AYUBU 2:3 - Bibliyeeda Ghaydit

³ Ak gwayeesha NG'UTAMIIDA shataani, “Siisi iteanyu bea gadiyeeda was Ayubuuni nidaahi giduurji, manda siida uurji niny aba badayda ng'eanyiida, siida doabiiwaat gil, nea goowali gheang'da ASEETA nea ghwasaja geaw ng'asheega munyas? Eara ghamneawa ea majeek aba doobiiwnataanyi, earapeadi giihaajaan dala bwadaw niny nea mandeawana giidiinyeanda.”

AYUBU 2:3 Mawu Ofanana

GIING'EETA 6:9

Suh jeacheenga Nuhu gil. Nuhu abeeda niny siida doabiiwaadi, meeyeateena ghuut aba seaygeadaanyi; gwarooroochi Nuhu sea ASEETA.

2 SAMWELI 20:20

Ghwasha Yoabu nea gwayeesha, “Gagasa gwasheagiidanean, gagasa gwasheagiit, adaanukghuti ghana danyarja!

AYUBU 1:1

Ghayi aba jeeda ng'eanyiida Usi, gwanda siida siguura Ayubu, siisi abeeda ea doabiiwaat nea aamiy seara, ak goowali gheang'da ASEETA nea ghwasaja geaw ng'asheega munyas.

AYUBU 1:11

Heapi ahaakta geatindaang'u ak gisadi haleanjeeni sean mideawean, heapi mayghamwaashtaneey aba madeadaang'u?”

AYUBU 1:6

Ghayi eaweecha gaweay orjooga ASEETA ghabwatgeat aba madeeda NG'UTAMIIDA, ak eara Shataani gawa bugusta nyaawa.

AYUBU 1:8

Ak gwayeesha NG'UTAMIIDA shataani, “Siisi iteanyu bea gadiyeeda was Ayubuuni nidaahi giduurji, manda siida uurji niny aba badayda ng'eanyiida siida doabiiwaat gil nea goowali gheang'da ASEETA, nea ghwasaja geaw ng'asheega munyas.”

AYUBU 13:15

ASEETA iigasa gwanuusan ghwahit, manda gida jea dahuta, eara gwasunu gaydaweat geaw aba naweadingeasu aba madeadaanyi.

AYUBU 2:2

Hean ghoanyaash NG'UTAMIIDA shataani nea gwayeesha, “Gileabu yeenu?” Ghwasha shataani ghuuta NG'UTAMIIDA nea gwayeesha, “Gealeabu neayeeda aba badayda ng'eanyiida ea beacheengeaba hiji ea hoowa.”

AYUBU 2:4

Hean ghwasha shataani ghuuta NG'UTAMIIDA nea gwayeesha, “Muunda ea muunda, siida inyeesa ghoadayda haleanjeeda mideawa sean aba gideaba ghoaghu eaweagaaschi.”

AYUBU 9:17

Ninyeeda iissa ghabwaranaan siilakghta, nea ghoahaat deaneaduutkeasu nea gabaysa.

AYUBU 9:20

Earapeadi meandeawani giidiinyeanda gaygoorgweaksean aba ng'asheega ghuuteanyu, earapeadi eawooschi doabiiwaat gaygamuuwunean gideaba geawooschi roodaneeda.

NYIIGHEEGA 26:1

Ea NG'UTAMIIDA, weadaan aniini, aba gideaba ghaabeawi jeeda doobiiwnateanyu, ak ghaaghuschi NG'UTAMIIDA nea measiiksiigi.

NYIIGHEEGA 37:37

Aroora siida doabiiwaat miy, ak ging'ulayi siida doabiiwaat aba gideaba huuydeandeaba siisi hoyyooohi.

NYIIGHEEGA 41:12

Ak aniini aba jeeda doobiiwnateanyu ea nigatkachean, ak ea niyiinyaan madeeda gheanyangaagu damanda manda muudeanooda.

GHWASIILDEANGA 11:8

Siida doabiiwaat gajeelealu aba jeeda sawanadeeda, ak hoorgeadaanyi gaygawa siida muy.

GHWASIILDEANGA 13:6

Doobiiwnata gaygafur siida doabiiwaat aba jeeda naweadaanyi, nea riing'eeda gayghwalasta siida muy.

GHWASIILDEANGA 14:2

Siida doabiiw giibindaanyi gayghoawal gheang'da NG'UTAMIIDA, nea dea hang'waay uhu gaygafool niny aba jeeda naweadingaaschi.

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 16:17

Naweeda bareanda bea siida doabiiwaat gamuliisa ng'asheega munyas, Nea dea ang'waay naweadaanyi gayghaghamwat eaweagaaschi.

Yohaana 9:3

Ghwasha Yesu nea gwayeesha, “Mii gideaba nisin siisi riing'eeda gil, ghana ghwaan ea ghaamwat, geebaysiina ghwadaajiit gadiyoojiga ASEETA aba niny.

Filippi 3:12

Ak ea mii gideaba naanyaschi ghana gideaba neawooschi hidaat gil; geamajeekchi badiida danyas ak ghoah deanyu, aba gideaba ninung' Gristo Yesu doaw siidaanyi.

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

1 Betro 1:7

ak abeeda aba simsimda masaweegeagwa miyaasiin ng'al dahaabu jea gwarooda, earapeadi iissa geesim aba beasta, ak abeeda geadaah gideaba gwandeawa duumsiinda ea gharbeeda ea mureeda aba giidaheachta Yesu Gristo.

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.