DANIELI 2:44 - Bibliyeeda Ghaydit

⁴⁴ Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 2:44 Mawu Ofanana

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

2 SAMWELI 7:13

Ak gayghwadeas gheeda aba gheawungeasu, ak gaydasin hoorgeadaanyi damanda manda muudeanooda.

2 SAMWELI 7:16

Nea gheang'u ea sugoocheanduumeadaang'u gaygamajeegiit damanda manda muudeanooda aba madeedeanyu; nea hoorgeadaang'u gaygamajeegiit damanda manda muudeanooda.’”

NYIIGHEEGA 145:13

Sugoocheanduumeadaanyi sugoocheanduumeeda manda muudeanooda, nea gheambalmeadaanyi gaygoobiida aba seaygoojiga sean. NG'UTAMIIDA ea doabiiwaat aba ng'asheagaaschi sea, ak gwandeawa bariinyeega aba gadiyoojigaaschi sean.

ISAYA 60:12

Aba gideaba gilinyoo ea eemoojiga gil ea sugoocheanduumeeda buuneeda gea magasa gagadiyeeseey gajealas uhuuda; Asaha eemoojisu gajealas uhuuda.

ESEKIELI 37:25

Ak gaygoobiida ng'eanyiida ghayi aadawji Yakobo was siideanyu bea gadiyeeda, heeda ghayi abiita ghweanigeagwa. Ak eara saawa gaygoobiida hoowa, saawa ea diibiga nyaawa ea diibiga gea nyaawa, damanda manda muudeanooda. Ak Dawdi was siideanyu bea gadiyeeda gayghoah siida nyaawa haw damanda manda muudeanooda.

DANIELI 2:28

ak gwanda ASEETA mida humng'eeda ahiimu ng'asheega funyeadi, ak ea ninung' ghwanal sugoocheanda siguura Nebukadinesa gida jea ghwahidu galanya. Giirgweatkaagu ea ng'asheega siitaheachneey aba jeeda uhuudaang'u damanda iwiili geaw aba bulaliida suh:

DANIELI 2:34

Damanda ing'uli, ghang'adaan lagheaneeda meang'waanyana geatinda siida, ak ghwalas geeshangiga bea gharinyeanda ea sheang'weeda bea sanaamuun;

DANIELI 2:35

ak geehirjeaweada gharinyeanda, ea sheang'weeda, ea shaaba, ea lapiya, ea dahaabu, geehirjeaweada sean, ea gawuurji mbarariida geayda sing'aal ea ghoah dearanga; ak ghwaat jeameeda, ak ea manda heeda jea eanyasa. Nea lagheaneedida nyarja sanaamuun ghoah giijeeda haw ak ghoanyiit ng'eanyiisean.

DANIELI 2:37

Asi, ang'iing'i Ea ng'utamiida, sugoocheanda sugoodiga, was ASEETA humng'eeda goona gheambalmeeda, ea uurda ea hawunda, ea giigheambiita,

DANIELI 2:43

Asi idaahi gharinyeanda guuyi sea sheang'weeda miy, gaygaba nih guuyi nuut aba gheenda, ak ea mayghoang'waay geat, gawuurji gidamoang'waayda geat gharinyeanda sea sheang'weeda.

DANIELI 4:3

Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 6:26

Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.

DANIELI 6:27

Niny goodayiida nea gwalealu, ak gwasima ng'asheega deamdeameadi ea gwadeagwajeega aba humng'eeda ea aba badayda ng'eanyiida, was dea ghayi lealu Danieli aba heeda uurda ng'anyeeka.”

DANIELI 7:27

Nea sugoocheanduumeeda ea gheambalmeeda ea hawunda sugoocheanduumajeega mida hing'eadayda humng'eeda gajeataw fuga ghaydidi bea ASEETA Haw bea Humng'eeda; abeeda sugoocheanduumeeda nyaawa gajea sugoocheanduumeeda manda muudeanooda, abeeda gheambalmoojiga sean gaygagadiyeesa saawa nea gwasissa mureeda.’

DANIELI 8:25

Nea aba milmilandaanyi gaygabaruura geatindaanyi aba ng'uyeega, ak aba fughareadaanyi gayghaghwar geaw. Ak gayghabwar fuga saang'a aba shamooda; ak gaygafool eara sugoocheanda haweewa sean; ak gaygagiinya nea mahirja geatimba sih.

MIKA 4:7

nea gea badoojiga gaydanung' ghoah gheaptanga; nea gea sijakta ghoah eemeeda mideawa uurda; ak goombal NG'UTAMIIDA saawa aba giijeeda Sayuni ghang'eada ghamneawa ea ghoah damanda manda muudeanooda.

HAGAYI 2:22

ak geabiimbiinyi hoorgajeega darooraka; ak ea niriikghta dahuuyda uurjeenga darooraka eemoojiga, ak geabiimbiineadi mutukwajeega ea fuga mwanmwan; nea faraasajeega ea fuga mida badahuuka gaygoobeedeayi, giliwas sih aba ng'uta buweacheandaanyi.

HAGAYI 2:7

ak gaydeaduumduum eemoojiga sean, ak abeeda haleanjeeda adiiw eemoojiga sean gayghapka hiji, ak gaydaanyiit gheawi gharbeeda, gwarugu NG'UTAMIIDA bea lugweega.

Mattayo 28:18

Ghwaan Yesu heanyaawa ak goobalool ak gwayeesha, “Sigoonan gheambalmeeda sean aba humng'eeda ea ng'eanyiida.

Yohaana 12:34

Hean ghwasha eemeeda ak gwayeesha, “Aseasa gwarukuneasa deaweeda gideaba Gristo gayghwashng'u eaweega manda muudeanooda. Abeeda ghoamuustiin gideaba gajayeena Orjeeda siida gajeetiing'da humng'eeda? Orjeeni bea siidean ng'eaha?”

Ebraniya 12:28

Asi eahuuwa fuga mideawa badiischooda aba nyasooda sugoocheanduumeeda majeetuumduum, ak geatawji ASEETA ghadoowanda huumwa, aba mureeda ea mooshta ghawooda;

Giidaheechta 11:15

Ghaghuut durumbeateadaanyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoocheanduumeeda ng'eanyiida goola ghoah sugoocheanduumeeda Ng'utamiideanya ea dea Gristoydaanyi, ak gaygoombaliischi ea ghoah damanda manda muudeanooda.”

Giidaheechta 2:27

ak gayghoahaaghwiida saawa bileangida gharinyeanda, gawuurji gidiisa ghwanyarda haleanjeeda sisna sigeeda ak ghoah banajanga, gwasunu eara aniini naanyaschi uurda leabu heeda Bwaabwa;