AYUBU 11:7 - Bibliyeeda Ghaydit

⁷ “Heapi ang'iing'i gajamuusa nala hawunda ASEETA? Ak gajamuusa nala heeda jea gabiikna ASEETA hoauur?

AYUBU 11:7 Mawu Ofanana

AYUBU 22:12

“Neada ASEETA ea mii sheagi manda humng'eeda? Ng'ula miinga humng'eeda ea gidasheakta?

AYUBU 26:14

Asi, suh ng'asheega mwaatkwa gil bea naweadingaaschi; ea gidamanang'iida ng'asheega siyiinyi aba badaydaanyi! Ak ea ng'eaha siida ammu ghwanal nyeashta uurdaanyi?”

AYUBU 27:11

Gaydaanaaleagwa agooga ng'asheega geatinda ASEETA giduurji; ng'asheega ASEETA hoauur maydafuy.

AYUBU 33:12

“Ng'ula, aba ng'asheanji muwoosi doabiiwaat. Gaydasha ghuutaang'u. ASEETA aahaw ea ghang'al siida.

AYUBU 33:13

Abeeda ghwasaan inyas ging'alealeewi niny, nea giyeeni, ‘Mayghwasha ng'asheanjagi aba jeeda ng'asheegeasu’?

AYUBU 35:5

Ng'ula humng'eeda, ak gidaahi; ak ging'ulayi shamooghuutka, sheageewaneey muuchi.

AYUBU 36:26

Ng'ula ASEETA aahaw nea aseasa ea meanali niny mooneeda gweanyeakaaschi majeamu eesikteawa.

AYUBU 37:23

ASEETA haw uuri manda siida jea gwaneekiisa heeda, giimuusta ea doobiiwnataanyi ea haw ak gwandeawa alooheeda haw, nea maygahuta gitoobiiwsa siida earahay.

AYUBU 37:5

ASEETA ghwanya nyeashta ak geaham ng'eanyi aba ghuutaanyi, inyeesa gwasin ng'asheega hees majeamuusa eanala.

AYUBU 42:3

‘Siisi fuy girgweaksiindean nea mandeawana fughareeda ng'eaha?’ Aba gideaba gearugu ng'asheega mwaanali, ng'asheega deamdeameadi joaran ak ea mwaanali.

AYUBU 5:9

Ninyeeda sina ng'asheega hees mwoamu eesikteawa, ak gwasina ng'asheega deamdeameadi mwoamu eeyiida.

NYIIGHEEGA 139:6

Fughareani ea daamdaamwaat ghwajoaran aniini; ea haw, ak ea maydaamu danal.

NYIIGHEEGA 145:3

NG'UTAMIIDA dea haw gil, ak geeduumsheesa muuchi, nea hawundaanyi ea mwoamu eesikteawa.

NYIIGHEEGA 77:19

Ang'iing'i gisini naweadaang'u jeeda aba basooda, ak gineayeewi badayda beega saang'a; ak ea meadaaha baneaguukaagu.

GHWASIILDEANGA 30:4

Nidiyeada ng'eaha humng'eeda ak ghwararang'aan ghwahidu ng'eanyi? Niing'waay ng'eaha jeameeda aba geatindaanyi? Nirassa ng'eaha beega jeeda hang'daanyi? Gwasin ng'eaha muudeanooda ng'eanyiida? Gheawungaaschi ng'eaha? Gheawunga orjeedaanyi ng'eaha, heapi ginali?

REEKUSIINDA 3:11

Ak gwasin gilakil nea ghoamiidu aba damandaanyi; ak ghwayiin gili jeesinga nyaawa damanda manda muudeanooda; hean ghwaraay ghwanal gidasin ASEETA aba mwadi ea ghwahita muudeanooda.

REEKUSIINDA 7:24

Nea haleanjeedida sheagiin, ea haleanjeedida badiini ng'eanyi muuchiin, nih gajea ng'eaha siida jea ghoamu gagasa?

ISAYA 40:28

Heapi, neada ang'iing'i eaminali? Mii iinya? NG'UTAMIIDA ASEETA manda muudeanooda gil, ak gwasin haleanjeeda sean bea badayda ng'eanyiida, niny mayghwanyighis nea maygabur fughareadaanyi majeamu eesikteawa.

Mattayo 11:27

Nigoonan Bwaabwa haleanjeeda sean. Manda siida nal Orjeeda geaghus Ghweanda, ghana siida nal Bwaabwa geaghus Orjeeda ghana siida wassean gasa Orjeeda goohiimsa.

Ruumi 11:33

Asi giteena meanang'oocheanduumeeda ea weaghuumeeda ea fughareeda ASEETA! Nea mwoamu eesikteawa girgweageadaanyi, nea naweadingaaschi ghanyea meegaseadayi!

1 Goriinto 2:10

ASEETA niihiimneasa aseasa aba naweeda Guroorooda. Aba gideaba Guroorooda iissa ghwanal haleanjeeda sean, eara haleanjeeda mida jeeda ASEETA.

1 Goriinto 2:16

“Aba gideaba, siida nal fughareeda Ng'utamiida ng'eaha, ak abeeda ghoanaal?” Duuku aseasa geandeawi fughareeda Gristo.

Efeeso 3:8

Aba aniini, earapeadi eawooschi mwanang'eawa fuga sean ghaydidiin, abeeda geegu dagheerjeanduumeani, ak gearukwiisi fuga Eemoojiga meanang'oocheanduumeeda meesikideawana bea Gristo,