DANIELI 10:19 - Bibliyeeda Ghaydit

¹⁹ Ak gwayi, “Ea orjeeda siida sibwariiy muuchi, adibeali, gagasa beaha hoyyoo; majeegiida ak gidaruusiidi muuchi.” Hean abaloolan, ghaanyaschi uurda ak geayi, “Nung'waada gabalool ng'utamiideanyu, aba gideaba niimajeegan.”

DANIELI 10:19 Mawu Ofanana

NYIIGHEEGA 138:3

Eaweeda eaguurnaneey, gishaahi ghuuteanyu, ak giihaadi uurdeanyu.

ISAYA 35:4

Ayeeshiina fuga ning'ut muuwda gurooruunatka nyaawa gideaba, “Oahang'waanya geat, adoabeali! Ng'ula, ASEETEANG'WA gayghwahidu ghawalda mureandooda, ak ghwalas uhuuda weajoodigeagwa ak ghwahidu niny ghoaghuuheagwa.”

ISAYA 41:10

Adibeali aba gideaba geendeayi, adihirbiban aba gideaba geawooschi ASEATAANG'U; gaydagoonyi uurda, ak gaydaweanyi, nea gaydaahaaghwaneey aba geatindeanyu bea dugwa doabiiwaat.

ISAYA 41:14

Gwayi NG'UTAMIIDA, Ea fuga Yakobo ng'arng'ari nea gwadeena ghuughuucheeda, ea fuga Israeli, adoabeali, adoabeali, gaydaweadeagwa, aniini geawooschi lealnoocheandeang'wa was dea ghaydit bea Israeli.

DANIELI 10:18

Hean gabiikta gicha siida uurji siida ak ghawaasan ak ghaanyaschi uurda.

DANIELI 9:23

Heeda iing'eadi giidaydeayda haleanjeeda ghadooweeda ghwahidu ng'asheanda ak ghaawunyi darukuneey, aba gideaba geabwariinyi muuchi; asi sikteawana ng'asheanda ak ginali giirgweatka.

HAGAYI 2:4

Asi ghamneawa adaghami gurooroadaang'u, Ea Serubabeli, gwarugu NG'UTAMIIDA; adaghami gurooroadaang'u Ea Yoshuwa, orjeeda Yehosadaki, was ashoohoocheanda haw; adagameewa gurooruunatkeagwa ea buuneesean bea ng'eanyiida, gwarugu NG'UTAMIIDA; agadiyeena, aba gideaba aniini geendeayi sea agooga, gwarugu NG'UTAMIIDA bea lugweega,

SAKARIYA 8:13

Ak gaygawuurji gili ghayi simwaashtaneegwa aba bugusta eemoojiga, Ea fuga gheeh Yuda ea fuga gheeh Israeli, ak nih ea gichea dalealdeaydaneegwa gil ak gajoowoosa fuga nyas ghawooda. Adoabeali, oomajeega geatingeagwa.”

SAKARIYA 8:9

Gwayi NG'UTAMIIDA bea lugweega, “Oomajeegiida geatingeagwa, agoogeeni askwearjoojisu eayiinyi ng'asheesu nea gwarukuneegwa sibangean, ghayi mida eaweeda siyiina sindeeta gheeda NG'UTAMIIDA bea lugweega nea abeeda gajeadeas gheeda sibata ASEETA.

Yohaana 11:3

Hean goojeaksa Haweega ghaamwat nea geeyeesha, “Ng'utamiida, siida ibwariinyi ghamnyaan.”

Yohaana 11:36

Hean gwayi fuga Yahudi, “Adaaha gidabwariiyda!”

Yohaana 11:5

Yesu abeeda ghabwariiy Marta ea huda ghaamwat ea Lasaro.

Yohaana 14:27

Gaydanung'uneegwa hoyyoo, geagonyeegwa hoyyooydeanyu; maydagoondaneegwa gidagooniida ng'eanyiida. Asi adagwasawana gurooruunatkeagwa, nea adaghang'udeagwa muuwda.

Yohaana 16:33

Ng'asheesu gearukuneegwa nea geagasayi abeaha hoyyoo aba jeedeanyu. Aba jeeda ng'eanyiida gajanyasa sawanadeeda; asi oahang'waanya jeesingeagwa, aba gideaba aniini naajoarji ng'eanyiida.”

Yohaana 19:26

Daah Yesu nea ghamiinaada ghaamwat nea gwanda murdeeda giinealaneedida bwariiyiin, gwayeesha Yesu ghaamwat, “Iya, ng'ula orjeedang'u!”

Yohaana 21:20

Iidu ghwayam geaw Betaro ak ghwadaah giinealaneedida bwariiy Yesuun, nea ghwaat geeshta, nea diita ghayi diiw geaw aba daghataanyiin gil shing'ada damanda agiischooda nea ghoanyaash gideaba, “Ng'utamiida siida jea ghwalaapnyi bwadaw ng'eaha?”

1 Goriinto 16:13

Oang'wearni, nea ghoamiinaadi muuchi aba jeeda masaweegeagwa, adaruusiita nea ghoanyaschi uurda.

2 Goriinto 12:9

ak gwayeeshiinean niny, “Dagheerjeanduumeedeanyu ghoahiinyi, aba gideaba uurdeanyu iissa gamajeegiit aba jeeda ng'arng'aranda.” Ak gaydahoosan muuchi iyaaghwari geaw ng'arng'arandeanyu, ak abeeda goobiida uurda Gristo badaydeanyu.

Efeeso 6:10

Aba huuydeanda awoosa majeekcheewi aba jeeda Ng'utamiida ea aba giimuusta ea uurdaanyi.

2 Dimoteo 2:1

Asi ang'iing'i orjeedeanyu, daruusiida aba jeeda dagheerjeanduumeeda mida jeeda Gristo Yesu.

YOSHUWA 1:9

Neada ea mii aniini? Dea rukuneey gideaba daruusiida nea gibeahi meaynata miy; adibeali nea adihirbabani aba gideaba NG'UTAMIIDA was ASEATAANG'U gaymideawana heechea una sean.”

Giidaheechta 1:17

Iidu nea ghaadaayi niny, geabeedeaysi geeshangaaschi ea dawuurji siida nimi. Hean ghwayiin geatindaanyi bea dugwa uhuudeanyu nea gwayi, “Adibeali, Aniini geawooschi dea madeeda ea dea huuydean ea dea majeek;

FUGA LAJA GIRGWEAGUUTKA 6:23

Ak gwayeesha NG'UTAMIIDA, “Gagasa bea hoyyoo, nea adiidu gibeali; ang'iing'i maymeawa.”