AMOSI 1:9 - Bibliyeeda Ghaydit

⁹ Asi gwayi NG'UTAMIIDA: “Fuga Diro nisin riing'eeda gicha, ak aba sareani gaydalas saawa. Aba gideaba niidaw sean geatinga fuga Edomu, ak ea meapkaada neajeeda duupcheeda.

AMOSI 1:9 Mawu Ofanana

2 SAMWELI 5:11

Iimuchu goojeakta sugoocheanda siguura Hiramu bea ng'eanyiida Diro giijasoodiga gaweay heeda Dawdi, ak gweasa geediga was guboyeeka, ea fuga beara geediga ea fuga deekshachi jea ghwadeas gheeh Dawdi.

NYIIGHEEGA 83:7

Gebali ea Amoni ea Amaleki, ea Filisti sea fuga abiita Diro;

YEREMIYA 25:22

ea sugoodiga sean bea Diro, ea sugoodiga sean bea Sidoni, ea sugoodiga ghuuta basooda, mida giigheawda basooda;

YEREMIYA 47:4

aba badayda eaweeda jea ghwahidu ghwalas uhuuda fuga Filisti sean nea ghwasach giliwas sih weat Diro ea Sidoni ghayi abit. Aba gideaba NG'UTAMIIDA gayghwalas uhuuda fuga Filisti, was boosteanga mida ghuuta basooda aba Gaftori.

ESEKIELI 27:1

Hean goobaloolan ng'asheanda NG'UTAMIIDA nea gwayi.

ESEKIELI 27:27

Meanang'oocheanduumeadaang'u ea haleanjeadaang'u, fugaagu gadiydooschi aba jeeda beega, ea fugaagu manmani maleambooda, gearnoodigaagu bea maleambooda, ea fugaagu ageakshi, ea fugaagu sean bea ng'ucheeda, mida headaang'u ea lugoadaang'u sean mida headaang'u gayghoabeada aba jeeda basooda aba eaweeda silasa uhuudaang'u.

ESEKIELI 28:1

Hean goobaloolan ng'asheanda NG'UTAMIIDA gicha nea gwayi.

ESEKIELI 28:18

Aba seang'ayda ng'asheagaagu munyas, aba jeeda ng'asheega munyas bea giigeakshoadaang'u, ning'udi ririnnyeanda headaang'u ghaydit. Asi naanung' gwarina beasta jeadaang'u ak gwaduulneey ak ea naanung' huwa deareeda aba badayda ng'eanyiida, aba madeeda fuga sean ng'uleey.

AMOSI 1:11

Asi gwayi NG'UTAMIIDA: “Fuga Edomu nisin riing'eeda gicha, ak aba sareani gaydalas saawa. Aba gideaba ghwaat geeshta orjeeda ghaamwat aba ng'uta, nea gwajakta baydeayda sean, ak ghabwaashaada nyarastaanyi, ak ghwanyareas damanda manda muudeanooda.

AMOSI 1:6

Asi gwayi NG'UTAMIIDA: “Fuga Gasa nisin riing'eeda gicha, ak aba sareani ea gaydalas saawa; aba gideaba geasar fuga sean mida mang'aweanda ak geetayda saawa gaweay ghoah soomjooga aba Edomu.

OBADIYA 1:11

Aba eaweedida imiinaadawiin nea gisajaadi, aba eaweeda geandeawa weajoodiga haleanjeadaanyiin, nea gwasku rabasta dooshingaaschi ak gang'alealeesa Yerusalemu, ak eara ang'iing'i guwuurjeewi siyagi aba jeenyaawa.

SAKARIYA 9:1

Nih ng'asheanda NG'UTAMIIDA gil ghayi rugu aba badayda ng'eanyiida Hadaraki, ak gaygawa Dameski heeda jea gafuufa; aba gideaba gheang'da siida NG'UTAMIIDA gaba mujiinajeega Arama, ea eemoojiga sean bea Israeli;

Mattayo 11:21

“Ashageada geat Gurasini! Ashageada geat Betsayda! Aba gideaba ng'asheegiga ghayi deamdeameadi sisissa jeedeang'wean, inyeeda ghayi geesissa mujiineeda Diro ea Sidoni, gajea nigeawiit gwaduukuuna ng'asheega munyas ak ghwayeashta deareeda nea gookwa guniyajeega.

Mattayo 11:22

Asi geayeeshiineegwa, gajeawusus gideaba gayghamilikghta ghoorjooda nyaawa Diro ea Sidoni ea ghwalaabwaneegwa hoowa.

Lukka 10:13

“Shageada, Gurasini! Shageada, Betsayda! Aba gideaba deamdeamanga ghayi sisin aba heedeang'wa inyeeda ghayi geesin aba Diro ea Sidoni, gajea goola gwaduukuuna nea gookwa guniyajeega ak goobiitpiida deareeda.

Lukka 10:14

Nea abeeda gayghoamu ghamilikghta girgweaksiinda Diro ea Sidoni ea ghang'aleagwa.