DANIELI 11:15 - Bibliyeeda Ghaydit

¹⁵ Abeeda sugoocheanda mida wiilooda ng'eanyiida ghayeawa gayghoan ak gang'alsa sigeeda guumsheaka ghamarda majeekcheewi bea mujiini. Ak gayghwaraay lugooda leabu wiilooda ng'eanyiida biyeara gang'uchi ghana eara lugooda simuush, mandeawana uurda jea ghoamuusa.

DANIELI 11:15 Mawu Ofanana

YEREMIYA 33:4

Aba gideaba gwayi NG'UTAMIIDA was ASEETA Israeli, aba badaydeaba gealsu bea mujiinajeanjiin ea gealga sugoodiga Yuda sinyarja aba gideaba gajeeneaweesa ak geeng'uchi.

YEREMIYA 5:10

“Adiyeada nea goosiikchi jeeda madamnyeandaanyi bea sabiibu ak ghoadataschi, nea adiidu goohuydi goosha; alajaada damealgaaschi, aba gideaba maba NG'UTAMIIDA.

YEREMIYA 52:4

Hean nea ghwahita gweaydeaba shageash bea sugoocheanduumeadaanyi, aba sheedeaba damanamughuush, ea eaweeteaba damanamughuush, bea sheedida ghwahidu Nebukadreesa was sugoocheanda Babeli sea shirikareadaanyi gang'uchi Yerusalemu, ak gwaneaweesiina meadajeega sean ak ghamiinda maheemajeega nyaawa.

YEREMIYA 6:6

Gwayi NG'UTAMIIDA bea lugweega: “Abarsiina ng'eanyi geedigaaschi; ak gooneaweesi hilooga Yerusalemu. Nih mujiineeda miisa ghoorjooda gil, Jeadaanyi manda gil geaghus minighista ak ghwahit.

ESEKIELI 17:17

Nea Farao ea lugoadaanyi haw, ea fuga saang'a bwatgeat, maygwarachi gil aba ng'ucheeda. Inyas gooneaweesa museasooda ea ghamarda aba gideaba ghabwar fuga saang'a.

ESEKIELI 4:2

Ak giihiimdi gideaba sineaweesa, ak gideasi gheeda majeek ak gineaweesi hilgweanda, nea ginung' gwaneaweesa gealga shirikara ea mulgweega jea eenyarjeawi.

DANIELI 11:14

“Aba damandida gayghang'eat fuga saang'a jea gang'uchi sugoocheanda mida wiilooda ng'eanyiida biyeara; sea fuga bwariiy jaliida bea ng'eanyiidaang'u gaygoodiing'u geat gideaba ghwanal giirgweatka; ak gayghwaraay.

DANIELI 11:6

Ng'ata gweanyeeka saang'a gwasin neajeeda, ak gaygawa huda sugoocheanda mida wiilooda ng'eanyiida biyeara heeda sugoocheanda mida wiilooda ng'eanyiida ghayeawa ak gwasin hoyyoo; ak ea maygwandeawa geatindaanyi uurda, nea niny ea jeacheangaaschi ea mayghoamu ghamilikghta; aba gideaba gajeatayda, sea fugaaschi bea gadiyeeda, ea jeaptaanyi, ea siida abiita gheanyi.

DANIELI 8:7

Ak ghaadaayi nea ghwaan ea gwaneekiisa lagweenda, nea ninyareeksa ak ghwalas lagweenda ak gwahirjeaweada gujakaaschi asiyeenya; ak ea mudugwandeawa lagweenda uurda jea ghamiinaadawa aba madeadaanyi, ak gwajaksa ng'eanyi lagweenda ak ghoalaapta ng'eanyi; ak ea manda gidammu ghaweat lagweenda aba uurda mideawa ghwarayda.

YOSHUWA 1:5

Manda siida jea gawa ghamiinaada aba madeadaang'u aba jeeda eawoojigaagu sean bea giibindaang'u; gawuurji gidaghayi eandeayeati Musa, asi ea gichea eendeayeeta sea ang'iing'i gil; maydaashoanyaneey nea maydanung'useey heeda.