AMOSI 5:6 - Bibliyeeda Ghaydit

⁶ Agasa NG'UTAMIIDA ak gajoopiidana, adiidu ghwayeata beasta dea gheeh Yosefu, ak ghwanung' goosha, ea ea mudugwanda siida jea ghwanung' gamis aba Beteli,

AMOSI 5:6 Mawu Ofanana

2 SAMWELI 19:20

Aba gideaba siidaang'u bea gadiyeeda ghwanal gideaba nisin riing'eeda; asi, ng'ula, aniini naawunyi askweareani, was duweacheedeaba sean bea gheeh Yosefu ghaawunyi daroonyi ng'utamiideanyu was sugoocheanda.”

1 SUGOODIGA 11:28

Nea Yeroboamu gaba uurda haw, hean ghwadaah Sulemani gideaba orjeedida ea haw uur ghwanung' ghoah siichea gamiineadaysa fuga gadiyeeda hang'waay bea gheeda Yosefu.

2 DAMANYOOJIGA 34:25

Aba gideaba ninung'wanaani heeda, ak gagwardeaysa geediga ng'andidi aseecheeka suuk, ghwanung' danyareas aba ng'asheega geatinga nyaawa, ak abeeda nyarasteanyu gayghwahidu badaydeaba ng'eanyiini ak ea majeemiis.

NYIIGHEEGA 27:8

Ak giyeeni ang'iing'i, “Agasa gheamamdeanyu.” Gwayi gurooroodeanyu aba badaydaang'u, “NG'UTAMIIDA, gaydagasa gheamamdaang'u.”

NYIIGHEEGA 69:33

Aba gideaba NG'UTAMIIDA ghwayiiy iita fuga sawana, ak ea mafoola fugaaschi mida ghealooniga.

RITEAYDA 22:6

“Siida iighwarda hilooga ak ghwaak beasta nganooyda siida siimughuush, ea gea miyealach duu ghamiinaada, ghana ghwaak madamnyeanda sean beasta abeeda siida ayeat beasta gayghawalda.

ISAYA 1:31

Ak siida gaygawuurji nyeega gajeami, ak gadiyeadaanyi gaygawuurji rarayga beasta, ak gaygwayeeduuday, nea manda siida jea gwanuus.

ISAYA 55:3

Oaleaydiit ak ghoapkaanyi heedeanyu; ayiinya, ak gajanyasa giibinda; ak gaydasin neajeeda manda muudeanooda sea agooga, asaha ea baydeayda majeek bea Dawdi.

ISAYA 55:6

“Agasa NG'UTAMIIDA aba gideaba gayghwanyagaan, aguursiina iidu eaneeki;

YEREMIYA 38:20

Ghwalamda Yeremiya ak gwayeesha, “Manda majeayiinyi geatinga nyaawa, eaniyean mwasa ng'asheanda NG'UTAMIIDA aba ng'asheesu earukuneeyiin, abeeda gaybeaha seayu nea ginyasi eaweega.

YEREMIYA 4:4

Ea fuga Yuda ea gea abiita Yerusalemu, Ooyiila geat aba badayda NG'UTAMIIDA, ageanda mughooka gurooruunatkeagwa adiidu ghwayeata nyarasteanyu beasta, ak ghwayeat ea ghwaroat siichea gwanuus, aba munyasnacheeka gadiyoojigeagwa.”

YEREMIYA 7:20

Asi gwayi NG'UTAMIIDA: ng'ula gaydahisa nyarasteanyu hiji, badayda buuneeda ea diyeanga, badayda geediga dareabeeta ea haghweega ng'eanyiida; hean gayghwayeat nea majeamu eenuus.”

ESEKIELI 21:3

Ak giyeeshi fuga Israeli gwayi NG'UTAMIIDA, aniini majeeyeateayeena ak gaydafagu ng'uteanyu aba jeeda labalda ak gaydabwar fuga doobiiweadi ea fuga munyas seara.

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

ESEKIELI 37:19

Abeeda giyeeshi saawa, gwayi NG'UTAMIIDA was ASEETA, gaydageanu ng'archeanda meatkweeda Israeli, ak ghaayiinyi hijagi sea dea mida meatkweeda Yuda. Suh asiyeenyean gaydanung' ghoah ng'archeanjagi aba geatindeanyu.

AMOSI 3:14

“ak eaweedida gaydaaga ghoorjooda fuga Israeli aba giidiinyeanyeeka nyaawa, gaydaaga ghoorjooda heeda wagoojiga aba Beteli, gajealach gujaka heeda wagiida ak goobitpisa ng'eanyi.

AMOSI 5:14

Agasa gea miyaas, nea mii gea munyas gil, ak gajanyasa eaweega; ak NG'UTAMIIDA, was ASEETA bea lugooda, gaygwanda heedeang'wa, gawuurji gidoanyaashti.

AMOSI 5:4

Aba gideaba gwayeesha NG'UTAMIIDA gheeh Israeli. “Agasean ak gajoopiidana;

AMOSI 6:6

agoogeeda inyas ghoaleayi difaayi aba jeeda gweerajeega, nea ghoayeashti nagheeda ng'andit, nea mwang'udeagwa giiseaneega aba sawanadeeda Yosefu!

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

SAKARIYA 10:6

“Gaydanung' ghwanyas uurda fuga Yuda, ak gaydalealu fuga gheeh Yosefu, ak gaydaadealda, aba gideaba ghaabwaydi ak gaygawuurji gili miidajakta, aba gideaba aniini geawooschi NG'UTAMIIDA was ASEETA nyaawa, ak gaydealeeysiit saawa.

GIIPKEATA DIIGHEANDA 32:22

Aba gideaba beasta sighwar aba nyarasteanyu, ak gayghwaagaada ea ghwahita heeda maloonghajeega, ak gayghwaak ng'eanyiida ea beagaaschi, ak beasta gayghwaak sindeecheeka giijeega.

GIIPKEATA DIIGHEANDA 4:24

Aba gideaba NG'UTAMIIDA was ASEETEANG'WA gawuurji beasta ng'waan ghwarda gilinyoo ea gili, ASEETA ng'waan jih.

YOSHUWA 18:5

Ak fiisu gaygwalaja ng'eanyiida niba ispwa, Yuda gaygoobiida ng'eanyiidaanyi bea wiilooda ng'eanyiida biyeara, ak fuga gheeh Yosefu gaygoobiida ng'eanyiida nyaawa bea wiilooda ng'eanyiida ghayeawa.