DANIELI 11:34 - Bibliyeeda Ghaydit

³⁴ Damanda sibwara fuga ASEETA, gayghwanyas weedi mwanang'. Ak gaygooguuyi geat fuga saang'a saawa aba milmilanda;

DANIELI 11:34 Mawu Ofanana

DANIELI 11:21

Iing'ata gayghwahidu siida jea ea muy mamiisiina ghoah sugoocheanda; ak gayghoan nea mwaheada buuneeda ak ghwanyas sugoocheanduumeeda aba milmilanda.

DANIELI 11:32

Gayghaghurghura milmilanda fugiga datas neajeedean; nea fuga nal ASEETA nyaawa gayghamiinaada nea majeekcheewi nea gang'uchi.

Mattayo 7:15

“Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suuyeeka ng'weani.

Ruumi 16:18

Aba gideaba fuga sina ng'asheesu magadiyeesiina Ng'utamiideanya was Gristo, saawa gagadiiyeesa jeesinga nyaawa, nea gaba geat aba ng'asheega nyaawa bea ng'uyeega iissa gwareengani gurooruunatka fuga manang'i fughareani.

Galattiya 2:4

Iidu aba badayda orjoogiyya bea ng'uyyeega siyeana makcheameeda, ahuudaan ak ghamwaal giibaldeanya bea geat aba jeeda Gristo Yesu, ak gagasa ghwaadeasa jeeda soomjeandumeeda–

2 Dimoteo 4:3

Aba gideaba gayghwahidu damanda jea eaheawa giinealshooda mideawa eaweega ak ghwaat geeshta naweeda gidagasiida saawa ak gwanyaksa geat gheamughuushcheeka giinealshoodiga aba gideaba gwandeawa iidiga jea gwasikiideawa ng'asheega.

Ditto 1:11

gidabal gearat ghuusiga nyaawa aba gideaba fiisu inyeessa gahuteawi buuneeda aba giinealshooda ak ghwanyas haleanjeeda aba giinealshooda mwadaagha.

1 Yohaana 4:1

Fuga aabwariinyi, adoamwaschi giliwas guroorooda, iissa ghoonyo asima gurooruunatsu ak ghoadaayi ea gaba ASEETA; aba gideaba nihidu jeeda ng'eanyiida sibanga saang'a bea ng'uyeega.

1 Yohaana 4:5

Suh gaba ng'eanyiida, ak gabaloola ng'asheega ng'eanyiida, ak gooleeysiit ng'eanyiida saawa.

2 Yohaana 1:7

Aba gideaba nirina badayda ng'eanyiida fuga saang'a bea ng'uyeega, gea mamwasa gideaba Yesu Gristo ghwahitaayda siida; nea nih ea diita bea ng'uyeegean, ak ea dea mamwasa Gristo gil.

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

Giidaheechta 12:13

Iidu nea ghwadaah ichiboodida gideaba sijaksa badayda ng'eanyiida, hean ghwaat geeshteaba gatmoodida jih baleanda was baleandean.

Giidaheechta 2:20

Ak geandeawi ng'ashaan aba badaydaang'u, bea gideaba ang'iing'i gimilikghti gatmoodida siguura Yesebeliin, guura geaw sibaneeda ak ghoareat soomjoogeasu ak ghoanaal mealuuleega nea ghwaak haleanjeeda siyaat lukghumajeega siitaw gidamawoosa ASEETEAN.