DANIELI 1:8 - Bibliyeeda Ghaydit

⁸ Ng'ata ghaheawa Danieli gideaba gayghabwara geaw ririnnyeanda aba agita hamita miy bea sugoocheanda, ghana aba difaayeeda leeha; hean ghoanyaash siida ahaaghwa gulanga hean ghoanyaash gideaba adinung' dabwara geaw ririnnyeanda.

DANIELI 1:8 Mawu Ofanana

1 SUGOODIGA 5:5

Ak ghamneawa geagasayi dadeas gheeda aba gheawunga NG'UTAMIIDA was ASEETEANYU, gawuurji gidarukusiinda NG'UTAMIIDA Dawdi was bwaabwa, ‘Orjeedaang'u, jea danung' goopteadawa hoorgeadaang'u, gayghwadeas gheeda aba gheawungeasu.’

NYIIGHEEGA 106:28

Ng'ata ghoang'waay geat sea Baal-beori, ak ghwaak haleanjeeda ghadooweeda siitaw fuga nimeewa;

NYIIGHEEGA 119:106

Naayaaji habeawooda ak gaydeamajeek, ak geang'ulayi huumeanyekaagu doobiiweadi.

NYIIGHEEGA 119:115

Ea fuga sina ng'asheega munyas, ang'amwana heedeanyu, ak abeeda ghaang'waanyi diigheanyeeka ASEETEANYU.

NYIIGHEEGA 141:4

Adiigeali gurooroodeanyu heeda ng'asheanda muy, ak ea adeasinayi ng'asheega mwahida sea fuga sina ng'asheega munyas; nea adaayaaji hamichoojiga nyaawa bea ghweelmeeda!

GHWASIILDEANGA 23:3

Adishisi ghaang' hamichoojigaaschi bea miyeenooda, aba gideaba hamichoojiga milmilanda gil.

DANIELI 1:5

Ak ghwanung' sugoocheanda eataw galeaga sean hamita miy aga sugoocheanda, ea difaayeeda leeha. Ak geanaal gweanyeew samwagu, ama muchu aba huuydeanda geanung' ghamiinaada aba madeeda sugoocheanda.

DANIELI 5:4

Ghwali difaayi, ak gagwarsa aseecheeka dahaabu ea gea lapiya, ea gea lagheanga oomng'i, ea gea gharinga, ea dea geeta ea dea lagheaneeda.

Gadiyeeda Giijasoodiga 11:23

Hita hooweani ak ghwadaah dagheerjeanduumeeda ASEETA, gahoosan; ak gwayeesha fugiga oopiidana jeedeaba doobiiwnadi iteang'wean aba heeda Ng'utamiida nea ghwarjeang'da;

Gadiyeeda Giijasoodiga 15:20

ak ging'oorsi gideaba adoayaaji hamichoojiga mideawa ririnnyeanda sanaamu ak ghwasaja geat hiseadayeanduumeeda ea gida siing'waay ghuuta ea foojeanda.

1 Goriinto 7:37

Nea siida wassean hang'waanyiit aba jeeda gurooroadaanyi, ak ghanyea meediing'siina nea ghoamu ghoadeal gidida gasean, ak ea nimanya aba jeeda gurooroadaanyi, gideaba gaygwandeawa ghoah gatmoadaanyi, abeeda ghoadoabiiw.

2 Goriinto 9:7

Daba siisi sinda gadiyeeda gidagasiida aba uhuudaanyi, adagwasin nea magassa ghana eediing'sa, aba gideaba ASEETA ghabwariiy siidida adayiida haleanjeeda aba jeedeeshiin.

GIIPKEATA DIIGHEANDA 32:38

Ghwaak ng'eaha ghashneeda lukghumeeda nyaawa, ak ghwali difaayeeda leeyda bea haleanjeeda sisabwa geadi bea ghadooweeda? Dang'eada ak ghaweadeagwa, ak saawa doawa igeamboodeang'wa.