AYUBU 2:4 - Bibliyeeda Ghaydit

⁴ Hean ghwasha shataani ghuuta NG'UTAMIIDA nea gwayeesha, “Muunda ea muunda, siida inyeesa ghoadayda haleanjeeda mideawa sean aba gideaba ghoaghu eaweagaaschi.”

AYUBU 2:4 Mawu Ofanana

GIING'EETA 47:17

Hean gweadu dugwa nyaawa heeda Yosefu; ak ghoadaw Yosefu hamita nea gooyamuuji faraasajeega, ea nooga, ea dugwa, ea digeeniga: ak ghoadaw saawa hamita nea gooyamuuji dugwa nyaawa sean aba gweaydida.

GIING'EETA 47:19

Ghwasaan inyas gajeemeewiisiina madeeda gheanyangaagu, aseasa ak geang'amnyi ng'eanyiideanya? Shaaheasa aseasa ea ng'eanyiideanya ak gigoanyeasa hamita, ak geahuuyi soomjooga Farao ak gageanda ng'eanyiideanya; ak gigoonyeasa booga ak abeeda geaghuyi ea meemeewi, ak geehisti madameagaasa.”

1 SUGOODIGA 20:31

Ng'ata gwayeesha fugaaschi bea gadiyeeda niny, “Ng'ula ghamneawa, siyiinyi gideaba sugoodiga Israeli ea doobiiweadi; anung' eekwealsiina guniyajeega bugusuunatkaasa nea geerasi ghealooniga gheatkeakaasa, ak geeweayi heeda sugoocheanda Israeli; ghwadeaba ghabwayda eaweagaasa.”

AYUBU 2:3

Ak gwayeesha NG'UTAMIIDA shataani, “Siisi iteanyu bea gadiyeeda was Ayubuuni nidaahi giduurji, manda siida uurji niny aba badayda ng'eanyiida, siida doabiiwaat gil, nea goowali gheang'da ASEETA nea ghwasaja geaw ng'asheega munyas? Eara ghamneawa ea majeek aba doobiiwnataanyi, earapeadi giihaajaan dala bwadaw niny nea mandeawana giidiinyeanda.”

AYUBU 2:5

Asi heapi ahaakta geadi ak gisadi geapkeadaanyi ea banyeagaaschi ak gayghamwaashtaneey aba madeadaang'u.”

GHWASIILDEANGA 13:8

Leendeeda siida meanang'oocheanduumeadaanyi gil, nea siida bwarbwar ea manda gida jea ghang'uda muuwda.

YEREMIYA 41:8

Iidu gwanda fih damanamughuush aba jeenyaawa eesha Shumwaheeli, “Adiidu gibwarjeasa, aba gideaba geendeawi gijigoonga ngaano, ea nganooyda ng'weani, ea nagheeda, ea maleeda sifuy aba jeesinga madameega.” Hean ghwanung'waada ea mudu ghabwar saawa sea fuga mideawa.

Mattayo 16:26

Ama siida gaygwaloosa naaha iinyas haleanjeeda sean bea muunda ng'eanyiida, amadu gahuteawi eaweagaaschi? Ghana siida gayghoadayda naaha ak ghoaghiisa eaweagaaschi?

Mattayo 6:25

“Aba sareani geayeeshiineegwa, adoodeawiisi eaweegeagwa, aba gichea ayaaga ghana gichea aleaha, ghana gichea ookwealsiina sasanuukeagwa. Heapi eaweega mwang'ala hamita, nea saseeda ea mwang'ala hang'weaka?

Lukka 12:23

Aba gideaba eaweega ghwalaabwa hoowa hamita ak eara saseeda ghwalaabwa hoowa hang'weaka.

YOSHUWA 9:24

Geasha Yoshuwa nea geeyeesha, “Geebaysiini gideaba geerukusa fugaagu bea gadiyeeda huumeanda gideaba NG'UTAMIIDA was ASEATAANG'U gwarukusa siidaanyi bea gadiyeeda was Musa gideaba gaygagooneegwa ng'eanyiini seaniin, ak ghwanung' goosha fuga sean bea ng'eanyiida aba madeedeang'wa; ak aba sareani geabeali muuchi aba eaweagaasa aba badaydeang'wa, ak ghoah gida sisini ng'asheanji.