AMOSI 7:3 - Bibliyeeda Ghaydit

³ Ak ghwanung'waada NG'UTAMIIDA ng'asheanji; “Ng'asheanji maygwasa,” gwarugu NG'UTAMIIDA.

AMOSI 7:3 Mawu Ofanana

GIING'EETA 6:7

Ng'ata gwayi NG'UTAMIIDA, “Gaydageandeawa siida ghayi easinyi badayda ng'eanyiida, siida ea diyeanga ea diyeanga badiina jeesinga ea dariidaka humng'eeda, aba gideaba naanyareaschi aba gideaba geasinyi.”

1 DAMANYOOJIGA 21:15

Ak goojeagu ASEETA malaykajeanda ghwaan gwanyarja Yerusalemu; hean nea ghwariikghta gwanyarja, ghwadaah NG'UTAMIIDA, ak gwaduukuuna riing'eeda; ak ghwayam fughareadaanyi ak gwayeesha malaykajeanda hidu gwanyarja, “Nihit; reekusiina geatindaang'u.” Hean ghamiinaada malaykajeanda NG'UTAMIIDA aba murdeeda bugharjeanda siileela booga bea Arauna bea eemeeda Yebusi.

NYIIGHEEGA 106:45

Ak ghoapkaat aba badahuuka nyaawa neajeadaanyi ak ghabwayda aba hawunda bariinyeagaaschi.

NYIIGHEEGA 78:38

Iidu niny aba gideaba gwandeawa baydeayda, gwasamsa munyasnacheeka nyaawa, ak ea mwalasa uhuuda nyaawa; nea iissa ghwasach nyarastaanyi galeaga sean, ak ea mwanung' ghwayeat nyarastaanyi sean.

NYIIGHEEGA 90:13

Ea NG'UTAMIIDA! Biikni, gajeeyi bwak ea gooyang'daan? Eaniyean bwayda fugaagu bea gadiyeeda.

RITEAYDA 32:14

Ak ghwayam NG'UTAMIIDA gidida muyiin gwachi jea gwasima fugaaschiin.

YEREMIYA 26:19

Heapi iyoong'ulayi Hesekiya was sugoocheanda Yuda sea fuga sean bea Yuda gwanuus niny? Iyoong'ulayi niny ea moawala gheang'da NG'UTAMIIDA, nea gamus baydeayda NG'UTAMIIDA, ak hean ea maduukuuna NG'UTAMIIDA aba ng'asheega munyas ghayi rugu jea gwasima saawa? Ghamneawa geegasayi eapuuna habitkweeda bugusteanya.”

YEREMIYA 42:10

Iijea oopiidana ng'eang'i, abeeda gaydadeaseegwa ak ea maydanyarjaneegwa, gaydang'aaptaneegwa ak ea maydaloataneegwa; aba gideaba neaduukuuni gidamuy ghayi easimaneegwa.

HOSEYA 11:8

Gaydaamuustaan dajaktaneey, Ea Efraimu! Gaydaamuustaan danung'waadaneey, Ea Israeli! Gaydaamuustaan danung' uurjeewana Adma! Gaydaamuustaan dasimaneey gideasimi Seboimu! Gurooroodeanyu niyam geaw aba jeedeanyu, baydeaydeanyu niyeat muuchi aba headaang'u.

YOELI 2:13

abwaashaada gurooruunatkeagwa, nea mii hang'weakeagwa.” Ak goobiiksi NG'UTAMIIDA was ASEETEANG'WA; aba gideaba niny dea mideawa miyeenooda, ak gwandeawa baydeayda haw; ak ea mii wusis nyaras, niny gwandeawa baydeayda muuchi, nea ghwasit ng'asheega munyas.

YOELI 2:14

Ak ghwanal ng'eaha gideaba maygabiigu ak ghwayam geaw, ak ghwanung'waneasa ghawoadaanyi; asi huumwa, haleanjeeda ghadooweeda was dearanga, ea haleanjeeda ghadooweeda sileeha aba heeda NG'UTAMIIDA was ASEETEANG'WA?

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

AMOSI 7:6

Ak ghwanung'waada NG'UTAMIIDA ng'asheanji; “Ak eara ng'asheanji ea maygwasa,” gwarugu Ng'utamiida was ASEETA.

YONA 3:10

Hean daah ASEETA gidasin gidayamda geat aba ng'asheega nyaawa munyas, ghwanung'waada ASEETA nyarasta ghayi rugu jea gwasima fugiga; ak ea mudu gwasin.

GIIPKEATA DIIGHEANDA 32:36

Aba gideaba NG'UTAMIIDA gaygooheeli fugaaschi ak gayghabwayda fugaaschi bea gadiyeeda, iidaah gideaba niisha uurjeenga nyaawa, ea gideaba manda siida jea ghoabit, dea mida ghealooniga ea dea abal geaw.

Yakkobo 5:16

Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.