DANIELI 2:4 - Bibliyeeda Ghaydit

⁴ Hean ghwalamda fuga Galdayo ak gwayeesha sugoocheanda, “Ea sugoocheanda, gagasa abiidana ng'eanyiida damanda manda muudeanooda! Rukusiina fugaagu bea gadiyeeda giirgweatkaagu, ak gajeahiimna gidarugu.”

DANIELI 2:4 Mawu Ofanana

GIING'EETA 31:47

Ak gaguura Labani Yegar-sahaduta: nea gaguura Yakobo Galedi.

GIING'EETA 41:8

Iimuchu gwasawana jeadaanyi; ak ghwanung' eeguursa meanga sean bea ng'eanyiida Misri sea fuga sean bareahi iheeni; ak gwarukusa Farao giirgweatkaaschi, ak ea manda siida ammu gwaroopsa Farao gidawas.

1 SUGOODIGA 1:25

Ng'ula eaweecheanji nirarang'aada, ak gwasin lukghumajeega heewga, ea haleanjeeda riisheadi, ea gisilga saang'a, ak nea ea niguursa orjooga sugoocheanda, Yoabuheeda was shirikarajeanda lugooda, ea Abiyatariheeda was ashoohoocheanda; ak ging'ulayi, gweagiischi nea gwaleeshi aba madeadaanyi, nea gwayeena, ‘Anung' goobiida Adoniyaheeda was sugoocheanda!’

1 SUGOODIGA 1:31

Ng'ata Batsheba ghwahiiy geaw ea ghang'uda gheamamdaanyi ng'eanyi, ak ghoang'waay geeshanga sugoocheanda, ak gwayi, “Gagasa ghwanyas giibinda ng'utamiideanyu, Dawdeeda was sugoocheanda damanda manda muudeanooda!”

2 SUGOODIGA 18:26

Ghwalamda Eliyakimu orjeeda Hilkiya, ea Shebina, ea Yoa, ak geeyeesha shirikarajeanda haw, “Eaniyean abaloola fugaagu bea gadiyeeda aba iita Ashuru, aba gideaba geanali nea adibalooli fiisu mida uhuuda ghamardean aba iita Yahudi.”

ESRA 4:7

Eara damanda Artashasta, ea Bishlamu ea Mitredati ea Dabeli sea fuga duupchi gang'oorsa Artashastaheeda was sugoocheanda Ajemi; barawajeanda geang'waara iita fuga Aramu ak geeroapta

NEHEMIYA 2:3

Ak geayeeshi sugoocheanda, “Gagasa ghwanyas sugoocheanda eaweega manda muudeanooda! Gheamamdeanyu mayghang'ut gurmeahiida aba naaha, nea mujiini, heeda was bung'eadinga ghweanigeasu gaba salgheang'da, nea dooshinga ea niduulu beasta?”

ISAYA 36:11

Hean ghwalamda Eliyakimu orjeeda Hilkiya, ea Shebna ea Yowa, ak geeyeesha shirikarajeandida hawiin, “Eaniyean abaloola fugaagu bea gadiyeeda aba ghuuta fuga Ashuru, aba gideaba geanali, adibaloolaneasa ghuuta fuga Ebraniya, aba gideaba gwayiing'shi fuga mida uhuuda ghamarda.”

ISAYA 44:25

Inyeessa ghaadataschi gwadeagooda fuga ng'uyeega, nea ghaanung' gwadasheahiidi fuga was meanga; nea ghaaheawi ng'asheega fuga mideawa weaghuumeeda, nea ghaayamji fughareenga nyaawa ghoah leendeeda;

DANIELI 1:4

was gheareemanga manda sirjeeda, miyaasiin ea gea geariirji mideawa fughareenga sean, biissa ea bareahi iheeni, aneali geat ng'asheega, hit aba gadiyeeda gheeda sugoocheanda, ak ghoanaal saawa ng'oorshooda ea iita fuga Galdayo.

DANIELI 2:7

Hean ghwasha deabiyeenya, “Iirukusa sugoocheanda fugaaschi bea gadiyeeda giirgweatka, abeeda gajeerukusiina gidanyah.”

DANIELI 3:9

Ak gwayeesha sugoocheanda siguura Nebukadinesa, “Ea sugoocheanda, gagasa abiidana ng'eanyiida damanda manda muudeanooda!

DANIELI 4:19

Iimuchu Danieleeda siguura Belteshasa, ghahamng'eanyi gilimwanang', nea ghwayamwa fughareadaanyi. Ak gwayi sugoocheanda, “Belteshasa, adaghoabealnyi giirgweatka ghana hamang'eanyi aba gidawas.” Ghwasha Belteshasa nea gwayeesha, “Ng'utamiideanyu, gidabal gagal giirgweatka fuga sinyi nea gagal gidarugu giirgweatka heeda weajoodigaagu!

DANIELI 4:7

Hean ghapka beeneediga, ea deareemng'ajeega, ea fuga Galdayo, ea fuga nal searoojiga miinga; ak gearukusi giirgweatka, ak ghwaraay gwarukunean danal gidawas.

DANIELI 4:9

“Ea Belteshasa, sugoocheanda beeneediga, aniini ghaanali gideaba guroorooda aseecheeka ghaydidi gwanda jeadaang'u ak ea manda ng'asheanda funyaat ghana dea hang'waay aba headaang'u, asi suh giirgweatka aadaayi; asi rukunean gidawas.

DANIELI 5:10

Iidu iiy gheamata sugoocheanda, ng'asheega sugoocheanda ea gea ng'utamoojigaaschi ghwaan jeeda ghooriida ghweelmeeda; ak gwayi gheamata sugoocheanda, “Ea sugoocheanda, gagasa nyasa eaweega manda muudeanooda! Adaghahamng'eanyi fughareadaang'u, adaghoabealnyi ng'asheesu mida uhuudaang'uuni ghana ghwayamwa oormeadaang'u.

DANIELI 5:8

Hean ghwahidu fuga sean was weaghoodi bea sugoocheanda, ak ghwaraay ghoasoamwa ng'oorda ghana ghwanung' ghwanal sugoocheanda gidarugu.

DANIELI 6:21

Ghwalamda Danieli ak gwayeesha sugoocheanda, “Ea sugoocheanda, gagasa nyasa eaweega manda muudeanooda!

DANIELI 6:6

Iimuchu gwaneaji sugoodisu heesiin sea fuga hees aba heeda sugoocheanda haw ak gwayeesha, “Ea sugoocheanda haw Dariyo, gagasa nyasa eaweega manda muudeanooda!

DANIELI 6:7

Nea sugoodiga hees sean bea jeeda ng'eanyiida, sea sugoodiga manang'i, ea fuga hees ea gweargwa girgweageeda ea sugoodiga hees hidu goombal ng'eanyiida ak gwaneajeesa gideaba darada sugoocheanda diigheanda ak goomajeek, gideaba siida wassean jea ghabwat aseeta wassean ghana siida, aba jeemba askwearjooji diktam ea damanamughuush, nea mwaghusnyi, Ea ng'utamiida, gajeejaksa jeeda shoomanda ng'anyeeka.

Mattayo 21:9

Goojuur eemeetuw asheeda ea gea huuydean nea gwayi, “Hosana Orjeeda Dawdi! Sing'usha dea jea ghoana gheawunga Ng'utamiida! Hosana aba humng'eeda.”

1 SAMWELI 10:24

Ak gwayeesha Samweli buuneesean, “Noadaayi siida was dea loat NG'UTAMIIDA? Manda siida uurji niny aba jeeda buuneesean.” Ak goojuur buuneesean nea gwayi, “Gagasa ghwanyas sugoocheanda eaweega geawi!”