AMOSI 7:8 - Bibliyeeda Ghaydit

⁸ Ak gwayeeshiinean NG'UTAMIIDA, “Amosi, gidaahi naaha?” Ak geayeeshi, “Ghaadaayi gidasiiteeniida.” Hean gwayi NG'UTAMIIDA, “Ng'ula, gaydayiin gidasiiteeniida bugusta fugeasu was Israeli; ak ea maygudu gabiikta dasuut saawa;

AMOSI 7:8 Mawu Ofanana

2 SUGOODIGA 21:13

Ak gaydalas uhuuda Yerusalemu, gawuurji gideahindi Samariya ea gideahindi Ahabu was sugoocheanda Israeli ea jeacheangaaschi. Ak gaydeahuun Yerusalemu ea fugaaschi, gawuurji gweeriida siihuun ak geekula ghuuta ng'eanyi.

ISAYA 28:17

Doobiiwnata gayghoah gichea eeteenda aba sindeeta, nea alooheeda gayghoah ghealoadaanyi. Nea roopta lagheanga gayghoaraghwaata fuga sean bea ng'uyeega ikghusi, nea guldeayda gaygwanyarja hoorgeadaang'u iibiiti bea seayu.”

ISAYA 34:11

Abeeda gayghoah hoorgeeda rabearda ea usibicheanda, nea goobiida eara udahiihiida ea udaghuuh. Ak gayghang'uda Ng'utamiida saawa jaliida, nea goong'uchi fuga nyaawa hees.

YEREMIYA 15:6

Gwayi NG'UTAMIIDA, agooga noaheawanaan, Ak goobiikti bwadaw; Ak ghamneawa ea neagatkachi geatindeanyu dahasheegwa;– Aba gideaba neaburji aba baydeaydeang'wa.

HEAREEGA 2:8

NG'UTAMIIDA nimanya gideaba gaygwanyarja ghamarda hudeaba Sayuni; ak ea niiroor aba moonghooda; ak ea mwaadeala geatindaanyi aba nyarjeawda; ak ea ninung' gagutu heareega hilgweanda ea ghamarda, nea ghwajaam sean duwaawi.

HOSEYA 1:6

Gabiikta gagweayiit gicha, ak gwaji huda. Ng'ata gwayeesha NG'UTAMIIDA, “Guureewana gheawungaaschi ‘Meebwayda’, aba gideaba maygudu dabwariiy Israeli gicha nea ak ea maydasamsa earahay.

AMOSI 7:7

Ak ghoahiimnaan: ng'ula ghamiinaada Ng'utamiida aba murdeeda ghamarda nea ghwadeakta gidasiiteeniida, abeeda gidasiiteeniida gwanda geatindaanyi.

AMOSI 8:2

Ak gwayi, “Amosi, gidaahi naaha?” Ak geayeeshi, “Sooscheanda mida haghweega damanda daknooda.” Hean gwayeeshiinean NG'UTAMIIDA, “Nihidu damanda muudeanooda fugeasu was Israeli; nea maygutasuut gicha saawa.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

SAKARIYA 4:10

Aba gideaba neada gafool ng'eaha eaweecheanji bea ng'asheega manang'iin? Aba gideaba gajeehoosan, iisidaah Serubabeli nea ghwadeas gheeda sibata ASEETA. “Nea suh asispwaan ea gheanyanga NG'UTAMIIDA gil, gang'ula meadajeega sean bea ng'eanyiida.”

SAKARIYA 4:2

Ak gwayeeshiinean, “Gidaahi naaha?” Ak geayeeshi, “Ghaadaayi ng'ula hoorgeeda siyiina gheaboong'nyeanda, nea geesina dahaabu, nea uhuudaanyi gwanda gweeriida, ea gheaboonyan ispwa mida uhuudaanyi ak gwanda seawuut ispwa aat nagheeda jeedeaba gheaboonyangiga;

SAKARIYA 5:2

Ak gwayeeshiinean, “Gidaahi naaha?” Hean ghaashaayi ghuutaanyi nea geayeeshi, “Ghaadaayi gitaabooda neay aba humng'eeda; nea geawundaanyi ea geatin diktam gil, ak murdajeagaaschi ea geatin damanamughuush gil.”