DANIELI 11:32 - Bibliyeeda Ghaydit

³² Gayghaghurghura milmilanda fugiga datas neajeedean; nea fuga nal ASEETA nyaawa gayghamiinaada nea majeekcheewi nea gang'uchi.

DANIELI 11:32 Mawu Ofanana

1 DAMANYOOJIGA 28:9

“Nea ang'iing'i, Sulemani, orjeedeanyu, nala ASEETA gweanu, ak gigadiyeesi aba guroorooda miy, nea ghaamwanyi jeadaang'u; aba gideaba NG'UTAMIIDA gagaseadayi gurooruunatka sean, nea ghwanal ng'asheega sean ea fugheerga; nea gigasayi niny, ak gaydaaha; nea iinung'usi heeda gaygwajaktaneey damanda manda muudeanooda.

NEHEMIYA 4:14

Ak ghaang'weardi ak ghaang'eachi ak geayeeshi fuga mida madeeda buuneeda ea fuga hees ea buuneeda suurja gea abit, “Adoawali saawa. Oapkaada NG'UTAMIIDA haw, siiwali gheang'da ak goong'uchi aba badayda orjooga giyeang'wa, ea orjoogeagwa, ea haweegeagwa, ea gadeemgeagwa, ea gealgeagwa.”

NYIIGHEEGA 9:10

Nea fuga nal gheawungaagu ghwayiin ghusooda nyaawa badaydaang'u, aba gideaba ang'iing'i, Ea NG'UTAMIIDA, mii nung'usiina heeda fugiga gaseadayeeyiin.

GHWASIILDEANGA 19:5

Muushoocheanda ng'uyeega mayghwashiy lasooda, nea dea ruku ng'uyeega majaghanyi ea mealasa.

GHWASIILDEANGA 26:28

Siida ruku ng'uyeega gwasin giika sawaniin, nea dea sapsap gaygweadu nyariida.

YEREMIYA 31:34

Nea manda siida jea ghoanaal giischeewoocheandaanyi, ghana orjeeda ghaamwat, nea gwayeesha, ‘nala NG'UTAMIIDA,’ aba gideaba gayghwanalan sean, ghang'eada dea mwanang'eawa saawa aba jeenyaawa, Ea ghoah dea haweewa saawa aba jeenyaawa, gwarugu NG'UTAMIIDA, aba gideaba gaydasamsa giidiinyeanyeeka nyaawa, nea maygudu daapkaat riing'eega nyaawa.”

DANIELI 11:21

Iing'ata gayghwahidu siida jea ea muy mamiisiina ghoah sugoocheanda; ak gayghoan nea mwaheada buuneeda ak ghwanyas sugoocheanduumeeda aba milmilanda.

DANIELI 11:34

Damanda sibwara fuga ASEETA, gayghwanyas weedi mwanang'. Ak gaygooguuyi geat fuga saang'a saawa aba milmilanda;

SAKARIYA 10:12

Ak gaydanung' ghwanyas uurda aba heeda NG'UTAMIIDA, ak gaygaweelweel gaweay heechea gaweay aba gheawungaaschi,” gwarugu NG'UTAMIIDA.

MALAKI 4:2

Nea agoogeeda awali gheawungeasu gaygoorearseegwa aseeta doobiiwnata, nea gwandeawa giiheapta aba meang'eagaaschi. Ak gajaweayeena nea gheadaanghandi muhooga seamooda.

Yohaana 17:3

Nea eaweega manda muudeanooda ea nih gil, gideaba ghwanalnyi ang'iing'eeda was ASEETA huumwa ea Yesu Gristoyda ghayi iijeagu.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

Giidaheechta 6:11

Ak gaba nih siitaw hang'deesh geaw nea geeyeesha anyo ghanyi afuufa ea gameaji gageawiit, ea gwadeayi mooneeda bareanda nyaawa was soomjooga ea fuga duupchi jea eenuusta gidaghayi sinuusta saawa.