DANIELI 2:37 - Bibliyeeda Ghaydit

³⁷ Asi, ang'iing'i Ea ng'utamiida, sugoocheanda sugoodiga, was ASEETA humng'eeda goona gheambalmeeda, ea uurda ea hawunda, ea giigheambiita,

DANIELI 2:37 Mawu Ofanana

1 SUGOODIGA 4:24

Aba gideaba gwandeawa uurda aba ng'eanyiida sean bea dirbeayda Furati gidang'eada Difsa ea gagul Gaasa, ak goombal eara sugoodiga mida dirbeayda Furati; ak gwasin hoyyoo aba meatkwajeega sean neaweesa niny.

2 SUGOODIGA 25:28

Ak goobaloola niny ng'asheega miyaas, ak ghoadaw niny hawunda sugoocheanduumeeda ea ghoanaawa sugoodiga mideayi sea niny aba Babeli.

2 DAMANYOOJIGA 36:23

“Gwayi Goreshi was sugoocheanda Ajemi, ‘NG'UTAMIIDA, was ASEETA humng'eeda, ninyakneani sugoocheanduumeeda ng'eanyiida, ak ea ninyakneani gadiyeeda jea dadeeksa niny gheeda aba Yerusalemu, was Yuda. Asi gilinyoo gwanda jeedeang'wa was fugaaschi, NG'UTAMIIDA was ASEATAANYI gagasa gwandeayi sea niny. Anung' gwadiyeada.’”

ESRA 1:2

“Gwayi Goreshi was sugoocheanda Bersiya. Nigoonan NG'UTAMIIDA was ASEETA humng'eeda, sugoocheanduumeeda sean bea ng'eanyiida, ak ea nirukunean dadeeksa niny gheeda aba Yerusalemu mida ng'eanyiida Yuda.

ESRA 7:12

“Nea Artashasta, sugoocheanda sugoodiga, heeda Esra was ashoohoocheanda, ng'oorshoocheanda deaweedeeda ASEETA mida humng'eeda.

NYIIGHEEGA 62:11

ASEETA gwarugu nibwagi; ak ea naayiinyi nibiyeenya ng'asheesu, gideaba uurda gwandeawa ASEETA;

GHWASIILDEANGA 8:15

Ghaanung' ghoang'waay ng'eanyiida sugoodiga, nea fuga ambaliischi gwasin girgweageeda doabiiwaat.

ISAYA 10:8

aba gideaba gwayi: “Heapi shirikarajeegeasu hees sean mii sugoodigea?

ISAYA 47:5

Apteada ak gisiindi, ak guwi jeeda misaneeda, Ea hudeaba Galdayo; aba gideaba maygudu eeguureewaneey gatmooda was sugoocheanda.

YEREMIYA 28:14

Aba gideaba gwayi NG'UTAMIIDA bea lugweega, was ASEETA fuga Israeli: Nearasi gheatkeakeaba eemoojisu yookajeega sisina gharinga bea soomjeanduumeeda, ak gaygagadiyeesa Nebukadinesa was sugoocheanda Babeli, aba gideaba niny naadawji eara diyeanga jarooda.’”

YEREMIYA 34:1

Ng'asheanji dea weesa Yeremiya gil leabu heeda NG'UTAMIIDA, damanda waseewa Nebukadinesa sugoocheanda Babeli, ea lugoadaanyi sean, ea sugoodiga sean bea ng'eanyiida mida hing'eadayda gheambalmeadaanyi, ea eemoojiga sean ng'uchi sea Yerusalemu, ea mujiinajeega sean.

ESEKIELI 26:7

“Aba gideaba gwayi NG'UTAMIIDA was ASEETA, ng'ula, gaydeadu Nebukadinesa was sugoocheanda Babeli was sugoocheanda sugoodiga. Gaydeadu badayda Diro nea gwaleabu wiilooda ng'eanyiida ghayeawa ea faraasajeega, ea mutukwajeega ng'ucheeda, ea gea mida ding'da faraasajeega, ea lugooda, ea fuga saang'a.

DANIELI 1:2

Hean ghwanung' Ng'utamiida ghoang'waay Yehoyakimuheeda was sugoocheanda Yuda, haleanjeeda mwaatkwa bea gheeda ASEETA; ak ghwaat ea ghoahiita ng'eanyiida Babeli was gheeda aseataanyi, ak ghwayiin haleanjeeda heeda siitiiwiisa haleanjeeda aseataanyi.

DANIELI 2:31

“Gidaahi, Ea ng'utamiida, ng'ula, sanaamooda haw. Gili mideawa uurda nea ghabwada weeshindean, ghamiinaada aba madeadaang'u, nea iing'ulayi gaybeala.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 4:19

Iimuchu Danieleeda siguura Belteshasa, ghahamng'eanyi gilimwanang', nea ghwayamwa fughareadaanyi. Ak gwayi sugoocheanda, “Belteshasa, adaghoabealnyi giirgweatka ghana hamang'eanyi aba gidawas.” Ghwasha Belteshasa nea gwayeesha, “Ng'utamiideanyu, gidabal gagal giirgweatka fuga sinyi nea gagal gidarugu giirgweatka heeda weajoodigaagu!

DANIELI 4:22

Siida ang'iing'i gil, Ea NG'UTAMIIDA, dea heedu ak ghwanyas uurda. Hawundaang'u niheedu ea ghwahita humng'eeda, ak gheambalmeadaang'u ea nihita muudeanooda ng'eanyiida.

DANIELI 4:25

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' akta nyeega deeda, ak gajeashapnyi aba rahooda humng'eeda, ak gayghang'ata gweanyeew ispwa aba headaang'u, ak ginali gideaba ASEETA Haw bea humng'eeda goombal sugoodiga buuneeda, ak iissa ghoadaw siida gasa sugoocheanduumeeda.

DANIELI 4:3

Gwadeenachaan heesinyeeka gwadeagwajeagaaschi, ak gwadeenachaan ng'asheagaaschi deamdeameadi! Sugoocheanduumeadaanyi sugoocheanduumeeda manda muudeanooda, gil nea gheambalmeadaanyi ghang'eada seaygeeda ea ghwahita seaygeeda.

DANIELI 4:32

ak gajeahoananeey jeeda buuneeda, ak giibindaang'u gaymideaydooscheewana diyeanga jarooda; ak gajeanung' aga nyeega uurjeewana deeda; ak gayghang'ata gweanyeew ispwa aba headaang'u, ak gaynala gideaba ASEETA Haw bea humng'eeda goombal sugoodiga buuneeda ak iissa ghoadaw siida gasa sugoocheanduumeeda.”

DANIELI 4:34

Muchu nea ning'ata gweanyeew ispwa geagatkachi gheanyangeasu aniineeda was Nebukadinesa dea geal humng'eeda, ak gabiigu fughareedeanyu, ak geabadiischeesi ASEETA Haw bea humng'eeda, ak ghaaghaambiichi nea geasisi mureeda dea mida damanda manda muudeanooda; aba gideaba gheambalmeadaanyi dea iissa ghwashng'u, nea sugoocheanduumeadaanyi iissa goobiida ghang'eada seaygeeda ea ghwahita seaygeeda;

DANIELI 5:18

Ea sugoocheanda, ASEETA Haw bea Humng'eeda ghoadaw gweanu was Nebukadinesa sugoocheanduumeeda ea hawunda ea gharbeeda ea hawunda;

DANIELI 7:14

Ak geataw niny gheambalmeeda ea gharbeeda ea sugoocheanduumeeda, ak abeeda buuneesean, ea eemoojiga, ea iidiga eemoojiga gaygagadiyeesa; nea gheambalmeadaanyi ea gheambalmeeda manda muudeanooda, nea sugoocheanduumeadaanyi manda muudeanooda, nyooh ea mayghang'ata, ea mwoamu eenyarja.

HOSEYA 8:10

Ak eara ghwasha uurjeenga fuga duupchi aba bugusta eemoojiga, Gaydalamwach daamughuush aba hijagi. Ak gayghanyi gafuuf gilinuwaas ghang'eada sugoocheanda simwaar ea fuga hees.

Mattayo 6:13

Adiigealeasa jeeda simsimda, ak giighuuhaneasa gidida muyiin.

Yohaana 19:11

Ghwasha Yesu nea gwayeesha, “Gwachi miimuusi mideawana uurda aba badaydeanyu iimeegoonyi aba humng'eeda; amadu siidida iinan geatingaaguun gwandeawa riing'eeda haw muuchi.”

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 19:16

Ak badayda hang'daanyi ea gibeestaanyi geeng'oorsa, gheawunga Sugoocheanda sugoodiga ea Ng'utamiida ng'utamoojiga.

Giidaheechta 4:11

“Ng'utamiideanya was ASEETA gamiiseey ang'iing'i giigheambiita ea mureeda ea uurda, aba gideaba ghayi gisini haleanjeeda sean, nea aba gidigasiidi gisini ak goobiida.”

Giidaheechta 5:12

nea geeyi aba ghuuta haw, “Gamiisa Dayeenda Gisilleanda ghayi silach gheata, ghwanyas uurda ea meanang'oocheanduumeeda ea weaghuumeeda ea hawunda ea mureeda ea giigheambiita ea ghawooda!”