2 SAMWELI 8:2 - Bibliyeeda Ghaydit

² Ak ghwajoar Moabu, ak goodeena saawa ghealooda nea nibwada jeesinga ng'eanyi, ak goodeen ghealooni iyeenya jea ghwanung' gameewa, ea ghealoanagi mughuush jea eapuut.

2 SAMWELI 8:2 Mawu Ofanana

2 SAMWELI 12:31

Ama ng'ata gweadu fuga mida jeeda, ak ghwanung' gwasin gadiyeeda beasheadayda geediga aba musumeeno ea mageemboojiga gharinga ea joomajeega gharinga, ak ghwanung' gwasin gadiyeeda hang'waay bea duwayda matafwaari, ak gwasunu eara aba mujiinajeega suurja bea fuga Amoni. Muchu gabiigu Dawdi sea buuneesean Yerusalemu.

2 SAMWELI 8:6

Ak ghwayiin Dawdi heeda jea eeratiisa buuneeda Shamooda Dameski; ak ghoah fuga Shaamu fuga gadiyeeda Dawdi nea gweadu haleanjeeda guskuseega. Ak ghoadaw NG'UTAMIIDA Dawdi jooriischooda aba hiji weah sean.

1 SUGOODIGA 4:21

Sulemani ghoahaaghwa ng'eanyoojiga sean ng'eada Furati ea ghwahita ng'eanyiida Filisti ea ghwahita moonghooda ng'eanyiida Misri; hean gweatu gwaadi nea gagadiiyeesa Sulemani eawoojiga sean bea eaweagaaschi.

2 SUGOODIGA 1:1

Iidu nea ghami sugoocheanda was Ahabu. Hean ghaheawa fuga Moabu goombal saawa fuga Israeli.

2 SUGOODIGA 17:3

Iidu gwascheeng'u Shalmanesa was sugoocheanda Ashuru ghwahidu ng'ucheeda. Ak ghwanung' ghoah Hosheya siidaanyi bea gadiyeeda, nea goodayiida gwaadi gilakweayda.

1 DAMANYOOJIGA 18:2

Ak ghwajoar Moabu, ak ghoah fuga Moabu fuga gadiyeeda Dawdi nea gweadu gwaadi.

2 DAMANYOOJIGA 26:8

Ng'ata ghoadaw fuga Amoni gwaadi heeda Usiya, hean gageawiit iitaanyi ea ghwahita moonghajeega ng'eanyiida Misri, aba gideaba ninyas uurda.

NYIIGHEEGA 108:9

Moabu gweeriideanyu eahuuniidi; gaydajaksa geeweedeanyu badayda Edomu; ak gealaksi Filisti giijuureanda jooriischooda.”

NYIIGHEEGA 18:45

Ak eara rabasta gabur iheenga nyaawa, ak gwariteawa jeesinga ghoorajeega nyaawa nea ghaboadanaada.

NYIIGHEEGA 60:10

Ea ASEETA, neada ea mii ang'iing'i dea histaneasa? Ea ASEETA, ak ang'iing'i ea mudu adeaydooscheewana lugoodeanya.

NYIIGHEEGA 60:8

Moabu gweeriida eahuuniidi; ea Edomu gaydajaksa geeweedeanyu; ak gaydeajuura jooriischooda aba badayda Filisti.”

NYIIGHEEGA 83:6

maheemajeega Edomu ea gea Shumwaheeli, ea Moabu ea gea eemeeda Hagari,

ISAYA 36:16

Adooleeysiit Hesekiya, aba gideaba gwayi sugoocheanda Ashuru, “Abeaha hoyyoo aba heedeanyu, ak goomang'awu apkaana heedeanyu. Abeeda gaygaba siisi ak haghweega sabiiboadaanyi ea haghweega meaghayeandaanyi, nea gaba siisi leah beega healadeadaanyi.

IITOODA 24:17

Geang'ulayi niny, ak ea mii ghamneawa; geang'ulayi niny, ak ea mii neeki, gaygwarina miing'weanda jeeda Yakobo, nea bileangida gheambalmeeda gaygwarina Israeli; ak gaygwahirjeaweada gujaka Moabu, ak gwahirjeaweada orjooga sean bea Seti.

1 SAMWELI 10:27

Iidu gwayi fuga marachi gil, “Gayghoamuustaan siisi gwalealneasa?” Ak geefool niny, ak ea meatawa gil.

1 SAMWELI 14:47

Iimuchu nea niing'waay Sawli sugoocheanduumeeda ng'eanyiida Israeli, gang'uchi sea weajoodigaaschi sean aba meadajeega sean, ak gang'uchi fuga Moabu, ak gang'uchi fuga Amoni, ea fuga Edomu, ak gang'uchi sugoodiga Soba, ea fuga Filisti; nea heeda ng'ucheesa sean gwajooriischi.

1 SAMWELI 22:3

Ng'ata ghabeawa Dawdi hoowa ak gawa Mispayda Moabu; ak gwayeesha sugoocheanda Moabu, “Geamuscheey goobiida bwaabwa ea iyya headaang'u, bwak ea danal gida jea gwasinnean ASEETA.”

1 SAMWELI 22:4

Ak gwanung'usiinyi saawa sea sugoocheanda Moabu, ak gwandeayi sea niny damanda sean mideewa jeeda gwaleeda.