DANIELI 3:18 - Bibliyeeda Ghaydit

¹⁸ Ama masnu, abeeda ginali ang'iing'i Ea sugoocheanda, gideaba majeabwada aseecheeka ghana eabwada sanaamoodida sisna dahaabu imiindiin.”

DANIELI 3:18 Mawu Ofanana

1 SUGOODIGA 19:14

Gwayeesha, “Aniini ghaalaji ghuut badayda NG'UTAMIIDA, was ASEETA bea lugweega; aba gideaba fuga Israeli nijakta neajeadaang'u nea gwanyarja heeda wagiida, ak ghabwar sibangaagu gameewa aba ng'uta; nea aniini ea siipuudan, aniini ak ghwahit; nea saawa ghamneawa gagasa gageanda eaweegeasu.”

1 SUGOODIGA 19:18

Ak gaydaabuut fih sagalamnyooji ispwa aba ng'eanyiida Israeli, was gutung'weaka sean mii gwahiiysa geat Baali, ea giliwas ghuuta miighwasam Baali.”

AYUBU 13:15

ASEETA iigasa gwanuusan ghwahit, manda gida jea dahuta, eara gwasunu gaydaweat geaw aba naweadingeasu aba madeadaanyi.

GHWASIILDEANGA 28:1

Fuga munyas iissa gwasalda eara ea manda siida hoan, nea fuga doobiiweadi ea daruuscheew ea gawuurji ng'adiida.

DANIELI 3:28

Ghwalamda Nebukadinesa ak gwayeesha, “Gagasa eebadiischeesa ASEETA Shadraki, ea Meshaki, ea Abedinego, ajeagu malaykajeandaanyi ghaweat fugaaschi bea gadiyeeda, was gea ghus niny, ak gafool ng'asheanda rugu sugoocheanda, ak ghoaghaashta sasanuuka nyaawa measaamwa gideaba gayghoaghu ak ghabwat aseeta wassean geaghus ASEETA nyaawa.

NG'ASHEEGA LAWI 19:4

Adiyami geaw ak gibwadi sanaamu ghana asisiina geat sanaamajeega gharinga: Aniini geawooschi NG'UTAMIIDA was ASEETEANG'WA.

Mattayo 10:28

Adoawali fuga ammu gwanuus saseeda ak ea moamu gwanuus guroorooda; ghang'wana giiwali siidida ammu gwanuus saseeda ak gwajaksa guroorooda jeeda maloonghajeega.

Mattayo 10:39

Siida agaba eaweagaaschi gaygahuteawi, nea siida huteawi eaweagaaschi aba badaydeanyu gaygwalealu.

Mattayo 16:2

Ghwasha nea gwayeesha saawa, “Iissa iihita shing'ada gooyeenyi, ‘Jeameeda numuji gajea miy aba gideaba humng'eeda ea areara.’

Gadiyeeda Giijasoodiga 4:19

Ghwalamda Betaro ea Yohana ak gwayeesha saawa, “Heapi nih huumeandea gideaba gajeeleeyseegwa iit ak ea mealeeysiini iit ASEETA asi girgweageeni alaja agooga;

Ebraniya 11:25

ak ghwaloat gideaba gaygaweechi sawanadeeda sea fuga ASEETA ak ea mwasamwa hooseaneega jeeda riing'eeda.

YOSHUWA 24:15

Ak iyoadaayi gideaba mwadoabiiwa gadiyeesiinda NG'UTAMIIDA, abeeda ghoaloachi askweareani dea jea agadiyeesiina, ii aseecheeka ghayi gadiyeesa ghweanigeagwa aba ng'eanyiida giigheawda eenda Furati, ghana aseecheeka Amori oopiidi ng'eanyiida nyaawa; ak aniini ea gheanyu, gajeegadiyeesiina NG'UTAMIIDA.”

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.