AYUBU 1:3 - Bibliyeeda Ghaydit

³ Ak gwandeawa haleanjeeda, gisilgaaschi ea sagalamnyooji ispwa, ea ngamiyaji sagalamnyooji samwagu, ea heew bughalaji muut, ea digeeniga seaweadi bughalaji muut, ea fuga saang'a bea gadiyeeda. Ak siisi ea nalaat muuchi aba ng'eanyiita ghayeawaan.

AYUBU 1:3 Mawu Ofanana

GIING'EETA 12:16

Iidu aba badaydeaba niny geesissa Abramu ng'asheega miyaas; ak geataw gisilga, ea heewga, ea jiirgwa digeeniga, ea fuga gadiyeeda was headiga, ea haweega gadiyeeda, ea gheamadiga digeeniga ea ngamiya.

GIING'EETA 12:5

Ng'ata ghwaat Abramu gatmoadaanyi was Sara, ea Lutuheeda was orjeeda baleanda ghaamwat, ea haleanjeeda nyaawa sean mideawa, sea fuga nyasa hoowa bea Haraniin; hean gwasimsa beata gaweay ng'eanyiida Ganaani. Hita ng'eanyiida Ganaani,

GIING'EETA 13:6

ak ea moahiida ng'eanyiita duwaawi aba giibinda; aba gideaba dugwa nyaawa aasaang'a ak ea mayghoamu gwandeayeesa hijagi,

GIING'EETA 24:35

NG'UTAMIIDA niidaw muuchi ghawooda siideanyu haw, ak ea niheedu; ak ea niidaw nooga ea dugwa, ea lapiya ea dahaabu, soomjooga was headiga ea soomjooga was gadeemga, ea ngamiyajeega ea digeeniga.

GIING'EETA 25:6

Nea orjooga gwealajeegaschi ghoadaw haleanjeeda nea damanda duu gwandeewa ghwanung' gaweay gwaheeli sea orjeedaanyi was Isaka, ak gaweay ng'eanyiida duukusa heeda ghayeawa.

GIING'EETA 29:1

Iimuchu ghang'eat Yakobo gawa bareanyeakaaschi, ea ghwahita ng'eanyiida fuga mida heeda ghayeawa.

GIING'EETA 32:14

nooga seaweadi bughalaji iyeenya ea ghwaray diktam, gisilga seaweadi bughalaji iyeenya ea lagweendi diktam,

GIING'EETA 34:23

Neada dugwa nyaawa, ea haleanjeeda nyaawa sean ea mayghoah gaasa? Asi geaghus eeneajeena sea saawa, ak abeeda gajeendeawana.”

2 SAMWELI 12:2

Nea siidida baruuriin gwandeawa hawaniga nooga ea dugwa;

1 SUGOODIGA 4:30

Asi weaghuumeeda Sulemani gaburdeawa weaghuumeeda fuga sean bea gayeew, ea weaghuumeeda sean bea fuga ng'eanyiida Misri.

2 SUGOODIGA 15:20

Ak ghoang'waay Menahemu gujaweedeaba lapiyeeni aba heeda fuga Israeli, was meanang'oodiga. Gaba siisi adayda shiliingaji haradam ea damanamughuush was shekeeli, gideaba ghoadaw sugoocheanda Ashuru. Iidu gabiikta sugoocheanda Ashuru ng'eanyiida nyaawa.

2 SUGOODIGA 3:4

Sugoocheanda Moabu siguura Mesha abeeda gooheagwiida gisilga. Ak inyeesa gilakweayda ghoadaw sugoocheanda Israeli buudeega gisilga sagalamnyooji bughala, ea gea lagweendiga sagalamnyooji bughala.

1 DAMANYOOJIGA 27:30

nea dea ahaaghwa ngamiya ea Obili, bea dooshta Shumwaheeli; nea dea ahaaghwa digeeniga ea Yedaya, bea dooshta Meronoti;

2 DAMANYOOJIGA 26:10

Ng'ata ghwadeas madalajeega aba dareapcheeda, ak ghaghurghur healatka saang'a aba gideaba gwandeawa hawanda saang'a bea dugwa, aba Shefela ea aba mooheeda, nea gwandeawa fuga barooda ea gea jea gang'ula madameega misabiibu aba iheenga heayeeniga ea aba ng'eanyiida miy sigeeda, aba gideaba niny ghabwariiy barooda.

2 DAMANYOOJIGA 32:29

Aba ng'ata gwasissa geaw mujiinajeega, ea gisilga ea dugwa saang'a; aba gideaba NG'UTAMIIDA niidaw niny baruureega muuchi.

AYUBU 1:10

Ak ghamneawa ang'iing'i mifuri niny aba meadajeega seani? Sea gheanyi, ea haleanjeadaanyi sean mideawa, ak ea niidawi ghawooda aba gadiyoojigaaschi sean, ak ea niihaada haleanjeadaanyi aba badayda ng'eanyiida.

AYUBU 1:4

Nea inyeesa orjusu geeweay eesin ghweelmeeda aba giliwas sih ea gealga nyaawa, nea geelageanyi. Nea geecheaksa eeguursa haweegiga asamwagu bea gea nyaawaan ak ghapka gweagiischi nea gwaleeshi sea saawa.

AYUBU 21:28

Aba gideaba gooyeenyi, ‘Gwanda yeenu gheeda siida haw? Gwandeenu maheemajeanda abiita fuga munyas?’

AYUBU 29:25

Aniini gealoosi saawa naweeda, ak geapteadaydi sugoocheanda.

AYUBU 31:25

ama eahoosanyi aba gideaba geawooschi baruur muuchi, ghana gideaba ninyas geatindeanyu haleanjeeda saang'a,

AYUBU 31:37

gwachi gaydarukusa mooneeda geeshanga aalaabwaadi; gaydaneekiisiinda siida haw.

AYUBU 42:10

Ng'ata ghwanung' NG'UTAMIIDA gamnyeeni Ayubu, nea nimusiicheesa fugaaschi duupchi; hean ghoadaw NG'UTAMIIDA Ayubu haleanjeeda niba iyeenya ea gaburdeawa gea mideawa bea mwadi.

AYUBU 42:12

Ng'ata ghoadaw NG'UTAMIIDA Ayubu ghawooda aba giibindaanyi ea ghwanaawa diita bea mwadiin. Ak gaba gisil sagalamnyooji damanang'wan, ea ngamiyaji sagalamnyooji lah, ea duu sagalam ea digeen sagalam.

GHWASIILDEANGA 10:22

Ghawooda NG'UTAMIIDA gaygweadu baruureega, nea siida gadiiyi muuchi ea mayghoahaat giiseaneega.

YEREMIYA 49:28

Iita Gedari ea sugoocheanduumeeda Hasori ghayi bwar sugoocheanda siguura Nebukadreesa. Nih gwarugu NG'UTAMIIDA: “Ng'eada, una ng'ucheewana Gedari! Lasa uhuuda fuga mida heeda ghayeawa!

IITOODA 23:7

Ak ghang'eat ghwasiildeangaaschi, nea gwayi, “Balaki gweananean Aramu, sugoocheanda Moabu aba giijeega ghayeawa, ‘Beeni, mooshteaynean Yakobo, ak gibeenu, nyareeksiina Israeli!’

FUGA LAJA GIRGWEAGUUTKA 6:3

Nea Iinyo gwahista booga fuga Israeli, inyeesa ghapka fuga Midiyani ea Amaleki ea fuga ng'eanyiida ghayeawa ak gang'uchi sea saawa;

FUGA LAJA GIRGWEAGUUTKA 6:5

Aba gideaba gaygoodeanyi sea dugwa nyaawa, ea maheemajeega nyaawa, nea gayghapkaanda deashamga aba seang'ayda nyaawa; saawa ea ngamiyajeega nyaawa manda mooneeda; hean gaweay jeeda ng'eanyiida ghwadatas.

FUGA LAJA GIRGWEAGUUTKA 7:12

Nea fuga Midiyani, ea Amaleki, ea fuga ng'eanyiida ghayeawa ea niiduuw aba moangoachi, gawuurji deashamga aba seang'ayda nyaawa, nea ngamiyajeega nyaawa ea manda mooneeda nyaawa, geegala iseaskweanda ghuuta basooda, aba seang'ayda nyaawa.

FUGA LAJA GIRGWEAGUUTKA 8:10

Nea Seba ea Salmuna gwanda Garkori sea shirikareeda nyaawa, nea gaba headi sagalamnyooji damanamuut, nea gea siipuut was lugooda sean bea fuga ng'eanyiida ghayeawa, aba gideaba ghoabeada fih sagalamnyooji diktam, bariida ng'utkeaka.

1 SAMWELI 25:2

Abeeda gwanda siispa ng'eanyiida Maoni, sina gadiyeeda aba mujiineeda Garmeli. Siisi ea baruur muuchi; abeeda gwandeawa gisil sagalamnyooji samwagu ea nooga sagalama. Abeeda iissa ghwalajaada buudeega gisilgaaschi aba Garmeli.

1 SAMWELI 27:9

Ak ghabwar Dawdi fugeaba ng'eanyiita gicha, ak ea moabuuda ng'eedeeni majeek ghana gatmooda, ak ghwaat gisilga, ea heewga, ea digeeniga, ea ngamiya, ea hang'weaka, ak gabiigu heeda Akishi.