DANIELI 11:16 - Bibliyeeda Ghaydit

¹⁶ Aba gideaba siida jea ghwahidu gang'uchi sea niny gaygwasinda gidagasiida, ak ea manda siida jea ghamiinaada aba madeadaanyi; ak gayghamiinaada aba ng'eanyiida ghaambiidaat, ak goobiida sean jeeda gheambalmeadaanyi.

DANIELI 11:16 Mawu Ofanana

ISAYA 8:8

Gayghang'ata nea ghwalamwajaada, ak gawa ng'eanyiida Yuda gaygagulda nea gwasik bugusta ak gwayi bwak ea ghwahita gheata nea inyas goowiida meang'eagaaschi gwadukuta ng'eanyiidaang'u, Ea Imanueli.”

YEREMIYA 3:19

Gwayi NG'UTAMIIDA “‘Geagasayi gichea danung' ahuwda orjoogeasu ak geagoonyeegwa ng'eanyiida miy, was dea jea dagooneegwa ng'al darooraka sean. Ak abeeda gajaguureewean Bwaabwa, ak ea majanung'waada eanooga geeshteanyu.

DANIELI 11:3

Ng'ata gayghwahidu sugoocheanda mideawa uurda, jea goombaliischi aba uurda haw ak gwasin gidagasa.

DANIELI 11:36

“Ak gwasin sugoocheanda gidagasa; ak gayghaghwar geaw nea goodiing'u geaw ea gwaneawna aseecheeka, ak gaygabalool ng'asheega munyas aba badayda ASEETA aseecheeka; Gaygamnyeen ea ghwahidu nyarasta ASEETA; aba gideaba gidasibada gajeesin.

DANIELI 11:41

Gayghoan jeeda ng'eanyiida ghaambiidaat. Ak ghabwar fuga nyiit sagalamnyooji damanamughuush niba damanamughuush, nea ng'eanyoojisu gajeegeandeawa geatindaanyi: Edomu ea Moabu ea fuga mwaatkwa siipuut bea Amoni.

DANIELI 11:45

Ak gayghamiinaada maheemajeagaaschi hees bea sugoocheanduumeeda dageascheeda basooda ea giijeeda ghaambiidaat ghaydit; ak gayghami, nea manda siida jea ghaweat.

DANIELI 5:19

iidu aba hawundida adawiin, gwahirbaban buuneesean ea eemoojiga ea iidiga eemoojiga ak ghabeal aba madeadaanyi; ama gasa ghabwar siida ghabwar, amagasa ghoaghu siida ghoaghu; iissa goodiing'u siida gasa nea deagasa ghwahiing'da gwasin.

DANIELI 8:4

Ak ghaadaayi lagweenda nea gweagu nea gwarakta ea wiilooda ng'eanyiida ghayeawa ea wiilooda ng'eanyiida biyeara; ak ea manda diyeayda ammu ghamiinaada aba madeadaanyi, ak ea manda gidammu gwalealna aba uurdaanyi; ak iissa gwasinda ng'asheega gidagasiida nea goodiing'u geaw.

DANIELI 8:7

Ak ghaadaayi nea ghwaan ea gwaneekiisa lagweenda, nea ninyareeksa ak ghwalas lagweenda ak gwahirjeaweada gujakaaschi asiyeenya; ak ea mudugwandeawa lagweenda uurda jea ghamiinaadawa aba madeadaanyi, ak gwajaksa ng'eanyi lagweenda ak ghoalaapta ng'eanyi; ak ea manda gidammu ghaweat lagweenda aba uurda mideawa ghwarayda.

DANIELI 8:9

Ng'ata gwarina jeedeaba gujakiga gujaweeda mwanang', ak gwaheedu muuchi nea gagal wiilooda ng'eanyiida biyeara, nea gagal heeda ghayeawa, nea gagal ng'eanyiida ghaambiidaat.

YOSHUWA 1:5

Manda siida jea gawa ghamiinaada aba madeadaang'u aba jeeda eawoojigaagu sean bea giibindaang'u; gawuurji gidaghayi eandeayeati Musa, asi ea gichea eendeayeeta sea ang'iing'i gil; maydaashoanyaneey nea maydanung'useey heeda.