AMOSI 7:2 - Bibliyeeda Ghaydit

² Iidu nea niihiit deashamga agita nyeega badayda ng'eanyiida, hean geayeenyi, “Ea NG'UTAMIIDA was ASEETA, geamuscheey samsiina! Yakobo gayghamiinaadaydaan? aba gideaba aamwanang'!”

AMOSI 7:2 Mawu Ofanana

NYIIGHEEGA 12:1

Weadeasa, NG'UTAMIIDA, aba gideaba mudugwanda siida bada ASEETA; aba gideaba fuga doobiiweadi niisha aba jeeda buuneeda.

RITEAYDA 10:15

Ak gwadukuta ng'eanyiisean, ea gamisaniit ng'eanyiisean, nea ghwaak booga sean mida jeeda ng'eanyiida ea haghweega sean bea geediga abuut roopta lagheanga ak ea moapta eara seendoanagi bea geeta ghana booga jeeda madamnyeanda aba ng'eanyiisean bea Misri.

RITEAYDA 34:9

Ak gwayi, “Iinaanyaschi dagheerjeanduumeeda aba madeadaang'u, Ea NG'UTAMIIDA, geamuscheey NG'UTAMIIDA, una bugusteanya, aba gideaba fiisu eahang'oonyi iheeni, ak gisamsi munyindeanya ea riing'eegaasa, ak ginung' eehearaneeyi.”

ISAYA 37:4

Gwadeepa NG'UTAMIIDA was ASEATAANG'U ghwayiiy ng'asheega shirikarajeanda haw, ghayi ajeakta sugoocheanda Ashuru was siidaanyi haw, abeeda goojeakta goong'eawi ASEETA mideawa eaweega. Ea NG'UTAMIIDA was ASEATAANG'U, ak gayghoawoow aba ng'asheega iiy, asi mwaasha ASEETA aba badayda boosteanga abit.’”

ISAYA 51:19

Nibuseey ng'asheesu asiyeenyean – gayghwaak ng'eaha gurmeahiida aba badaydaang'u?– inyas ginyasi mitagheasta ea geejeeda, ea ng'uta; abeeda gaydaamuustaan daahaawdaneey?

YEREMIYA 14:7

“Earapeadi ramaseanyeeka muuwu aba badahuukaasa, Yamni geaw, Ea NG'UTAMIIDA, aba bariinyeagaagu aba gideaba ramaseanyeekaasa aasaang'a muuchi, Nea ea sisinneey riing'eeda.

YEREMIYA 42:2

ak geeyeesha sibaneeda siguura Yeremiya, “Geemuscheey mwasa musiischoodeanya, ak gimusiischooweasa aba heeda NG'UTAMIIDA was ASEATAANG'U aba badahuukaasa, aba boosteang'su seaniin (aba gideaba geapuudeasa fiisu ng'ay aba jeeda fuga saang'a aba gididaaktaneasa aba gheanyangaagu),

ESEKIELI 11:13

Hean damandida nea abeeda ghaaramwaarji, hean ghami Belatiya was orjeeda Benaya. Ak ghaabeadi nea ghaabwadi jih ng'eanyi, nea geayeawdi aba ghuuta haw nea geayeenyi, “Ea NG'UTAMIIDA was ASEETA gaynung' goosha eara boosteanga Israeli?”

ESEKIELI 9:8

Damanda sinuuseada abeeda geapuudan nea geabwaageaw, hean ghaabeadi ak ghaabwadi jih ng'eanyi ak geayeawdi nea geayeenyi, “Ea NG'UTAMIIDA was ASEETA, gaylasa uhuuda fuga sean bea Israeli ghayi siipuut nea ginung' gwasa nyarastaang'u aba badayda Yerusalemu?”

DANIELI 9:19

Ea NG'UTAMIIDA, aleaydiit; Ea NG'UTAMIIDA, samsiina; Ea NG'UTAMIIDA, aleaydiit ak gisini; adishing'di, aba badaydaang'u, Ea ASEETEANYU, aba gideaba mujiineadaang'u ea buuneadaang'u geeguuriisiina gheawungaagu.”

YOELI 2:17

Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

AMOSI 4:9

“Ak gaydalaseagwa ak ghoanyaschi geayda ng'waan; nea ghaabwari darari madameegeagwa was boosteaneedeang'wa ea madameegeagwa bea sabiibu, ea shaboogheeteang'wa ea saytuunajeegeagwa gaydanung' ghwaak deashamga; ak ea mii abiiksean,” gwarugu NG'UTAMIIDA.

AMOSI 7:5

Hean geayeenyi, “Ea Ng'utamiida was ASEETA, geamuscheey nung'waada! Yakobo gayghamiinaadaydaan? Aba gideaba aamwanang'!”

SAKARIYA 4:10

Aba gideaba neada gafool ng'eaha eaweecheanji bea ng'asheega manang'iin? Aba gideaba gajeehoosan, iisidaah Serubabeli nea ghwadeas gheeda sibata ASEETA. “Nea suh asispwaan ea gheanyanga NG'UTAMIIDA gil, gang'ula meadajeega sean bea ng'eanyiida.”

Giidaheechta 9:4

ak geeyeesha adoosawanyi nyeega mida ng'eanyiida ghana gili wassean nyawiish, ghana giliwas geeta geaghus fugiga mandeawana giirooraneeda ASEETA aba gheamamuunatka nyaawaan;