AYUBU 6:7 - Bibliyeeda Ghaydit

⁷ Hamichoojusu eara sadita meagassi, suh hamichoojigeasu aasichi gil.

AYUBU 6:7 Mawu Ofanana

DANIELI 10:3

Ak ea mwayaagi hamita miy, mwayaagi banyeega ghana difaayi mii gwasik ghuuteanyu, ak ea mwang'wa dayeershi earahay, aba wiikaji samwagu.

ESEKIELI 4:16

Ak gwayeeshiinean gicha, “Ea orjeeda siida, ng'ula, gaydalas uhuuda gidaghus fuga Yerusalemu was hamita, ak saawa gayghwaak mukaateeyda siiteen, nea geaghamwat muuchi. Ak saawa gayghwali beega siiteen nea geahamng'eanyi.

ESEKIELI 4:14

Hean geayeenyi, “NG'UTAMIIDA was ASEETA! Ng'ula, gurooroodeanyu miyeeng'uda ririnnyeanda. Aba gideaba ghang'eada gheareemaneanduumeedeanyu ea ghoah ghamneawa miidaak gidameah, ghana gidabwar diyeayda jarooda, ghana banyeega mideawa ririnnyeanda miigawa jeeda ghuuteanyu.”

NYIIGHEEGA 102:9

Aba gideaba naayaaji deareeda ghoah hamita, ak geaguuyeewi gidaabeayi sea dabeaka,

AYUBU 3:24

Aba gideaba sawanadeedeanyu ghwahitaayda gil hamita gil, nea giimuumdeanyu gawuurji beega weay.

1 SUGOODIGA 22:27

ak gooyeeshi, ‘Gwayi sugoocheanda, “Ajaksiina siisi ghealooniga, ak ghoatawji mukaateeheeni mwanang' ea beesu ng'ay, bwak ea dabiikna hoyyoo.”’”

1 SUGOODIGA 17:12

Hean gwayeesha, “Gidabiideata NG'UTAMIIDA was ASEATAANG'U, meandeawani mukaate, geaghus dearang'su ng'ay aba jeeda gweeriida, ea nagheeni ng'ay aba jeeda gideeshteayda; ak ghanea, geabichi ghweenga, ak gaydawa ghoah deawoolsa geaw ea orjeedeanyu, eeyeagiischeena ak geemeewayi.”

AYUBU 6:6

Heapi gida masamna gil gajeamu eayaak nea meayiina balang'da? ghana buweadeega burung'nyeanda gwasamu gili?

AYUBU 6:8

“Gidabal gwachi geegoonan gideagasayi ak gagoonan ASEETA ng'asheanda aabwariinyi muuchi.

AYUBU 33:20

eara gurooroadaanyi ghwasit hamita nea gurooroadaanyi ghwasit hamita miy.