AMOSI 5:2 - Bibliyeeda Ghaydit

² “Niibeada huda miyeasat bea Israeli, ak ea maygudu ghang'eat; sibwaay aba badayda ng'eanyiidaanyi, ak ea manda siida jea gagatkat.”

AMOSI 5:2 Mawu Ofanana

2 SUGOODIGA 15:29

Aba damanda sugoocheanduumeeda Beka sugoocheanda Israeli, hean ghwahidu Diglat-bileseri sugoocheanda Ashuru. Ak ghoang'waay mujiinajeega Iyoni ea Abel-bet-maaka, ea Yanoa, ea Gadeshi, ea Hasori, ea Gileyadi, ea Galilaya ea ng'eanyiisean bea Naftali. Ak goobaleak buuneeda ea ghwahita Ashuru.

2 SUGOODIGA 17:16

Nea geanung'waada digheanyeeka as damanamughuush bea NG'UTAMIIDA was ASEETA nyaawa, ak gwasissa geat sanaamajeega was muhoow iyeenya, ea Ashera, nea geabwat miinga sean bea humng'eeda, nea geegadiyeesa Baali.

ISAYA 14:21

Ootiing'diing'da heechea eenuuksa orjoagaaschi aba badayda ng'asheega munyas bea ghweaniga nyaawa, gajiidu ghapka ak goombal ng'eanyiida, ak ghwanyiit mujiinajeega badayda ng'eanyiida.”

ISAYA 24:20

Ng'eanyiida gwateemban gawuurji leeyeanda, ak ghwaleakghleakgh gawuurji ghabearanga, ak ea niibuur sareenda riing'eagaaschi, ak gayghoabeada ak ea maygut ghang'eat.

ISAYA 3:8

Aba gideaba Yerusalemu sinyarja, ak Yuda ea niibeada; aba gideaba ng'ushapta nyaawa ea sinaweega nyaawa maweapchi sea NG'UTAMIIDA, nea manung' ghoah gil giigheambiitaanyi aba madeadaanyi.

ISAYA 37:22

nih ng'asheanda baloola NG'UTAMIIDA gil aba badayda sugoocheandida: ‘Mujiineeda Sayuni ea Yerusalemu gafoolnyi– nea goong'eaweey, mujiineeda miy bea Yerusalemu– goodiindiil uhuuda nea gamachiidaneey.’

ISAYA 43:17

ghaabwarji lugooda mideawa uurda, lugooda mideawa mutukwajeega ea faraasajeega ng'ucheeda; ea shirikarajeega, ea fuga daruusi bea ng'ucheeda, ghaanung' goobeedeaysa ng'eanyi, ak ea maygudu gabiikta ghang'eatng'eat, ak geanuusti beasta gheaboong'nyeanda.

YEREMIYA 14:17

“Ak gayrukusiina saawa ng'asheanji: ‘Gagasa ghoareamna gheanyangeasu dabeaka askweari ea eawa, nea adiidu gwajeama, aba gideaba fugeasu aabwariinyi ninyas deaneaduutka hees ninyas bayiiga hees.

YEREMIYA 18:13

“Hean gwayi NG'UTAMIIDA: Abwaarda aba bugusta eemoojiga, ghwang'wa ea niyiiy ng'eaha ng'asheanda uurji nih? Huda miyeasat bea Israeli nisin ng'asheanda muy.

YEREMIYA 2:27

fuga eeniisa geeta ang'iing'i ‘guwoosi bwaabwa,’ ea lagheaneeda ‘guwoosi iya.’ Aba gideaba ninung'usean heeda, nea mabiiksean aniini. Ak aba damanda sawanaduutka nyaawa gwayi, ‘Ng'eada lealneasa!’

YEREMIYA 31:4

Gaydadeasnyi gicha, ak gajeadeasnyi, Ea huda miyeasat bea Israeli, ak gajuna jeeda deangheeda nyaawa aba hooseaneega.

YEREMIYA 4:20

Hashooda Iinyo ghang'ata hashooda, ng'eanyiida sean nidatasa maheemajeegeasu sinyarjeawi aba gheadi nuwaas, eara weageakeasu aba gheadi nuwaas.

YEREMIYA 50:32

Siida ghwarjeeda gajeeruusa ak ghoabeada, ak ea manda siida jea gagatkat, ak aniini gaydanung' ghwayeat beasta aba jeeda mujiinajeagaaschi, ak gayghwalas uhuuda haleanjeeda sean neaweesa niny.

YEREMIYA 51:64

nea giyeeni, ‘Nih gichea ghwaakta Babeli eenda gil, ak ea maygudu gabiikta gwascheeng'u, aba badayda ng'asheega munyas jea deadu badaydaanyi’.” Ng'asheega Yeremiya gaweay ea ghwahita hiji.

YEREMIYA 8:4

“Gajeeshina saawa, Gwayi NG'UTAMIIDA: Siida iyabeada, inyeesa ea mabiikta ghang'eati? Aba iiroat, inyeesa ea mabiikna?

YEREMIYA 9:21

Nea ea nihidu miyeeda gah nea gwasigu seawuutka, ak ghoaptu jeesinga gealgaasa, ak gahuuyda diibiga aba jeeda naweadinga ea gheareemanga aba jeeda moohajeega.

YEREMIYA 9:9

Gwayi NG'UTAMIIDA ghamneawa gajea meargweaksiini fiisu aba badaydeaba ng'asheesu? ak nea gajea maawaldani aba badayda eemeeda uurji suh?

HEAREEGA 2:13

Ghamneawa gaydayeeshiineeyiin, ak gaydagalaneey naaha, Ea huda Yerusalemu? Ak gaydanung' uurjeewana naaha ak geageandeawaneey salgheang'da, Ea huda miyeasat bea Sayuni? Aba gideaba nyariidaang'u gwadeena basooda; gayghoamu ng'eaha gooduuneey?

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

HOSEYA 6:2

Iing'ata eawooji iyeenya gaygagooneasa eaweega gicha; eaweeteaba samwagu gaygagatkadeasa, ak gajeepiidana madeadaanyi.

AMOSI 8:14

Ea giika ak habeawooda Ashimayda Samariya, nea geeyi, ‘Aba gidabiideata ASEATAANG'U, Ea Dani,’ ea ‘gidabiideata naweeda Beer-sheba,’ gaygoobeedeay, ak ea maygudu gabiikta gicha ghang'eatng'eat.”

AMOSI 9:11

“Ak eaweedida gaydasin gicha heeda giibinda Dawdi ghayi abeada ak geadukuti seawuutka ghayi nyara, nea geagatkachi gealga nyaawa nyara, ak geabiikti dadeas ea gabiiksiinda heeda gidaghayi bea mwadi;