AMOSI 4:7 - Bibliyeeda Ghaydit

⁷ “Ak ghabwada nih naadealaneegwa roopta hean nea gudughwashoada sheeh samwagu aba lajita booga; gaydanung' gwaroobassa roopta mujiineanagi, ak ghaanung' ea maroobasiina roopta mujiineeda niirja; ghwanyas hijagi roopta, nea heeda mwanyasa roopta ghaghajaamiit;

AMOSI 4:7 Mawu Ofanana

RITEAYDA 10:22

Hean ghamiinda Musa geatindaanyi nea googeal humng'eeda, ak gwardu misaneeda duu aba ng'eanyiisean bea Misri eawooji samwagu,

RITEAYDA 10:23

ak ea madeaha geat buuneeda, nea manda siida asiipteawa heeda mida eawooji samwagu, nea heeda mida fuga sean bea Israeli ea manda misaneeda.

RITEAYDA 8:22

Eaweedida gaydasach ng'eanyiida Gosheni, mida fugeasu, ak ea maygwanda ghasheang'anga hoowa; ak gaynala gideaba aniini geawooschi NG'UTAMIIDA aba badayda ng'eanyiida.

RITEAYDA 9:26

Geaghus ng'eanyiida Gosheni abiita fuga Israeli miighwaroabwan roopta lagheanga.

RITEAYDA 9:4

Ak NG'UTAMIIDA gaygooheeli dugwa fuga Israeli ea dugwa fuga Misri, ak dugwa fuga Israeli ea manda dea jea ghami.”’”

ISAYA 5:6

Ak gaydanung' ghoah raghwata; ak ea majeesuuy nea majeebarsa, ak gaygwardu ng'eamga ea halaghweenga; ak gaydayeesha shamooghuutka adiidu ghwaroabwan aba badayda ng'eanyiida.

YEREMIYA 14:22

Aba jeeda aseecheeka ng'uyeega bea eemoojiga, gwanda gea jea ghoamu gweadu roopta? Nea eara humng'eeda ghoamu ghwahiing'u shishiyda? Heapi ang'iing'i, Ea NG'UTAMIIDA ea muwoosi ASEETEANYA? Aseasa geedukuseeyi aba gideaba ang'iing'i gisinayi haleanjeeni seaniini.

YEREMIYA 14:3

Fugaaschi hees niijeakta fuga nyaawa nea gadiyeeda gwaramu beega, ghwahita heeda healadeeda ak ea mwanyasa beega, hean gabiigu nea gweana geadi moongoojiga; hean gaba baspaseega nea gwadukuta iheenga nyaawa.

YEREMIYA 14:4

Aba ghajeamnata ng'eanyiida aba nyoota roopta, hean ghang'ut baspaseega fuga bara ng'eanyi ak gwadukuta iheenga nyaawa.

YEREMIYA 3:3

Ghamneawa shiishiiyda siiteal nea eara roopta girjeanda ea miighoan; gindeawi gheanyanga hang'oonyi uurji gea gatmooda hiseada nea eara baspaseega ea mindeawani.

YOELI 2:23

“Asi ahoosana, ea orjooga Sayuni, ak goohoosanyi aba badayda NG'UTAMIIDA was ASEETEANG'WA; aba gideaba niny iissa gagooneegwa roopta muweeda, aba damanda, ak iissa gwaroobassa roopta, roopta muweeda, ea roopta simanga gawuurji gidaghayi bea mwadi.

SAKARIYA 14:17

Ak giliwas sih aba badayda ng'eanyiida, iimwascheang'da gawa Yerusalemu ghabwat sugoocheanda, was NG'UTAMIIDA bea lugweega, abeeda ea mayghwanyas roopta aba ng'eang'da nyaawa.

Yohaana 4:35

Neada ea mooyeeni agooga, ‘Ghwashoada sheeh ang'wan ak ghwahit, ak gay ghwahidu damanda lajita booga’? Ak geayeeshiineegwa aniini, oang'weerda ak ghoadaayi beadooda madameega nigeawiit gaweeriidi aba lajita.

1 Goriinto 4:7

Ghwadaa ng'eaha gida wasean sajaadawaat aba jeedeang'wa? Ak goondeawi naaha ghayi moanyasi? Ama ghayi oanyaschi, ghwasaan inyas ghoaghwarji geat ea gawuurji gili meegooneegwa?

GIIPKEATA DIIGHEANDA 11:17

ak gayghwahidu nyarasta NG'UTAMIIDA, ak gaygwaduk humng'eeda, ea maroabwana, nea eara ng'eanyiida ea maygooruudu haghweega, ak gajameewa aba lamajeanda aba jeeda ng'eanyiida miy gooneegwa NG'UTAMIIDA.

Yakkobo 5:17

Eliya niny siida gil mideawa searoojiga uurji sea gaasa, ak ghamwaash ASEETA muuchi ea maroabwana roopta, ak ea maroabwana roopta gweanyeew samwagu ea shealah.

Giidaheechta 11:6

Saawa gwandeawa uurda jea ghwarada humng'eeda, ak ea maroabwana damanda ramoarana, ak gwandeawa uurda aba badayda beega ak ghwayam ghoah foojeanda, ak ghwalas ng'eanyiida aba giliwas dawni, aba gidagasiida.