DANIELI 1:7 - Bibliyeeda Ghaydit

⁷ Ak gang'asa gheawunga sugoocheanda haw ahaaghwa gulanga: Gaguura Danieli Belteshasa, gaguura Hananiya Shadraki, gaguura Mishaeli Meshaki, ak gaguura Asariya Abedinego.

DANIELI 1:7 Mawu Ofanana

GIING'EETA 41:45

Ak gang'asa Farao Yosefu gheawunga siyi Safenati-baneya; ak gageesa gatmooda siguura Asenati was hudeaba Botifera was ashoohoocheanda mujiineeda Oni. Ak gageawiit gheawunga Yosefu aba jeeda ng'eanyiida Misri.

2 SUGOODIGA 23:34

Iidu Farao-neko ghwanung' ghoah Eliyakimu was orjeeda Yosiya sugoocheanda, gawa hoorgeeda Yosiya was ghoan, ak ghwayam gheawungaaschi ghoah Yehoyakimu. Ak ghoang'aamwa hiji Yehoahasi ak goodeayi Misri, ak gameewsa hoowa.

2 SUGOODIGA 24:17

Hean gageanu sugoocheanda Babeli Matani was orjeeda ghamaghweanda Yehoyakini, ak ghwanung' ghoah sugoocheanda gawa hoorgeadaanyi, nea ghwayam gheawungaaschi geeguura Sedekiya.

DANIELI 1:19

Hean goobalool sugoocheanda saawa, ak ea manda jeedeaba sean dea uurji Danieli ea Ananiya ea Mishaeli ea Asariya; ak ghamiinaada aba madeeda sugoocheanda.

DANIELI 1:3

Ng'ata gwarukusa sugoocheanda Ashpenasi, was siida haw ambal gulanga, gideaba eani fuga mwaatkwa bea Israeli, eaduudayeena fuga hees, ambaliischi sea fuga siiwal gheang'da,

DANIELI 10:1

Aba gweaydeaba samwagu bea sugoocheanduumeeda Dariyo was sugoocheanda Ajemi geehiimsa Danieli ng'asheanda, was siida ghayi siguura Belteshasa. Nea ng'asheanda gaba huumwa, ak ea jaliida hawi. Ak ghwanal ng'asheanda ak gwarugu gidawas giirgweatka.

DANIELI 2:26

Ghwalamda sugoocheanda ak gwayeesha Danieli, siguura gheawungaaschi Belteshasa, “Ang'iing'i giimuusi nung' danal gidarugu giirgweatka aadaayi ea gidawasi?”

DANIELI 2:49

Ak gamus Danieli sugoocheanda, gideaba loada Shadraki, ea Meshaki, ea Abedinego goombal haleanjeeda ng'eanyiida Babeli; nea Danieli goobiida ghuuta gheeda sugoocheanda.

DANIELI 4:5

Aniini geargweadayi giirgweatka nung' dabeal; damanda ealeewi aba bulaliida ak ghwanung' giirgweatkeasu dabeal.

DANIELI 4:8

Iimuchu ghwahidu Danieli madeedeanyu was siida ghayi siguura Belteshasa nea geemaseaw gheawunga aseeteanyu, nea gwandeawa guroorooda aseecheeka ghaydidi ak gearukusi giirgweatka, nea geayeeshi,

DANIELI 5:12

aba gideaba gwandeawa guroorooda miy ea nalooda ng'asheega, ak ghwanal gwaroobu giirgweatka, ak ghoamu gwarugu ghwasiildeanga, nea ghoamu ghaweat sawanaduutka geaghus Danieli, ghayi guura sugoocheanda Belteshasa. Asi nung' eeguursa Danieli, ak gaygwargu gidawas.”