AMOSI 1:5 - Bibliyeeda Ghaydit

⁵ Gaydanyarja ghuuta hilgweanda Dameski, ak ghaabwarji fuga bea ng'eanyiida leabu moangoachiyda Afeni, ea ninyeeda ambaliischi aba Bet-edeni; fuga Shaamu gaygamng'awsa ng'eanyiida Giri,” nih ginyah NG'UTAMIIDA gil.

AMOSI 1:5 Mawu Ofanana

2 SUGOODIGA 14:28

Asi ng'asheega sean bea Yeroboamu ghayi abit ea gea sin sean ea meaynataanyi ea gidang'ucheata. Ea gwanyaksa fuga Israeli Dameski ea Hamati, nea ghayi aba mwadi ea Yuda gil, heapi miyeeng'oorsa jeeda Gitaabooda Damanyoojiga bea sugoodiga Israeli?

2 SUGOODIGA 16:9

Hean gooleeysiit sugoocheanda Ashuru Ahasi ng'ata gwascheeng'sa sugoocheanda Ashuru Dameski ak ghwajoar, ak goobaleak fugaaschi bea ng'uta ea ghoahiita Giri ak gwanuus Resini.

ISAYA 22:6

Ak lugooda Elamu ea niing'waay ghuweang'da ea geatka, ak ghapka nea gwanda badayda faraasajeega ea mutukwajeega ng'ucheeda, nea lugooda Giri goodiing'diing'da igeambooniga nyaawa.

ISAYA 43:14

Gwayi NG'UTAMIIDA, was lealnoocheandeang'wa, was dea Asagi Ghaydit bea Israeli: “Gaydeajeakta lugooda gaweay Babeli aba badaydeang'wa ak gaydanyarja gidaghuudajeega sean bea mujiini, ak gayghwayamwa hooseaneega fuga Galdayo ghoah gutuunooda heareega.

ISAYA 8:4

aba gideaba damanda miighoamuusa jeebi baloolda, nea gwayi ‘Bwaabwa’ ghana ‘Iya’, abeeda meanang'oocheanduumeeda Dameski ea fuga ng'uta bea Samariya gajeayaat madeeda sugoocheanda Ashuru.”

YEREMIYA 50:36

Ng'uta gwanda badahuuka fuga bara lagheanga, ak abeeda gwadasheahiidi! Ng'uta gwanda badahuuka fugaaschi bea ng'ucheeda, ak abeeda gealas uhuuda!

YEREMIYA 51:30

Gheareemanga ng'ucheeda bea Babeli ninung'waada ng'ucheeda, niibiitbiit aba heeda abiita; ak ea niisheala uurjeenga, ak ea niwuurji gadeemga; nea heeda abiita ea niyaak beasta, ak ea nigiishachi gidaghuudajeagaaschi bea gharinga.

HEAREEGA 2:9

Dooshingaaschi niibita jeeda sigeeda; ak ea ninyarja nea gwahirjeaweada darearjeagaaschi; sugoocheandaanyi ea fugaaschi hees gwanda bugusta eemoojiga; ea mudugwanda deaweeda, ak sibangaaschi ea manda gisiihiimsa aba heeda NG'UTAMIIDA.

ESEKIELI 27:23

Harani, ea Gane, ea Adini googeakshi sea Sheba, nea Ashuru ea Gilmadi, abeeda googeakshi aba headaang'u.

ESEKIELI 30:17

Gheareemanga Oni ea gea Bi-beseti, gajeabwar aba ng'uta, nea fugeaba ng'eanyiita gajeayaat gaweay soomjeandumeeda.

HOSEYA 10:8

Aba heeda wagiida bea Bet-afeni, riing'eeda Israeli gajeehuuyda. Nea gaygwarina halaghweenga ea ng'eamga heeda nyaawa bea wagiida; ak gaygwayeesha giijeega, ookwealeasa, ea heayeeniga, oopeedeayseasa.

AMOSI 5:5

ak ea adoogaseadayi Beteli, nea adooweayi jeeda Gilgali ghana asajaada ak gooweayi Beer-sheba: aba gideaba Gilgali gaygawa soomjeandumeeda, nea Beteli gayghwayamwa ghoah gidamwadaagha.”

AMOSI 9:7

“Agooga moowuurjeewani fuga Gushi aba heedeanyu, Ea fuga Israeli?” nih ginyah NG'UTAMIIDA gil. “Heapi ghayi meascheeng'ni fuga Israeli aba ng'eanyiida Misri, ea fuga Filisti aba ng'eanyiida Gaftori ea fuga Shaamu aba ng'eanyiida Giri?

NAHUMU 3:13

Ng'ula, lugoadaang'u niwuurji gadeemga. Dooshinga ng'eanyiidaang'u ghoabwara ghuusi aba heeda weajoodigaagu; ak ea niyaak beasta gidaghuudajeegeagwa.