DANIELI 2:23 - Bibliyeeda Ghaydit

²³ Nea ang'iing'i, Ea ASEETA ghweanigeasu, geabadiischooweey nea geakghaambiicheey, aba gideaba nigoonyean weaghuumeeda ea uurda, ak ea ninung' danal gidasing'aleay, ak ea ninung' eanala ng'asheega ng'utamiida.”

DANIELI 2:23 Mawu Ofanana

GIING'EETA 18:17

Hean gwayeesha NG'UTAMIIDA, “Maydafunya Abrahamu gida jea dasin,

GIING'EETA 31:42

Asi gwachi ii maduuksean ASEETA ghweandeanyu was ASEETA Abrahamu ea gheawalmeeda Isaka, gwachi aba huumwa gajea ninung' dawa nea mwaayaadi gil. ASEETA ghwadaah sawanadeedeanyu ea gadiyeeda geatingeasu ghoah gidaghoosa awoowsiinaneey.”

1 SUGOODIGA 18:36

Damanda siitayiideawa haleanjeeda sisabwa geadi bea ghadooweedean shing'ada, gwaneekiit sibaneeda was Eliya ak gwayi, “Ea NG'UTAMIIDA, was ASEETA Abrahamu, ea Isaka, ea Israeli, nung' eejeeng'u askweareani gideaba guwoosi ASEETA Israeli, ea gideaba geawooschi siidaang'u bea gadiyeeda, ea gideaba geasinyi ng'asheesu aba ng'asheandaang'u.

1 SUGOODIGA 8:57

NG'UTAMIIDA was ASEETEANYA gagasa goobiida heedeanya, gawuurji gidaghayi abiideata heeda ghweanigaasa; adiidu ghwanung'waneasa heeda ghana gwajaktaneasa;

1 DAMANYOOJIGA 29:10

Ak ghoaghaambiit Dawdi NG'UTAMIIDA, aba madeeda buuneesean bwat geat; ak gwayi Dawdi, “Deakghaambiinyi Ea NG'UTAMIIDA, was ASEETA Israeli was ghweandeanya, damanda manda muudeanooda.

1 DAMANYOOJIGA 29:13

Asi ghamneawa ASEETEANYA, geebadiischooweey nea geakghaambiichi gheawungaagu ghaydit.

2 DAMANYOOJIGA 20:6

ak gwayeesha, “Ea NG'UTAMIIDA, was ASEETA ghweanigaasa, ang'iing'i muwoosi ASEETA mida humng'eeda? Ang'iing'i miihaaghwani gheambalmoojiga sean bea darooraka eemoojiga? Jeeda geatindaang'u gwanda giimuusta ea uurjeenga, nea ea manda siichea gang'alealeeweey.

NYIIGHEEGA 21:2

Ang'iing'i niidawi gidagasa gurooroadaanyi, ak ea muweadani ng'asheega gasa ghuutaanyi.

NYIIGHEEGA 21:4

Gamusnyi eaweega; ak giidawi, askwearjoojiga saang'a damanda manda muudeanooda.

NYIIGHEEGA 25:14

Duupcheeda NG'UTAMIIDA gwanda heeda fuga awali gheang'da, ak gayghwanung' ghwanal saawa neajeadaanyi.

NYIIGHEEGA 50:14

Adawa ASEETA lukghumajeega badiischooda, ak giidawi haleanjeeda iradi ASEETA haw bea humng'eeda;

RITEAYDA 3:15

Gabiikta ASEETA gwayeesha Musa, “Rukusiina ng'asheanji fuga Israeli, gideaba, ‘NG'UTAMIIDA, was ASEETA ghweanigeagwa, ASEETA Abrahamu, ea ASEETA Isaka, ea ASEETA Yakobo, goojeaknean heedeang'wa’; nih gheawungeasu gil ea gagul damanda manda muudeanooda, nih gayghoah gichea eepkeateewean ea gagul seaygoojiga sean.

GHWASIILDEANGA 21:22

Siida mideawa weaghuumeeda gayghoamu gageanda mujiineeda fuga mideawa uurjeenga, nea gwanyarja hilgweandida ghusiin.

GHWASIILDEANGA 24:5

Siida mideawa weaghuumeeda gwandeawa uurda ea ghang'al siida majeek, ak siida mideawa fughareeda ghang'al dea mideawa uurda.

GHWASIILDEANGA 8:14

Ghaamuuschi deabalool buuneeda, ak geandeawi weaghuumeeda, geandeawi fughareeda ak geandeawi uurda.

REEKUSIINDA 7:19

Weaghuumeeda uurda siida mideawa weaghuumeeda, ea ghang'al fih damanamughuush hees.

REEKUSIINDA 9:16

Hean geayi, ghang'wana weaghuumeeda ea ghang'al uurda, nea weaghuumeeda siida bwarbwar geefool, nea eara ng'asheagaaschi ea meeleeysiina iit.

REEKUSIINDA 9:18

Weaghuumeeda aamiy ea ghang'al dabita ng'ucheeda, nea siida riing'eeda iissa gwanuus ng'asheega saang'a miyaas.

ISAYA 12:1

Ak eaweedida gajeena: “Ea NG'UTAMIIDA, gaydabadiischeeweey, earapeadi ninyareeksean, nyarastaang'u nihawda, ak ea ninung' dahawda.

YEREMIYA 33:3

Guurnean ak gayghwanya ghuuteanyu, ak gaydaahiimneey ng'asheega hees hang'oonyi minali.

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 2:18

ak gwayeesha saawa agasa baydeayda ASEETA humng'eeda aba iiteaba ng'asheanji, ak abeeda ea meabwara Danieli sea bareandaanyi sea fuga bareahi iheeni bea ng'eanyiida Babeli.

AMOSI 3:7

Aba huumwa Ng'utamiida was ASEETA maygwasin gil nea mii goodaheachsa makcheameadaanyi fugaaschi bea gadiyeeda was sibangaaschi.

Mattayo 11:25

Aba damandida gwayi Yesu, “Geabadiischooweey ea Bwaabeeda was Ng'utamiida humng'eeda ea ng'eanyiida, aba gideaba gifunyi ng'asheesu fuga weaghoodi ea fuga mideawa fughareenga ak giihiimsi diibiga manang'i;

Lukka 10:21

Aba damandida goohoosan Guroorooda Ghaydit ak gwayi, “Geabadiischooweey Bwaabwa, Ng'utamiida bea humng'eeda ea ng'eanyiida, aba gideaba gifunyi ng'asheesu fuga mideawa weaghuumeeda ea gea mideawa fughareenga ak giihiimsi diibiga manang'i; Asaha Bwaabwa, ada gida igassiidi gil.

Yohaana 11:41

Hean geegeanda lagheaneedida. Ng'ata goong'weersa Yesu humng'eeda ak gwayi, “Geabadiischooweey Bwaabwa aba gideaba iissa giyiinyi gideargu.

Yohaana 15:15

Maygudu gabiikta daguureewaneegwa soomjooga aba gideaba soomjeanda iissa ea mwanala gissin siidaanyi haw, ak ghamneawa aniini ea neaguureewaneegwa fuga eaduupcheewi aba gideaba nearukuneegwa ng'asheega sean eayiing'si heeda Bwaabwa.

Giidaheechta 1:1

Nih giidaheachta Yesu Gristo gil, ghayi adaw ASEETA niny goohiimsa soomjoagaaschi ng'asheega jea gabay ghwahidu; ak ghwanung' eanal aba giijeakteayda malaykajeandaanyi gaweesa soomjeandaanyi was Yohana,

Giidaheechta 5:5

Ak gwayeeshean siyagi aba jeedeaba gweargiga, “Adiiyeawdi; daaha, ng'adiida eemeeda Yuda, was Hawunyeanda Dawdi, niny nijooriischi, ak gaygootin gitaabu, ea giiroorangaaschi as ispwa.”