DANIELI 12:10 - Bibliyeeda Ghaydit

¹⁰ Gayghoamiidu geat fuga saang'a, ea gaweeriidi, ea gamiyeasiidi; nea fuga munyas gaygwasin munyinda; ak ea manda siida muy jea ghwanal; nea fuga weaghoodi gayghwanal.

DANIELI 12:10 Mawu Ofanana

NYIIGHEEGA 107:43

Siida weaghoot dang'ula ng'asheesu; nea gwasikteawa bariinyeega NG'UTAMIIDA.

NYIIGHEEGA 51:7

Ahuunean aba hisoopo, ak gaydamiidu; ahuunean, ak gaydaweeshiit ea dang'al gapkeanda.

GHWASIILDEANGA 1:5

Ak siida mideawa weaghuumeeda dayiinya, ak geeheasa fughareeda, nea siida nal ng'asheega dahita heeda girgweaksiinda jea ghwanyasa fughareeda

ISAYA 1:18

“Asi apkaana eebaloola, gwarugu NG'UTAMIIDA: Riing'eegeagwa eara ea nihareeriidi muuchi, gaygaweeriidi ea gawuurji gapkeanda, eara ea nihareeriidi ea ghawaar foojeanda, gaygaweeriidi ea gawuurji buudeega gisilleanda.

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

ESEKIELI 47:11

Nea beega mida ghuuta basooda ea dabaschoojiga ghuuta basooda beega mwajaamiyaas gaygaba balang'da.

DANIELI 11:33

Nea fuga weaghoodi aba jeeda buuneeda gayghwanung' ghwanal fuga saang'a, earapeadi jea eabwara mwaatkwa ng'uta, nea geaghwarda, ak geerada nea geareat haleanjeeda.

DANIELI 11:35

iidu fuga mwaatkwa weaghoodi gaygameewa, ak geehuun nea geamiidu ak geanung' gaweeriidi, ea ghwahita muudeanooda damanda, aba gideaba miighwahita damanda hit.

DANIELI 12:3

Abeeda fugiga weaghoodiin gayghoameang'daayda humng'eeda; nea fuga jea ghwayam fuga saang'a gwasin ng'asheega doobiiweadi gayghoameang'daayda miinga damanda manda muudeanooda.

HOSEYA 14:9

Ng'eaha gil siida weaghoot, danung' ghwanal ng'asheesu, siida haw fughara danung' ghwanal ng'asheesu; aba gideaba naweadinga NG'UTAMIIDA ea doobiiweadi, nea fuga doobiiweadi gayghwala naweadingiga, ak fuga munyas gaygabeanya geat aba naweadinga.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

MALAKI 3:3

Gaygoobideadayda siida adeang'shachi nea goohuuni lapiya, ak gayghoamiidu orjooga Lawi ak ghoamiitaayda saawa dahaabu ea lapiya, ea ghoadaw NG'UTAMIIDA haleanjeeda doabiiw bea ghadooweeda.

Marko 4:11

Ghwalamda Yesu ak gwayeesha, “Agoogeeni ghamneawa simeayneegwa makcheameeda Gheambalmeeda ASEETA. Ama sinung' fugiga manda jeedeaba gheambalmeeniin, saawa ng'asheega iijea eerukwiisa geaghus eegala geat.

Lukka 24:25

Ng'ata gwayeesha saawa, “Ea fuga dasheahi, mideawa gurooruunatka hang'oonyi ak ea mamwasa eara ng'asheega ghayi rugu sibanga!

Yohaana 18:37

Hean gwayeesha Bilato niny, “Asi ghamneawa ang'iing'i guwoosi sugoocheanda?” Ghwasha Yesu nea gwayeesha, “Girgu ang'iing'i gideaba aniini geawooschi sugoocheanda. Aniini geejiilan aba badaydeaba nih, nea aba badaydeaba nih ghaawunyi jeeda ng'eanyiida, gideaba gaydamuuwu huumeanda. Siida wassean mida jeeda huumeanda iissa gooleeysiit ghuuteanyu.”

Yohaana 7:17

siida bwariiy gwasin gida bwariiy niny, gayghwanal giinealshooni ea gwaleabu heeda ASEETA ghana gideaba gearuku aba gheambalmeedeanyu.

Yohaana 8:47

Siida ASEETA iissa gooleeysiit ng'asheega ASEETA; ak ghamneawa agooga ea mooleeysiini iit aba gideaba moowoosi fuga ASEETA.”

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 12:10

Aba gideaba saawa ghwalaseasa aba gheadi nuwaas aba gidamiisiinda saawa ak ghwalaseasa ak geemiyeesiidayi, ak abeeda geeguuyi ghaydidandaanyi.

1 Betro 1:22

Nea ghoamiidu jeesingeagwa aba mureedeang'wa aba heeda huumeanda aba bariinyeega huumwa aba heeda orjoogiyya, abwariinya geat huumwa aba jeeda guroorooda.

1 Betro 1:7

ak abeeda aba simsimda masaweegeagwa miyaasiin ng'al dahaabu jea gwarooda, earapeadi iissa geesim aba beasta, ak abeeda geadaah gideaba gwandeawa duumsiinda ea gharbeeda ea mureeda aba giidaheachta Yesu Gristo.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Giidaheechta 16:11

ak ghamwaashta ASEETA humng'eeda aba sawanaduutka nyaawa ea deaneaduutka nyaawa, ak ea maduukuunana sinaweega nyaawa.

Giidaheechta 19:14

Nea ghwaat geeshta lugooda humng'eeda, nea gookwa hang'weaka bumbuni, eashish nea miyaas, ak ghwaat geeshta faraasajeega eeshish.

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.

Giidaheechta 22:11

Siida sina ng'asheega munyas daraanya sinooda ng'asheega munyas, dea mideawa ririnnyeanda daraanya ririnnyeanda, dea doabiiwaat daraanya doobiiwnata, dea ghaydit ea daraanya ghaydidanda.”

Giidaheechta 3:18

Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.

1 SAMWELI 24:13

Gawuurji gidanyaashta ghwasiildeangeaba garayi gideaba, ‘Aba jeeda munyinda gaygwarina munyinda’; amaduuku geatindeanyu ea mayghoan badaydaang'u.