2 SAMWELI 9:7 - Bibliyeeda Ghaydit

⁷ Hean gwayeesha Dawdi niny, “Adibeali, aba gideaba gaydaahiimneey inyeanda jeeda aba badayda gweanu was Yonatan, ak gaydeadeelneey ng'eanyiisean ghayi bea Sawliheeda was gweanu; ak gajagiisacheena aba measeedeanyu galeaga sean.”

2 SAMWELI 9:7 Mawu Ofanana

GIING'EETA 43:18

Hean siyaat buuneeda jeeda gheeh Yosefu ghabeal nea gwayi, “Nih gwadeepa ea ng'asheega lapiyeeda siyiin jeesinga mushoodakaasa damanda ghayi bea madeeda, ak ghoah gisiyeaseasa jeeda gheeda, ak abeeda gang'adeeseasa ak ghabwareasa, ak ghwanung' eahuuwa giing'oonyanga ak ghoang'waay digeenigaasa.”

GIING'EETA 43:23

Ghwasha nea gwayeesha, “Adoabeali, adaghang'udeagwa muuwda; gwadeepa ghwayiin ASEETEANG'WA ea ASEETA ghweandeang'wa ghwayiin lapiya jeesinga mushoodakeagwa, lapiyeedeang'wa naanyaschi.” Ak gooruudu Simeoni jarooda heanyaawa.

2 SAMWELI 12:8

ak geagoonyeey gheeda siidaang'u haw, nea gadeemga siidaang'u haw ghayiinyi daghataang'u, ak gagoonyi gheeh Israeli ea gheeh Yuda; nea suh iideepa ea ng'ay, gwachi gaydeaheaneey gea saang'a naawda.

2 SAMWELI 19:28

Aba gideaba fuga ghaheanya sean gawuurji fuga meewa aba madeeda ng'utamiideanyu was sugoocheanda; amadu giyiin siidaang'u bea gadiyeeda jeeda fuga agiischi aba badayda measeadaang'u. Abeeda ghwadoabiiwiini aba heedeanyu, jea ghwanung' deayeawusa sugoocheanda?”

2 SAMWELI 19:29

Ng'ata ghwalamda sugoocheanda ak gwayeesha niny, “Ghwasaan inyas gudu rukuni ng'asheega badaydaang'u? Gaydasin aniini: ang'iing'i ea Siba gajalacha ng'eanyiida.”

2 SAMWELI 19:33

Hean ghwalamda sugoocheanda ak gwayeesha Barsilayi, “Beeni eakghaawa sea aniini, ak gaydaarearnyi aba Yerusalemu.”

2 SAMWELI 21:7

Ak ghoaghu sugoocheanda Mefibosheti orjeeda Yonatan was orjeeda Sawli, aba habeawooda NG'UTAMIIDA mida dageascheeda nyaawa, dageascheeda Dawdi ea dea Yonatan orjeeda Sawli.

2 SAMWELI 9:1

Hean gwayi Dawdi, “Gudugwanda siida abit aba jeeda gheeh Sawli, jea deahiimsa alooheeda leabu heeda Yonatan?”

2 SAMWELI 9:10

Nea ang'iing'i sea orjoagaaschi sea fugaaschi bea gadiyeeda gaygabarsa ng'eanyi niny, ak gaygweadu booga nyas, ak abeeda ghwanyas orjeeda siidaang'u haw mukaateeyda jea ghwaak; nea Mefibosheti was orjeeda siidaang'u haw gaygweagiischeewa galeaga sean badayda measeedeanyu.” Abeeda Siba gwandeawa orju damanamuut ea fih diktam bea gadiyeeda.

2 SAMWELI 9:11

Ng'ata gwayeesha Siba sugoocheanda, “Aba iita ng'asheega sean ghayi rukusa ng'utamiideanyu was sugoocheanda siidaanyi bea gadiyeeda, gaygwasin siidaang'u bea gadiyeeda.” Ak gweagiischeewa Mefibosheti aba uhuuda measeeda Dawdi, nea gawuurji orjeanagi aba jeeda orjooga sugoocheanda.

2 SAMWELI 9:13

Ak goobiida Mefibosheti Yerusalemu; aba gideaba gweagiisacheewa galeaga sean uhuuda measeeda sugoocheanda. Ak gaba badeeda aba geeshanga sean.

2 SAMWELI 9:3

Gwayeesha sugoocheanda, “Manda eara siyagi bea gheeh Saulihi, jea deahiimsa niny inyeanda jeeda ghayi earukusi ASEETA gideaba gaydasin?” Hean gwayeesha Siba sugoocheanda, “Gwanda orjeeda Yonatan; nea gaba geeshta badeeda.”

1 SUGOODIGA 2:7

Ak gisisi ng'asheega doabiiw orjooga Barsilayi bea eemeeda Gileyadi, nung' gaba jeeda fuga agiisachi aba badayda measeadaang'u; aba doobiiwnata simanean damanda eamng'awi Absalomu was orjeeda geamadu.

2 SUGOODIGA 25:29

Hean iidu Yehoyakini ghafwakta hang'weakiga bea ghealoonigean. Nea gweagiisachi galeagasean aba gheeh sugoocheanda.

NYIIGHEEGA 41:9

Eara siideanyu eaduupcheewi muuchi was dea aaghuschi, was dea eambuutooscheewi, niyamsean geaw aba heedeanyu ak ghabwaran.

YEREMIYA 52:33

Ng'ata ghafwakta Yehoyakini hang'weaka ghealooniga. Ak giliwas askwearja aba jeeda eaweagaaschi iissa gweagiischi galeaga sean aba measeeda sugoocheanda.

SAKARIYA 7:9

“Gwayi NG'UTAMIIDA bea lugweega, Asina girgweageeda huumwa, ak ea daba siisi samsa nea ghabwayda orjeeda ghaamwat;

Mattayo 6:11

Gooneasa Askweareani daghwardeanya;

Lukka 22:30

Ak gajayeagiischeena nea gooleeshi aba jeeda sugoocheanduumeedeanyu, nea goopiitpiidi hoorgajeega sugoodiga ak goorgweaksi dooshin damaniyeenya bea Israeli.

Giidaheechta 3:20

Ng'ula, ghaamiinaadi aba gidaghuuta nea geagulguli; siida jea ghwayiiy ghuuteanyu ak ghwajaat gidaghuuta gaydoan headaanyi ak geambuucheewi, nea eara niny goombuucheewean.

1 SAMWELI 12:24

Oawala NG'UTAMIIDA nea gabwageaw, ak gigadiyeesi muuchi aba gurooroadaang'u sean; nea giipkaadi ng'asheega hees nisineey.

1 SAMWELI 20:15

ak ea adigeandi bariinyeagaagu aba gheenyu damanda manda muudeanooda. Aba damanda jea gooheeleewa NG'UTAMIIDA giliwas sih was weajoodiga Dawdi aba badayda ng'eanyiida,

1 SAMWELI 22:23

Asi apteada eendeayeena, adibeali; aba gideaba siida gasa eaweegeasu gagasa eaweagaagu; iisindeayi gaybeaha seayu.”