DANIELI 12:1 - Bibliyeeda Ghaydit

¹ “Damandida gayghwahidu malaykajeanda siguura Mikaeli, was malaykajeanda haw ahaaghwa buuneadaang'u ak gaygwanda damanda jea eeng'uchi, manda dea uurji aba dea ning'eada eemeeda ea ghoah damani; abeeda damandida buuneadaang'u gajeelealu, was fuga sing'oorsa gheawunga nyaawa jeeda gitaabu.

DANIELI 12:1 Mawu Ofanana

NYIIGHEEGA 56:8

Ang'iing'i ginali gidasiituumduumdanean; iina dabeakeasu jeeda jupajeandaang'u! Neada ea manda jeeda gitaaboadaang'u?

NYIIGHEEGA 69:28

Nung' eepuus gheawunga nyaawa aba jeeda gitaabooda fuga mideawa eaweega; ak ea adeeng'oorsa hijagi sea fuga doobiiweadi.

ISAYA 4:3

Nea dea boos aba Sayuni ea dea sinung'wa Yerusalemu gajeeguura Deaghaydit, nea gilinyoo eang'oar gil duu gwanda aba Yerusalemu.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 30:10

“Adiidu gibeali, Ea Yakobo gwarugu NG'UTAMIIDA, siideanyu bea gadiyeeda, Adiidu gigiisani, Ea Israeli; aba gideaba, gaydalealneey nea gindi dea sheagi, ea jeacheengaagu mida ng'eanyiida siipaleaksa. Yakobo gaygabiigu ak gaba seayu, ak ea manda siichea ghoabeal.

YEREMIYA 30:7

Aba huumwa eaweedida gajea haw Manda eaweeda jea eegala; Eaweeda giiseaneega gil aba fuga gheeh Yakobo; Ak eara gwasa gajeelealna jeedida.

ESEKIELI 13:9

Ak gaydalas uhuuda sibanga rukwiida gisiihiimu bea ng'uyyeega, nea gwaramoorani ng'asheega reengaweega. Nea inyas ghabwatgeat fugeasu aba hijagi, saawa maygwanda jeeda, nea maygwanda jeeda mooneeda fuga Israeli. Ak ea maygaweay jeeda ng'eanyiida Israeli, ak gajanala gideaba aniini geawooschi NG'UTAMIIDA was ASEETA.

ESEKIELI 34:24

Ak aniini NG'UTAMIIDA gaydoaw ASEETA nyaawa, nea siideanyu bea gadiyeeda was Dawdi, gayghoah siida haw aba heeda nyaawa, ng'asheesu gearugu aniini NG'UTAMIIDA.

ESEKIELI 5:9

Aba badayda ng'asheegeagwa munyas sean anyareasan, gaydasimaneegwa gidaghayi miidasimaneegwa ak ea maygut dabiikta gicha.

DANIELI 10:13

Nea siida jea ghoah sugoocheanda Ajemi geang'ucheewi eawooji diktam ea agi; ng'ata ghwahidu Mikaeleeda was malaykajeanji haw, aba jeeda malaykajeega ak ghaweadan, ak geanung'usi niny aba hoowa sea siida haw bea sugoocheanduumeeda Ajemi.

DANIELI 10:21

Ak gaydarukuneey gidasung'oar aba jeeda gitaabooda huumeanda: manda eara siyagi eaweecheewi aba ng'ucheeda sea fiisu geaghus Mikaeli, was malaykajeandaang'u.

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 7:10

Gwarina madeadaanyi eenda beasta; ak gagadiiyeesa fuga nyiit sagalamnyooji sagalama niny, ak ghamiinaada aba madeadaanyi fuga nyiit sagalamnyooji damanamughuush; ak ghang'eat ghuuta girgweageeda, ak geayaawaada gitaabwajeega.

DANIELI 9:12

Ak ea niimajeek ng'asheagaaschi; ghayi rugu aba badahuukaasa ea badahuuka fuga ambaleasa, ak gweadu badahuukaasa nyariida haw; aba gideaba aba hing'eadayda humng'eeda manda ng'asheanda uurji dea sisima Yerusalemu.

YOELI 2:2

eaweeda misaneeda duw, eaweeda shamooghuutka ea misaneeda haw. Gawuurji deashamga gharoodeaba gayeew bwargiit aba iheenga giijeega, suh ea hees ak gabiisa gwandeawa uurda, ak ea manda dea uurji saawa eara heeda ghayi, ak ea manda dea jea gawuurji iing'ata saawa, bwak ea ghang'ata gweanyeeka seaygoojiga sean.

MALAKI 3:16

Iidu fugiga awali gheang'da NG'UTAMIIDEAN goobaloola geat gideaba; NG'UTAMIIDA gwayiing'shi nea gooleeysiit saawa, ak geang'waar gitaabooda giipkeata aba madeadaanyi was fugiga awali gheang'da NG'UTAMIIDA nea goopkeadi gheawungaaschiin.

Mattayo 24:21

Aba gideaba damani gaygwanda sawanadeeda haw manda dea deena aba deaghayi sisna ng'eanyiida ea ghoah ghamneawa, ak ea maygudu abiikta adaaha sawanadeeda uurji nih earahay.

Marko 13:19

Aba gideaba damandida gaygwanda sawanadeeda manda dea jea eegala ghang'eada deaghayi nibwada ASEETA ng'eanyiida ea gagul ghamneawa. Ak ea maygudu gabiigu gicha dea jea gawuurji nih.

Lukka 10:20

Asi adiidu goohoosanyi aba gidawalda gheang'deang'wa meangeenda, ahoosana aba gideaba sing'waar gheawungeagwa aba humng'eeda.”

Ruumi 11:15

Asi heeheeweega nyaawa ghayi iyeadu giiduupcheeda badayda ng'eanyiida, abeeda masita nyaawa naaha gil ii mii eaweega gil iing'ata miyeeda?

Ruumi 11:26

Abeeda fuga Israeli gay ghwalaalaan, gawuurji gidaghayi sing'waarda, “Gay ghwahidu Lealnoocheanda jea gwaleabu Sayuni, ak gaygooheeli munyinda sea Yakobo”;

Efeeso 1:21

hean goombal fuga ambaliischi sean ea gheambalmeeda ea uurda ea sugoocheanduumeeda, ak ghang'ataawa gheawunga sean ghayi sing'at, ak ea mii aba seaygeeni gil eara diita jea ghwahiduun;

Filippi 4:3

Ak geamuscheey eara ang'iing'i, siideanyu bea huumwa eaduupcheewi, eaniyean weada gadeemsu, aba gideaba gagadiiy sea aniini aba iita giijasta miy sea Glementi sea fugeasu mwaatkwa eaweecheewi, mida gheawunga nyaawa jeeda gitaabooda eaweega.

Yuuda 1:9

Nea Mikaeleeda was malaykajeanda haw, gang'aleali sea meang'nyeandeenda, nea gwasheang'nyeesa saseeda Musa, mii gabadaksa rukunooda giing'weaka aba badayda girgweageeda mida badaydaanyi, geaghus gideaba gwayeesha, “Gagasa goowoowseey Ng'utamiida.”

Giidaheechta 1:5

biissa gwaleabu heeda Yesu Gristoyda was muushoocheanda doabiiwaat, was duweacheeda fuga nimeewa, ak goombal sugoodiga mida ng'eanyiida. Heedeaba ninyeeda bwariinyeasa ak gootineasa eeheelleewana riing'eegaasa aba foojeandaanyi

Giidaheechta 12:7

Ng'ata ghang'eat ng'ucheeda aba humng'eeda, gang'uchi Mikaeli ea malaykajeagaaschi sea hararjoodida; ak gang'uchi ichibooda sea saawa ea malaykajeagaaschi,

Giidaheechta 13:8

nea haleanjeeda sean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gitaabooda eaweega bea Dayeenda Gisilleanda ghayi sinuus nea miyeebwat sindeeta ng'eanyiida.

Giidaheechta 17:14

ak suh gaygang'uchi sea Dayeenda Gisilleanda, ak gayghwajoar Dayeenda Gisilleanda saawa, aba gideaba niny Ng'utamiida ng'utamoojiga gil ea Sugoocheanda sugoodiga, ak suh mideawa ninyiin ea gea geeguursa gea siloat ea gea doobiiweadi.”

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.

Giidaheechta 20:15

Ak giliwas sih iimiyeeng'oorsa gheawungaaschi jeeda gitaabooda eaweega, hean geejaksa jeedeaba basoodida bea beastean.

Giidaheechta 3:5

Nea siida jooriischi gajeekwealsa hang'weaka eeshish, ak ea maydeabuus gheawungaaschi aba jeeda gitaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.