DANIELI 3:24 - Bibliyeeda Ghaydit

²⁴ Iidu ghahamng'eanyi sugoocheanda was Nebukadinesa ak ghang'eat nea ghwalamwach. Ak gwayeesha fugaaschi hees bea girgweageeda, “Neada ea miyeehisana fih samwagu jeeda beasta?” Ghwasha ghuuta sugoocheanda nea gwayeesha, “Huumwa gil, Ea sugoocheanda.”

DANIELI 3:24 Mawu Ofanana

2 DAMANYOOJIGA 22:4

Ng'ata gwasin riing'eeda aba madeeda NG'UTAMIIDA, gawuurji gida ghayi sin gheeh Ahabu; iidu nea ning'ata miyeeda ghwaan ghwanung' ghoah saawa fuga jea goorgweakiisa niny, bwak ea ghoabeada.

DANIELI 3:17

Asi iisunu, abeeda ASEETA sibadayi ghoamu gageandeawaneasa heeda duwayda yeat ng'waan; ak gaygageandeawaneasa geatindaang'u, Ea sugoocheanda.

DANIELI 3:23

Hean geerada fugiga asamwagu was Shadraki, ea Meshaki, ea Abedinegohiin ak geehisa jeeda duwayda yeat bea beasta ng'waan.

DANIELI 3:25

Gwayeesha niny, “Aniini ghaadaayi fih ang'wan nea mii radeadi, nea gwaneay aba bugusta beasta, nea mii ghwaak beasta; nea iising'ula siidida bea ang'waniin gawuurji orjeeda aseecheeka.”

DANIELI 4:22

Siida ang'iing'i gil, Ea NG'UTAMIIDA, dea heedu ak ghwanyas uurda. Hawundaang'u niheedu ea ghwahita humng'eeda, ak gheambalmeadaang'u ea nihita muudeanooda ng'eanyiida.

DANIELI 4:27

Asi, Ea sugoocheanda, gagasa mwasa ng'asheegeasu; nung'usiina heeda riing'eagaagu ak gisini ng'asheega doobiiweadi, ea ng'asheagaagu munyas ak ghoahiimu baydeayda aba heeda fuga sisawan, ak abeeda ghoanyaschi ng'asheega miyaasiin bea miyeenooda.”

DANIELI 5:18

Ea sugoocheanda, ASEETA Haw bea Humng'eeda ghoadaw gweanu was Nebukadinesa sugoocheanduumeeda ea hawunda ea gharbeeda ea hawunda;

DANIELI 5:6

Hean ghwayamwa oormeeda sugoocheanda, ak ghoapkaat fughareadaanyi; ak gang'arng'ariidi roobuutkaaschi, ak ghabwar geat gutung'weakaaschi.

DANIELI 6:22

Goojeagu ASEETEANYU malaykajeandaanyi ak ghwarat ghuusiga ng'anyeeka, ak ea mii gwahindanaan gil, aba gideaba geadaah gideaba meandeawani giidiinyeanda aba madeadaanyi; ea aba madeadaang'u, Ea sugoocheanda, aniini mii deadiiy.”

DANIELI 6:7

Nea sugoodiga hees sean bea jeeda ng'eanyiida, sea sugoodiga manang'i, ea fuga hees ea gweargwa girgweageeda ea sugoodiga hees hidu goombal ng'eanyiida ak gwaneajeesa gideaba darada sugoocheanda diigheanda ak goomajeek, gideaba siida wassean jea ghabwat aseeta wassean ghana siida, aba jeemba askwearjooji diktam ea damanamughuush, nea mwaghusnyi, Ea ng'utamiida, gajeejaksa jeeda shoomanda ng'anyeeka.

Gadiyeeda Giijasoodiga 12:13

Iidu nea gaguurda aba gidaghuuta, hean gawa hudi siguura Rooda ghwajaat gidaghuuta.

Gadiyeeda Giijasoodiga 26:13

Ea sugoocheanda ghayi eaweecha nea geandi naweeda ghaadaayi weeshinda abwaay leabu humng'eeda, nea aba eeshmeeda ghang'al dea aseeta arearu, ak gwaneaweesean weeshinda ea bareandeanyu.

Gadiyeeda Giijasoodiga 26:27

Heapi sugoocheandeanyu was Agiripa, sibanga gumwasi? Ghaanali gideaba gumwasi.”

Gadiyeeda Giijasoodiga 9:6

asi ng'eada ak guwi mujiini, ama ihiti gajeerukuneey gichea sina.”

1 SAMWELI 17:55

Daah Sawli Dawdi nea gawa gang'uchi fuga Filisti, gwayeesha Abneri was shirikarajeanda haw, “Abneri orjeeni gabeang'a?” Ghwalamda Abneri ak gwayeesha, “Ea sugoocheanda aba gidabiideata gurooroadaang'u, aniini mwaanali.”