DANIELI 2:30 - Bibliyeeda Ghaydit

³⁰ Ak ghamneawa gili funyaadiin ea siihiimnaan, nea meakna gideaba geawooschi weaghoot ea dang'al buuneeda suurja, geegasa ghwanal sugoocheanda gidarugu giirgweatka, ak abeeda ginali gidarugu fughareadaang'u.

DANIELI 2:30 Mawu Ofanana

GIING'EETA 41:16

Gwayeesha Yosefu Farao, “Mii aniini; gayghoadaw ASEETA Farao gitoabiiw nyaah giirgweatka.”

NYIIGHEEGA 139:2

Ang'iing'i ginali giibinda heedeanyu ea nung'usiinda bea heeda. Ang'iing'i ginali gideapteadaydi ea gida aamiinaadaydi; ak ea nijeeng'u fughareedeanyu nea guwoosi sheagi.

ISAYA 45:4

Aba badayda Yakobo was siideanyu bea gadiyeeda, ea Israeli ghayi aaloachi, geaguurneey aba gheawungaagu, geagoonyeey gheawunga mureeda, earapeadi ang'iing'i minalaan.

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 2:47

Ak gwayeesha sugoocheanda Danieli, “Aba huumwa, ASEATAANG'U ASEETA aseecheeka gil ea Ng'utamiida sugoodiga, ak goohiimu ng'asheega funyeadi, aba gideaba niimuusi ahiimni ng'asheanji funyaadiin.”

DANIELI 2:49

Ak gamus Danieli sugoocheanda, gideaba loada Shadraki, ea Meshaki, ea Abedinego goombal haleanjeeda ng'eanyiida Babeli; nea Danieli goobiida ghuuta gheeda sugoocheanda.

AMOSI 4:13

Aba gideaba NG'UTAMIIDA deaghayi sin giijeega gil, ak gwasin jeameeda, ak gwarukusa siida gida ateemsheata; ak ghwanung' gamisaniit ng'eanyiida sakteayda, ak ghwala badayda ng'eanyiida heeda geawiit– NG'UTAMIIDA, was ASEETA bea lugooda gheawungaaschi.

Mattayo 24:22

Nea ghwanyawa askwearjoojisu dagheeda ea meanuwaasa ghwanyawa ea maygwanda siichea ghwalaalaan; iidu geelagu askwearjoojisu aba badahuuka fuga ghayi sibay ealoat.

Marko 13:20

Inyeeda gwachi ea moong'ayiida Ng'utamiida askwearjoojigiga ghanyea manda siisi jea ghwalaalaan. Amadu aba badahuuka fuga loossa geaw ea nisuuy Ng'utamiida askwearjoojigiga.

Gadiyeeda Giijasoodiga 3:12

Daah Betaro fugiga goorgweaksa buuneeda, “Ea fuga Israeli, anda agooga ghahameagwa ng'eanyi aba ng'asheanji, ak ghwasaan anda goong'uleasa, nea ghoaghanyi gideaba siisi ghoahaap uurdeanya ghana doobiiwnateanya ak geenung' gawa?

Ruumi 8:28

Ak geanali gideaba aba jeeda ng'asheega sean iissa gwasin ASEETA gadiyeeda miy sea fugiga bwariiy ninyiin, fugiga ghayi siguursa aba gidagasiida ninyiin.

2 Goriinto 4:15

Aba gideaba ng'asheega sean gaba badahuukeagwa nea gidahaadaata dagheerjeanduumeeda muuchi, ghoahaada badiischeesiinda aba heeda fuga saang'a, aba giigheambiita ASEETA.