DANIELI 11:4 - Bibliyeeda Ghaydit

⁴ Iimuchu nea niimbaliischi gayghwanyar sugoocheanduumeadaanyi ak gwadarsa murdaji ang'wan bea humng'eeda, nea maygaba jeataanyi ak ea maygawuurji gheambalmeeda ghayi itaanyi; aba gideaba sugoocheanduumeadaanyi gajeegeanda ak gaweesa fih suuk.

DANIELI 11:4 Mawu Ofanana

NYIIGHEEGA 39:6

Siida iissa gawa nea gagal hoowa ea hoowa gawuurji jirooneeda! Iissa gwasin ng'ooweata mwadaagha marachi gil; iissa ghoawaam haleanjeeda ak ea mwanala siida jea gageanda!

REEKUSIINDA 4:8

gwanda siida mandeawana sih, orjeeda ghana orjeeda ghaamwat, ak ea manda muudeanooda sawanaduutkaaschi sean, ak gheanyangaaschi ea malang'uuta aba baruureega, ea eamudu gagasa gil, “Ak geagadiyeesi ng'eaha ea daweada geaw hooseaneega?” Eara nih marachi gil ak ea gadiyeeda muy.

YEREMIYA 12:15

Iinearuuteawi saawa jeedida, abeeda gaydabwayda ak gaygaba nih eadeelsi headaanyi bea hearaniischooda ea ng'eanyiidaanyi.

YEREMIYA 12:17

Ama inyas gwanda eemeeda maygooleeysean iit, abeeda gaydahoan gwarita, ak ghaabwarji goosha, ng'asheanji gwarugu NG'UTAMIIDA.”

YEREMIYA 18:7

Aba damanda wassean Iinyo dabalool aba badayda eamwa ghana sugoocheanduumeeda gideaba gaydaloata, ak geanyarji ng'ata geahuydi goosha,

YEREMIYA 31:40

Nea moangoachiyda sean bea muscheeka ea deareeda ea madameega sean ea ghwahita ghealooda Gidroni nea gagul ghwanooda dooshta faraasi, mida meatkweeda ghayeawa, gayghoah heeda ghaydit bea NG'UTAMIIDA mwajealoata nea majeenyarja damanda manda muudeanooda.”

YEREMIYA 45:4

Ak gajeeshiina ang'iing'i niny, Asi gwayi NG'UTAMIIDA: Ng'ula, gidaghayi aadeaschi gaydanyarja, nea gidaghayi eahisti gaydaloosa ng'eanyi ak gaygwanda jeeda ng'eanyiisean.

YEREMIYA 49:36

ak gaydeadu badayda Elamu jeameeda aba meadaji ang'wan biissa gwaleabu meadaji ang'wan bea humng'eeda; ak gaydanung' gwadarsa jeameedida seaniin, ak ea manda eemeeda mayghwahita heeda fuga Elamu ghayi sihoan.

ESEKIELI 37:9

Ng'ata gwayeeshiinean, “Ea orjeeda siida, ramoora, ramoorsiina jeameeda, ak giyeeshi jeameeda gwayi NG'UTAMIIDA was ASEETA, beeni nea gileabu meadajeega asang'wan bea ng'eanyiida. Ea giisiimeanda guusiina suh ghayi sibwariin ak ghwanyas eaweega.”

DANIELI 7:2

Gwayi Danieli, “Ghaadaayi eawa aba jeeda giirgweatka, ak ging'ulayi, jeameeda gooyuuk meadajeega sean bea ng'eanyiida ak gooyuuk basooda.

DANIELI 7:6

Ng'ata hiji ghaang'weardi, ak uuw, ghaadaayi nuut dea uurji mariirda, mideawa meang'i ang'wan bea dariideanda aba badaydaanyi; nea diyeayda gaba iheeni ang'wan; ak ea siitaw gheambalmeeda.

DANIELI 7:8

Hean geang'ulayi gujaka, ak ging'ulayi, ak gwarina dageascheeda nyaawa gujaweeda nuut, mwanang', nea madeeda gwanda gujaw samwagu bea gea gwachi bea madeeda ak geelootu gumsheaka; ak ging'ulayi, gujaweeni gwandeawa gheanyaga uurji gea siida, ea ghuuta rukuuna ng'asheega hees.

DANIELI 8:22

Nea gujaweedida sihirja, ak gwarina hoorgeadaanyi gujaka asang'waniin, ea sugoodi ang'wan jea gwarina jeeda ng'eanyiidaanyi, ak ea maygwandeawa uurda uurji daanyi.

DANIELI 8:8

Ak goodiing'u geaw ghwarayda ea ghwaraanya; iidu aba uurda, geehirja gujaweadaanyi haw, iidu aba hoorgeadaanyi gwardu gujaka deamdeameadi ang'wan gal meadaji ang'wan bea ng'eanyiida.

SAKARIYA 2:6

Asi! gwayi NG'UTAMIIDA ang'amwana wiilooda ng'eanyiida ghayeawa aba gideaba gaydeadearseegwa meadajeega sean bea ng'eanyiida gwarugu NG'UTAMIIDA.

SAKARIYA 6:5

Ak ghwasha malaykajeandida ghuuteanyu ak gwayi, “Suh gwarina meadajeega asang'wan bea humng'eeda, nea gwaleabu madeeda NG'UTAMIIDA bea ng'eanyiisean.

Mattayo 12:25

Gwajeeng'u gidabaloola saawa aba jeesinga nyaawa ak gwayeesha, “Sugoocheanduumeeda wassean iibearshi ea maygamajeegiit, ghana eara mujiini ghana gheeda wassean iidardaawaat, gheawi ea mayghamiinaada.

Lukka 12:20

Ak gwayeesha ASEETA niny, ‘Rageananeeda! Eaweani geegasa eaweegaang'u; abeeda haleanjeeda iidiiwsi geaw gay gaba ng'eaha?’

Giidaheechta 7:1

Iing'ata suh ghaadaayi malaykaji ang'wan nea ghamiinaada aba murdajeega asang'wan bea ng'eanyiida, nea ghwadeal jeameeda leabu murdajeega asang'wan bea ng'eanyiida, aba gideaba ea mwaghuuna jeameeda aba badayda ng'eanyiida, ghana aba jeeda basooda ghana ghaghuut geeta wassean.