AMOSI 9:4 - Bibliyeeda Ghaydit

⁴ Ak eara gaweay soomjeandumeeda aba madeeda weajoodiga nyaawa, aba hoowa gaydanung' gawa ng'uta ak gwanuus saawa; ak gaydeafuursa gheanyangeasu saawa dasima gidamuy nea mii gidamiyi.”

AMOSI 9:4 Mawu Ofanana

GIING'EETA 44:21

Ak giyeeshiineasa soomjoagaagu gideaba, ‘Ayeani orjeeda heedeanyu, dadaaha gheanyangeasu.’

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

NYIIGHEEGA 34:17

Iyayeawda fuga doobiiweadi nea gagasa weeta, hean ghwayiiy NG'UTAMIIDA, ak gwalealna saawa jeeda sawanaduutka nyaawa sean.

RITEAYDA 14:24

Muchu sakteayda ghoang'wearna NG'UTAMIIDA jeeda daraneedida bea beastean ea shamooghooda ak goong'weersa ng'eanyi ghwadaah shirikareeda fuga Misri, ak ghwanung' ghang'ut hirbabandeeda shirikareeda fuga Misri,

YEREMIYA 12:12

Fuga ghas fih niding'da iheenga heayeeniga manda gil mida dareapcheeda; Aba gideaba ng'uta NG'UTAMIIDA nihuuyda fih ghang'eada meatkweenagi bea ng'eanyiida ea gagul muudeanoodeaba niirja; Manda siida bea seayu.

YEREMIYA 21:10

Aba gideaba gwayi NG'UTAMIIDA; Neafursinyeewi mujiineani aba munyinda nea mii aba gea miyaasiin gil, gajeataw sugoocheanda ng'eanyiida Babeli ak gaygoojoon beasta.’

YEREMIYA 24:6

Nea gaydaahaaghwa saawa muuchi, ak gaydaaghuumu gabiigu ng'eanyiini. Ak gaydanung' gang'adu, nea maygudu danung' goobeedeayi, hean gaydang'aapta ak ea maydaloata.

YEREMIYA 39:12

“Aada Yeremiya ak ging'ulayi muuchi, nea adisimi ng'asheanda muy, sinda gidagasiida niny.”

YEREMIYA 39:16

“Asi una ak giibalooli Ebedmeleki was siida Gushi, ak giyeeshi, “Gwayi NG'UTAMIIDA bea lugweega, was ASEETA Israeli; ‘Ng'ula, gaydanung' gwasa ng'asheega ghayi eargu aba badaydeaba mujiineani, nea mii ng'asheega miyaasiin gil, gea munyasi, ak ng'asheesu gaygwasa nea ging'ulayi aba gheanyangaagu eaweecheanji.

YEREMIYA 44:11

“Asi aba ng'asheanji gwayi NG'UTAMIIDA bea lugweega, was ASEETA Israeli: Ng'ula, gaydeagealu gheanyangeasu heedeang'wa ak geayeaneegwa ng'asheega munyas, bwak ea easach Yudayda sean.

ESEKIELI 5:12

Fiisu ng'ay aba jeedeang'wa, gayghabwar dawni ea jalooda, nea gheamughuushcheeka suurja gajeabwar aba ng'ucheeda nea gheamughuushcheeka abit gaydaadabwaarda gaweay meadajeega sean bea ng'eanyiida ak gaydaat geeshta aba ng'uta.

ESEKIELI 5:2

Iing'ata neaweesiinda mujiineeda Yerusalemu abeeda gighwardi gheamughuushcheanjagi aba jeeda gea asamwagu bea buudeagaagu aba jeeda mujiini. Gheamughuushcheanda niirja gaybwaraada aba ng'uta nea gineaweesi mujiini, nea gheamughuushcheanda huuydean gajadaarda aba jeameeda, ak gaydafagu ng'uteanyu daat geeshta.

NG'ASHEEGA LAWI 17:10

“Amadeepa siida wassean bea eemeeda Israeli ghana gaba rabasta mida jeenyaawa iiyak foojeanda wassean, gaydasach ghaat aba badaydeaba siisi ak foojeandean, ak gayghwasach siisi aba jeeda buuneadaanyi.

NG'ASHEEGA LAWI 26:33

Ak gaydanung' adarsiina bugusta eemoojiga, ak gaydayiin geeshteang'wa ng'uta; nea ng'eanyiideang'wa ea maygwanda sih, ak gaydanyarjeaweada mujiinajeegeagwa ea ghoah raghoonyeanda.

AMOSI 9:8

Ng'ula, gheanyanga Ng'utamiida was ASEETA gwanda badayda sugoocheanduumeeda riing'eeda, ak gaydanung' goosha aba badayda ng'eanyiida; ak ea maydanung' goosha gheeh Yakobo,” gwarugu NG'UTAMIIDA.

SAKARIYA 8:10

Aba gideaba heeda mii ghwahina damandida, manda gidageatinda siitaw siida ghana gidageatinda siitaw diyeayda, ak ea manda hoyyoo aba dea weah ghana dea hidu aba weajoocheanda, ak geasiksi gaba ng'uchi sea siisi mideawa.