AMOSI 8:3 - Bibliyeeda Ghaydit

³ Nea sarmoojiga gheeda sibata ASEETA gayghoah shooka askwearda,” gwarugu Ng'utamiida was ASEETA gil; “muscheeka gajea saang'a; aba ng'eanyoojiga sean gajeehista nea geasiinda.”

AMOSI 8:3 Mawu Ofanana

NYIIGHEEGA 39:9

Naasiindi ak ea maydajaat ghuuteanyu aba gideaba ng'asheesu gisini ang'iing'i.

ISAYA 37:36

Hean gawa malaykajeanda NG'UTAMIIDA ak ghabwar fih sagalamnyooji bughala ea seedam ea muut, aba heeda mida fuga Ashuru; ghang'eat ng'eat buuneeda nea gudea sakteayda duu gil, geadaah muscheeka sean bea buuneeda.

YEREMIYA 22:18

Ng'ata gwayi NG'UTAMIIDA aba badayda Yehoyakimu orjeeda Yosiya was sugoocheanda Yuda: “Maygagutu heareega aba badaydaanyi nea gwayeena, ‘Ea orjeeda iyya!’ Ghana ‘Ea hudiya!’ Nea ea Maygagutu heareega nea gwayeena, ‘Ea sugoocheandeanyu!’ Ghana ‘Ea siideanyu haw!’

HEAREEGA 2:10

Gweargwa huda Sayuni inyeessa goopteada aba ng'eanyi nea ghwasiinda; ak geejaksa birjeanda iheenga nyaawa nea gwarasa mananuunatka nyaawa hang'weaka guniyajeega; haweega Yerusalemu gakula iheenga nyaawa ng'eanyi.

YOELI 1:11

Ahamwa ng'eanyi, ea fuga bwar ng'eanyi, ookuula, ea fuga fur sabiibu, aba badayda ngaano ea shayiiri; aba gideaba nirooda booga madameega.

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

YOELI 1:5

Aboogida, ea fuga boogidi, ak gooyeawdi; ookuula, agoogeeda leeha difaayi, aba badayda difaayeeda duu ghwaheas, aba gideaba sisachnyi aba ghuusigeagwa.

NG'ASHEEGA LAWI 10:3

Ng'ata gwayeesha Musa Haruni, “Nih gidarugu NG'UTAMIIDA, ‘Gaydaahiimu geaw gideaba geawooschi ghaydit aba heeda fuga neekeewean, ak gajeakghaambiidan aba madeeda buuneesean.’” Hean ghwasiinda Haruni.

AMOSI 4:10

“Ak ea neayeadu bugusteang'wa geeyooda muy uurji deaghayi bea Misri; nea ghaabwarji gheareemangeagwa aba ng'uta; ak ea naayaachi faraasajeegeagwa deasheagiit; ak ghaanung' gaweay shearooda ng'uh bea murearoodeang'wa jeeda sareenuukeagwa; ak ea mii abiikni heedeanyu,” gwarugu NG'UTAMIIDA.

AMOSI 5:16

Asi gwayi NG'UTAMIIDA, was ASEETA bea lugooda, was Ng'utamiida: “Gajeegutu heareega aba jeeda naweadinga sean; ak gajeeyi aba jeeda naweadinga sean, ‘Uuw! Uuw!’ Ak gajeeguursa fuga bwar ng'eanyi ghwahidu gagutu heareega ak eara giika ammu shookean ghapka gagutu heareega,

AMOSI 5:23

Oang'aamwana heedeanyu nyeashta sarmoojigeagwa; aba gideaba meagassi dayiiy ghuusiga gidoondoorajeegeagwa maydealeeysiit.

AMOSI 6:4

“Agoogeeda nyasa goolili aba badahuuka bulaleengeagwa miyaasiin haw sheayeat, agoogeeda inyeesa ghoayaaji dayeega gisilga bea hawanda nooga, ea muhooga mida bugusta seamooda;

AMOSI 6:5

agoogeeda inyas goosarmanyi sarmoojiga mwadaagha aba ghuuta gidoondooriida, ak gawuurji gidaghayi sissa geaw Dawdi gidoondoorajeega sarmeeda;

AMOSI 6:8

Ng'utamiida was ASEETA gweaksa geaw habeawooda (ak gwayi NG'UTAMIIDA was ASEETA bea lugooda): “Ghaaheawi miyeenooda Yakobo, ak ghaasichi gealgaaschi; ak gaydageanda mujiini daadaw weajoodiga ea fuga sean mida jeeda.”

AMOSI 8:10

Ak gaydayam ghweelmoojigeagwa ghoah giiseaneega, nea sarmoojigeagwa sean ghoah heareega; ak gaydayiin mananuunatka sean hang'weaka guniyajeega, nea gaba uhuuni mideawa mearumeeda; ak gaydanung' gawuurji giiseaneega bea orjeeda sighus, ak huuydeandaanyi eaweecheanji gajea ng'waan.

NAHUMU 3:3

Siida ding'da faraasi ninyareas, ak gooyuuk ng'uta ea ng'uta dadamwan, aba lugweega sibwar, sea mughuusheanda muscheeka, fuga meewa mamuudeana– ak gwaruusa muscheeka!

SEFANIYA 1:7

Eena saw aba madeeda NG'UTAMIIDA was ASEETA! Aba gideaba eaweeda NG'UTAMIIDA nineekiit; aba gideaba NG'UTAMIIDA niidiing'diing'da lukghumeeda ak ghoaghaydit rabastaanyi.