DANIELI 1:1 - Bibliyeeda Ghaydit

¹ Aba gweaydeaba samwagu bea gheambalmeeda sugoocheanda Yuda siguura Yehoyakimu, ghwahidu Nebukadnesaheeda was sugoocheanda Babeli mujiineeda Yerusalemu ak gabeasheesa mujiini.

DANIELI 1:1 Mawu Ofanana

2 SUGOODIGA 23:36

Yehoyakimu ghoang'eat sugoocheanduumeeda nea gaba gweanyeew diktam ea muut. Ak ghwaak gweanyeew damwanagi aba Yerusalemu, ak gheawunga ghaamwat geeguura Sebida hudeaba Bedaya.

2 SUGOODIGA 24:13

Ak gageanda haleanjeeda sean siitiiw bea gheeda NG'UTAMIIDA ea haleanjeeda siitiiw bea gheeda sugoocheanda, nea ghwalajaada haleanjeeda sean bea dahaabu, ghayi sin Sulemani was sugoocheanda Israeli mida jeeda gheeda sibata ASEETA bea NG'UTAMIIDA gawuurji gidanyaashta NG'UTAMIIDA.

ISAYA 39:7

Ak orjoagaagu mwaatkwa ijiilsigeaw, gajeayaat ak gayghoah gulanga aba gheeda sugoocheanda Babeli.”

YEREMIYA 25:1

Ng'asheanda hidu heeda Yeremiya bea fuga sean bea Yuda, aba jeeda gweaydeaba ang'wan bea gheambalmeeda Yehoyakimu orjeeda Yosiya was sugoocheanda Yuda (nea abeeda ea gweayda madeeda gil bea Nebukadinesa was sugoocheanda Babeli),

YEREMIYA 35:1

Ng'asheanji dea eah heeda Yeremiya gil leabu heeda NG'UTAMIIDA aba damanda Yehoyakimu, orjeeda Yosiya sugoocheanda Yuda, ak gwayeesha.

YEREMIYA 35:11

Damanda siyeeng'na Nebukadinesa was sugoocheanda Babeli ak ghwahidu ng'eanyiini, hean geeyeenyi, ‘Asi eeweaya Yerusalemu, iisiiwali lugooda fuga Galdayo, ea lugooda fuga Shaamu’, asi ghamneawa geendi Yerusalemu.”

YEREMIYA 36:1

Gweaydeaba ang'wan bea sugoocheanduumeeda Yehoyakimu orjeeda Yosiya sugoocheanda Yuda, hean ghwahidu ng'asheanda NG'UTAMIIDA heeda Yeremiya ak gwayeesha.

YEREMIYA 45:1

Nih ng'asheanda Yeremiya gil was sibaneeda rukusa Baruku orjeeda Neriya, damanda ng'oorsiina ng'asheesu jeeda gitaabu aba ghuuta Yeremiya aba gweaydeaba ang'wan bea Yehoyakimu was orjeeda Yosiya, was sugoocheanda Yuda.

YEREMIYA 50:1

Nih ng'asheanda rugu NG'UTAMIIDA gil aba badayda Babeli, aba iita ng'eanyiida eemeeda Galdayo, aba ghuuta Yeremiya was sibaneeda:

YEREMIYA 52:12

Muchu aba sheedeaba muut eaweeteaba damanamughuush bea sheeda was gweaydeaba damashageash bea sugoocheanda siguura Nebukadreesa, was sugoocheanda Babeli gawa Nebusaradani was shirikarajeanda haw ahaaghwa gea fur sugoocheanda Babeli ea ghwahita Yerusalemu.

YEREMIYA 52:28

Nih mooneeda fuga aat Nebusaradani soomjeanduumeeda aba gweaydeaba ispwa, fuga Yahudi sagalamnyooji samwagu ea diktam ea samwagu;

DANIELI 5:13

Hean geeyeadu Danieli madeeda sugoocheanda. Ghwalamda sugoocheanda ak gwayeesha Danieli, “Ang'iing'i guwoosi Danieleedida was siida Yahudi siipaleagu was dea ghayi eana sugoocheanda was bwaabwa ng'eanyiida Yudahi?