2 SAMWELI 9:11 - Bibliyeeda Ghaydit

¹¹ Ng'ata gwayeesha Siba sugoocheanda, “Aba iita ng'asheega sean ghayi rukusa ng'utamiideanyu was sugoocheanda siidaanyi bea gadiyeeda, gaygwasin siidaang'u bea gadiyeeda.” Ak gweagiischeewa Mefibosheti aba uhuuda measeeda Dawdi, nea gawuurji orjeanagi aba jeeda orjooga sugoocheanda.

2 SAMWELI 9:11 Mawu Ofanana

2 SAMWELI 15:15

Gwayeesha fuga gadiyeeda sugoocheanda aba girukusa sugoocheanda, “Ng'ula, fugaagu bea gadiyeeda ea hidaat aba sinooda gida wassean gasa ng'utamiideanyu was sugoocheanda.”

2 SAMWELI 19:17

nea goodeana fih sagalama bea eemeeda Benjamini. Ak ghwahidu eara Siba was siida gadiyeeda fuga gheeh Sawli, nea gwandeawa orju damanamuut ikaaschi sea fugaaschi bea gadiyeeda diktam, ak gwasalda gaweay Yordani goosheedeawa sugoocheanda,

2 SAMWELI 19:24

Muchu ghwahidu Mefibosheti was orjeeda Sawli gwaroonyi sugoocheanda; nea miigoohuun geeshangaaschi, nea mii ghwareakghu deamuukaaschi, ghana goohuun hang'weakaaschi, ghang'eada damanda ghayi beawa sugoocheanda ea ghwahita eaweeda biikna sugoocheanda nea gaba seayu.

2 SAMWELI 19:26

Ghwasha nea gwayeesha, “Ng'utamiideanyu, Ea sugoocheanda, gwareenganean siideanyu bea gadiyeeda; aba gideaba gwayeesha siidaang'u bea gadiyeeda niny, ‘Gooynean digeeda, ak geading'di ak geeteayi sea sugoocheanda.’ Aba gideaba siidaang'u bea gadiyeeda gaba bada.

2 SAMWELI 9:10

Nea ang'iing'i sea orjoagaaschi sea fugaaschi bea gadiyeeda gaygabarsa ng'eanyi niny, ak gaygweadu booga nyas, ak abeeda ghwanyas orjeeda siidaang'u haw mukaateeyda jea ghwaak; nea Mefibosheti was orjeeda siidaang'u haw gaygweagiischeewa galeaga sean badayda measeedeanyu.” Abeeda Siba gwandeawa orju damanamuut ea fih diktam bea gadiyeeda.

2 SAMWELI 9:12

Abeeda Mefibosheti gwandeawa gheareemaneeda siguura gheawungaaschi Mika. Ak buuneesean mida gheeh Siba ghoah fuga gadiyeeda Mefibosheti.

2 SAMWELI 9:13

Ak goobiida Mefibosheti Yerusalemu; aba gideaba gweagiisacheewa galeaga sean uhuuda measeeda sugoocheanda. Ak gaba badeeda aba geeshanga sean.