DANIELI 10:1 - Bibliyeeda Ghaydit

¹ Aba gweaydeaba samwagu bea sugoocheanduumeeda Dariyo was sugoocheanda Ajemi geehiimsa Danieli ng'asheanda, was siida ghayi siguura Belteshasa. Nea ng'asheanda gaba huumwa, ak ea jaliida hawi. Ak ghwanal ng'asheanda ak gwarugu gidawas giirgweatka.

DANIELI 10:1 Mawu Ofanana

GIING'EETA 41:32

Nea giirgweatka duwaawi bea Farao gwarugu gideaba ng'asheesu gaygwasin ASEETA, ak gayghwanung' ASEETA gabay ghwahidu nea mayghwashing'da.

2 DAMANYOOJIGA 36:22

Aba jeeda gweayda madeeda bea sugoocheanda Ajemi siguura Goreshi, gideaba ng'asheanda NG'UTAMIIDA ghayi rugu aba ghuuta Yeremiya gaygagul damanda, hean gagatkat NG'UTAMIIDA guroorooda Goresheeda was sugoocheanda Ajemi ak gwarukuta aba jeeda sugoocheanduumeadaanyi sean nea ghwayiin eara jeeda ng'ooruutka:

ESRA 3:7

Hean geataw lapiya fuga deekshachi ea gea sina beehajeega ak geataw ea nagheeda, ak geataw fuga Sidoni ea Diro gweadu geediga was gubooyeeka aba Lebanoni nea gwasku naweeda basooda, ea ghapka Yopa aba gideasiksiinda Goreshi was sugoocheanda Ajemi.

ESRA 4:3

Ghwalamda Serubabeli, ea Yoshuwa ea fuga hees bea gweargwa gealga Israeli ak gwayeesha saawa, “Manda gichea aweadaneasa aba deesta gheeda ASEETEANYA; gajeedeeksiina aseasa NG'UTAMIIDA, was ASEETA Israeli nea geabea geat, gawuurji gidaghayi rukusiindaneasa Goreshi sugoocheanda Ajemi.”

ESRA 4:5

ak geegasa gweargwa girgweageeda gaweay badahuuka nyaawa ak ghang'uda muuwda ea masina gidagasa, aba eawoojiga sean bea Goreshi was sugoocheanda Ajemi, ea ghwahita damanda sugoocheanduumeeda Dariyo was sugoocheanda Ajemi.

ESRA 6:14

Ak gwadeekshi gweargwa Israeli nea ghamwas gadiyeeda aba gidaramoorasiinda Hagayeeda was sibaneeda aba rukwiideayda ng'asheega, ea Sakariya orjeeda Ido. Ak geadeas ea eahiit aba gidarukuteayda ASEETA fuga Israeli ea diigheanda Goreshi, ea Dariyo, ea Artashasta was sugoocheanda Ajemi;

ESRA 6:3

“Gweayda madeeda bea sugoocheanduumeeda Goreshi, ghoadayda sugoocheanda was Goreshi diigheanda aba badayda gheeda ASEETA mida Yerusalemu, gideaba gheawi gajeedeeksa heeda siitayiideawa lukghumajeega ea haleanjeeda ghadooweeda sighwarda ak geawundaanyi gal humng'eeda gajea geatin laadam gil nea geawunda murdajeega gajea geatin laadam gil,

ISAYA 44:28

aniini geayeeniisi Goreshi, gideaba ‘guwoosi jeagiischoocheanda fugeasu, ak gaysina gea eamanyayi dasin sean’; ak aniini geayeeniisi Yerusalemu, ‘Ang'iing'i Yerusalemu gajeadeasnyi gicha,’ ak ‘sindeeta gheeda sibata ASEETA gajeadeas.’”

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 1:21

Ak goobiida Danieli ng'eanyiida ea ghwahita gweayda madeeda bea sugoocheanda siguura Goreshi.

DANIELI 1:7

Ak gang'asa gheawunga sugoocheanda haw ahaaghwa gulanga: Gaguura Danieli Belteshasa, gaguura Hananiya Shadraki, gaguura Mishaeli Meshaki, ak gaguura Asariya Abedinego.

DANIELI 10:14

Ak ghwaan ghwanung' nala gichea gwahisa buuneadaang'u askwearjoojiga jea ghwahidu. Aba gideaba giirgweatsu gaba askwearjoojiga jea ghwahidu.”

DANIELI 11:2

“Ak ghamneawa gaydaahiimneey huumeanda. Ng'ula, gayghwahidu sugoodi samwagu jeeda ng'eanyiida Ajemi; nea deaba ang'wan gajeabaruur ea ghang'al suurja sean; hean nea ghwanya uurda aba baruureagaaschi, gayghoang'waal sugoocheanda Yunani.

DANIELI 12:4

Asi ang'iing'i, Danieli, rada ng'asheega, ak giyiini gitaabu giirooraneeda, ea ghwahita damanda muudeanooda. Gaygwasalda fuga saang'a nea gagal hiji ea hoowa nea gayghoahaada fughareenga.”

DANIELI 12:9

Ak gwayi, “Una heechea una, Danieli, aba gideaba ng'asheega sirat ak ea siiroor ea ghwahita damanda huuydean.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

DANIELI 4:8

Iimuchu ghwahidu Danieli madeedeanyu was siida ghayi siguura Belteshasa nea geemaseaw gheawunga aseeteanyu, nea gwandeawa guroorooda aseecheeka ghaydidi ak gearukusi giirgweatka, nea geayeeshi,

DANIELI 5:12

aba gideaba gwandeawa guroorooda miy ea nalooda ng'asheega, ak ghwanal gwaroobu giirgweatka, ak ghoamu gwarugu ghwasiildeanga, nea ghoamu ghaweat sawanaduutka geaghus Danieli, ghayi guura sugoocheanda Belteshasa. Asi nung' eeguursa Danieli, ak gaygwargu gidawas.”

DANIELI 5:17

Ng'ata ghwasha Danieli aba madeeda sugoocheanda ak gwayeesha, “Nung'waada haleanjeadaang'u mideawana, ak giidawi haleanjeadaang'u fih suuk; ak gaydeasoomasa sugoocheanda ng'asheega sing'waar ak gearukusi gidawas.

DANIELI 6:28

Hean gamnyeeni Danieli damanda Dariyo ea damanda gheambalmeeda Goreshi bea ng'eanyiida Ajemi.

DANIELI 8:16

Ak ghayiinyi ghuuta siida aba mareecheeka Ulai, ak gaguuru, “Gabrieli, nung' ghwanal siisi giirgweatka.”

DANIELI 8:26

Giirgweatka shing'aduutka ea gea sakteawuutka sirugu huumwa; asi nung' ghoah makcheameeda, aba gideaba gayghang'ata askwearjoojiga saang'a nea miighoah huumwa ng'asheesu.”

Lukka 1:20

Asi ng'ula, gayghwaroat ghuutaang'u ea ea mudamuusa baloola ea ghwahita eaweeda jea ghang'ataawa ng'asheesu, aba gideaba mimwasi ng'asheegeasu jea gwasa aba damanda nyaawa.”

Giidaheechta 19:9

Hean gwayeeshean malaykajeanda, “Ng'oara ng'asheesu: Ghang'wana fugiga siguursa hamita geeshooda Dayeenda Gisilleandean.” Ak gwayeeshiinean, “Suh ng'asheega huumwa bea ASEETA.”