeda ASEETA.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.