DANIELI 10:9 - Bibliyeeda Ghaydit

⁹ Ng'ata ghayiinyi ghuuta ng'asheagaaschi; hean aayiinyi ghuuta ng'asheagaaschi, ghaabeadi ak ghaabwadi jih ng'eanyi ak gealili nea ghaang'udi gheamamdeanyu ng'eanyi.

DANIELI 10:9 Mawu Ofanana

GIING'EETA 15:12

Hean nea ghwariikghta gamikta aseeta, goobissa Abramu ruweanga; ak ghang'ut muuwda ea sawanadeeda haw.

GIING'EETA 2:21

Ng'ata ghwanung' NG'UTAMIIDA was ASEETA goobissa siida ruweanga ng'weani, amadu nea gwalil gageanda gisheajeandaanyi agi ak gwadukuteawa seawadeedida banyeega;

AYUBU 33:15

Aba jeeda giirgweatka, aba gisiihiimsa siida eawa, damanda abisiina buuneeda ruweanga ng'weani, nea gwalil aba badahuuka bulaleenga nyaawa,

AYUBU 4:13

Nea abeeda geandi jeeda giirgweatkeaba eawa, nea abeeda buuneeda gwanda jeeda ruweanga saang'a.

SARMEEDA SULEMANI 5:2

Aniini gealili nea gurooroodeanyu ghoang'wearu. Aleaydiit ng'wasaneedeanyu aabwariinyi gagulgul gidaghuuta. “Jaada gidaghuuta huda giyeanya ng'wasaneedeanyu aabwariinyi, ghariibajeandeanyu, ng'wasaneedeanyu doabiiwaat, aba gideaba uhuudeanyu nibwar rahooda, buudeegeasu ea nibwar shishihandeedeaba eawa.”

DANIELI 10:16

Ak ging'ulayi, siyagi uurji sea orjooga buuneeda ak ghawaas ghuuteanyu; ak ghaajaachi ghuuteanyu ak geabalooli. Ak geayeeshi niny was siida miinaada aba madeedeanyu, “Ea ng'utamiideanyu, giirgweatsu gwasawanan ak ghwanung' dang'arng'ariit ak gooshealanean uurda.

DANIELI 8:18

Damanda abaloolanean, goobissean ruweanga durumani nea ghaabwadi jih ng'eanyi; ak ghawaasan ak ghwanung' damiinaada aba geeshangeasu.

HABAKUKI 3:16

Ak ghaayiinyi, ak ghaboadan saseedeanyu, ak ghaboadan muuchka ghuuteanyu aba nyeashta; gawa munyinda jeeda geakeasu, ghaboadan geeshangeasu aba heedeandi. Gaydasiinda ak ghaamuughu eaweeda sawanadeeda jea ghwahidu badahuuka fuga ang'waanyeasa.

Lukka 22:45

Ng'eada mooshta ASEETA, nea gabiikta heeda giinealanga, ghwahita nea nilil aba gideaba ning'ut giiseaneega,

Lukka 9:32

Aba damani Betaro ea orjooga suurja ea niing'waay ruweanga muuchi, ama ng'eatng'eat ghwadaah giigheambiitaanyi ea fuga asiyeenya miinaada sea niny.

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;