AMOSI 2:4 - Bibliyeeda Ghaydit

⁴ Asi gwayi NG'UTAMIIDA: “Fuga Yuda nisin riing'eeda gicha, ak aba sareani gaydalas saawa; aba gideaba geaheawa deaweedeeda NG'UTAMIIDA, nea meang'waanya diigheanyeekaaschi, ak ea ninung' ng'uyeega nyaawa ghwaramwas saawa, gidaghayi sin ghweaniga nyaawa.

AMOSI 2:4 Mawu Ofanana

2 SUGOODIGA 17:19

Ak eara fuga Yuda ea moang'waanya digheanyeeka atamanamughuush bea NG'UTAMIIDA was ASEETA nyaawa. Ak ghwaat geeshta searoojiga fuga Israeli ghayi sin saawa.

2 DAMANYOOJIGA 25:14

Iing'ata nea nibiigu Amasiya aba heeda bayiiga fuga Edomu, hean gweadu aseecheeka fuga Seyiri, ak ghamiinda ghoah aseecheekaaschi, ak ghabwat, nea ghoadaw haleanjeeda sisabwa geadi.

2 DAMANYOOJIGA 30:7

Adiidu goowuurjeewi ghweanigeagwa ea buweadeegeagwa; ghayi mandeawana masaweega aba heeda NG'UTAMIIDA was ASEETA ghweaniga nyaawa, ak ghoadayda ghoah fuga nibur iheenga, gawuurji gidoong'uliidi.

NEHEMIYA 1:7

Sisinyi ng'asheega munyas saang'a aba badaydaang'u, ak ea miyeeng'waanya digheanyeeka, ea deaweedeeda ghayi irukusi Musa was siidaang'u bea gadiyeeda.

NEHEMIYA 9:26

“Ak ea miigwasineey mureeda nea ghaheawaneey ak gwajaksa deaweedeadaang'u mureeda badahuuka nyaawa, nea ghabwar sibangaagu, ghayi rukwiisa saawa ng'asheega gabiigu saawa headaang'u, ak geesin ng'asheega hees munyas.

ISAYA 28:15

Aba gideaba gooyeenyi, “Sisinyi neajeeda sea miyeeda ak geeheeli sea gheeda maloonghajeega; ak gooyeenyi maygoobiseasa habitkweeda aba gideaba noanung' ghoah ng'uyeega gidoaghuschi, nea ghoanung' ghoah reengaweega igeamboodeang'wa”;

ISAYA 44:20

Ak giiteemshoadaanyi gweateay sea gil was deareedean. Siisi abeeda niroat mayghoamu ghaweat geaw nea gabwageaw ak gwayi, “Aba huumwa gili aang'oanyi geatindean reengaweega beachi gil.”

YEREMIYA 16:11

Ak gajeeshiina saawa: Gwayi NG'UTAMIIDA, ‘Aba gideaba ghweanigeagwa ghayi ghaheawanaan, ak ghwaat geeshanga aseecheeka suuk ak ghabwat nea gagadiiyeesa, hean ea nijaktaneani nea ea mudu ghoang'waay huumeanyeekeasu,

YEREMIYA 16:12

ak ghamneawa aba gideaba noosinyi gea naawa gea ghweanigeagwa, ng'ula aba gidoodeeneawi, gaba siisi duup giidiinyeandaanyi, nea ghaheawa gooleeysean iita;

YEREMIYA 17:27

Ama inyas ea mooleeysiinean iit, ak ea moakghaydiidi eaweeda sabaato, ama inyas ea moanung'waadani sareenda haleanjeeda ak goosikchi gidaghuudajeega Yerusalemu eaweeda sabaato, abeeda gaydang'uda beasta gidaghuudajeagaaschi ak gayghwaak gealga sean bea Yerusalemu nea maygamis.’”

YEREMIYA 6:19

Aleaydiit, Ea ng'eanyiida; ng'ula gaydeadu nyariida badaydeaba fiisu, ghoah haghweega sinaweega nyaawa, aba gideaba miigooleeysiita ng'asheegeasu; nea nijakta eara diigheanyeekeasu.

YEREMIYA 8:2

ak gajeetearsa madeeda aseeta ea sheeda ea madeeda lugweega humng'eeda, ghayi bwariiy nea gagadiiydooscheesa, ghayi wadiini heanyaawa, ak gwarukwiida ng'asheega nea gabada; ak ea majeamughuush nea majeebuy, gaygawuurji fiyeega dugwa aba badayda ng'eanyiida.

YEREMIYA 8:9

Fuga bareahi iheeni gajeapwaaspwaas, gajeanung' gagiisan ak geaghas; ng'ula niheawa ng'asheanda NG'UTAMIIDA, ak gwanda yeenu bareaynata iheenga nyaawa?

YEREMIYA 9:14

ak aba hang'ooynacheeka nyaawa ea niyaat geeshta gidanyah gurooruunatka nyaawa, ak hean ghwaat geeshta Baali gawuurji gida ghayi analda ghweaniga nyaawa.

ESEKIELI 13:22

Aba gideaba agooga noanung' ghwanyareas guroorooda siida doabiiwaat aba ng'uyeega. Nea aniini ea mii danung' ghang'ut gurmeahiida ak ghana goomajeekchi geatinga siida muy ak ea mwayamwa geaw nea mwanung'waada naweadingaaschi munyas ak ghoaghu eaweagaaschi.

ESEKIELI 20:13

Nea fuga Israeli ghaheawanaan aba dareapcheeda aba gideaba mwaang'waanya deaweedajeegeasu ak ghaheawa hamurajeegeasu. Nea siida ang'waay gayghwanyas eaweega nea sabaatohajeegeasu geang'uda ririnnyeanda muuchi. “Hean geayeenyi gaygoobisa nyarasteanyu badahuuka nyaawa aba dareapcheeda, ak ghaanung' goosha saawa.

ESEKIELI 20:16

Aba gideaba ghaheawa hamurajeegeasu, nea mwaang'waanya deaweedajeegeasu ak ghang'uda ririnnyeanda sabaatohajeegeasu, aba gideaba gurooruunatka nyaawa gagal heeda sanaamajeega nyaawa.

ESEKIELI 20:18

“Hean geayeeshi diibiga nyaawa aba dareapcheeda, ‘Adoayaachi geeshta deaweedajeega ghweanigeagwa nea adoang'waanyi hamurajeega nyaawa, nea adoang'udi geat ririnnyeanda sanaamajeega nyaawa.

ESEKIELI 20:24

Aba gideaba mii ghoang'waay hamurajeegeasu, nea geaheawa deaweedajeegeasu, ak geang'uda ririnnyeanda sabaatohajeegeasu, ak geabwat sanaamajeega ghweaniga nyaawa.

ESEKIELI 20:30

Asi eeshiina fuga Israeli gideaba, gwayi NG'UTAMIIDA was ASEETA, heapi? Ghoang'udi geat ririnnyeanda aba gideaba ghoayaachi naweeda ghweanigeagwa? Gooweayi asina hiseadayeanduumeeda aba gideaba ghoayaachi geeshta ng'asheega nyaawa munyasi?

ESEKIELI 22:28

Sibangaaschi ghafuy ng'asheega munyas, suh gawuurji siida yeasha roonghooda ghamarda nyaraat. Ak ghwadaah gidasiihhiimsa bea ng'uyyeega, nea gwaramoor ng'asheega ng'uyeega nea geeyi, ‘Gwayi NG'UTAMIIDA was ASEETA’, nea aniini ea mii dargu gil.

ESEKIELI 22:8

Ak ea nifooli haleanjeedeanyu ghaydidi nea ging'udi ririnnyeanda sabaatohajeegeasu.

HOSEYA 12:2

NG'UTAMIIDA gwandeawa giiheakteayda aba badayda Yuda, ak gayghwaaga ghoorjooda Yakobo nea gajeegala naweadingaaschi, ak gayghawal aba giteena ginisin.

HOSEYA 12:3

Aba jih ghoang'waay diding'da orjeeda ghaamwat, hean nea gwaheedu gang'aleali sea ASEETA.

HOSEYA 6:11

Ak eara ang'iing'i, Ea Yuda, sing'oorseey ghoorjooda. Damanda jea deadeelna gheamamda fugeasu.

AMOSI 1:3

Asi gwayi NG'UTAMIIDA: “Fuga Dameski nisin riing'eeda gicha, nea aba sareani gaydalas saawa. Nisma fuga Gileyadi ng'asheega munyas nea gwasawan.

AMOSI 3:2

“Fuga aanali agooga gil ak ghwahit aba jeeda buuneesean mida badayda ng'eanyiida; asi gaydaaganeagwa ghoorjooda aba giidiinyeanyeekeagwa sean.

MIKA 6:12

Aba gideaba meanang'oodigaagu gooreedi fih haleanjeeda; nea fugaagu bea ng'eanyiida gabaloola ng'uyyeega, nea ng'ushapta nyaawa gaba reengaweega aba ghuusiga nyaawa.

HABAKUKI 2:18

Sanaamu gwarachi naaha nea siida sin gang'oora, gida sisna gharinyeanda, was giinealshoocheanda ng'uyeega? Neada siida sin gayghwayiin gidida siniin damanda sina haleanjeeda mawoosa aseecheeka mabaloola!

Ruumi 1:25

Aba gideaba niyamuuji huumeanda ASEETA ghoah ng'uyeega, ak ghabwat gida sidamali nea gagadiiyeesa nea ghwanung'waada ASEETA sin haleanjeeda sean, siduumsheesa damanda manda muudeanooda! Amin.

1 Desaloniikke 4:8

Nea siida heawa ng'asheesu, ea mwaheawa siida ghaheawa ASEETA, gooneegwa agooga Gurooroadaanyi Ghaydit.

1 Betro 1:18

Agooga ghoanali gideaba leendeedeang'wa meawalda aba haleanjeeda ghayi oohearanyi aba ghweanigeagwa, nea mii aba haleanjeeda jea ghwadatasa gil uurji lapiya ghana dahaabu,

FUGA LAJA GIRGWEAGUUTKA 10:6

Gabiikta gicha fuga Israeli gwasin ramaseanda aba madeeda NG'UTAMIIDA, ak gagadiiyeesa Baali ea Ashtaroti ea aseecheeka Shaamu ea gea Sidoni, ea gea Moabu, ea gea fuga Amoni, ea gea Filisti, nea ghwanung'wa heeda NG'UTAMIIDA, nea ea mudu gagadiiyeesa niny.