2 SAMWELI 7:8 - Bibliyeeda Ghaydit

⁸ Asi ghamneawa eeshiina siideanyu bea gadiyeeda was Dawdi, ‘Asi gwayi NG'UTAMIIDA bea lugweega, geajeananeey jeeda ghooriida gisilga, ak gihuuwi sugoocheanda jea ghoahaaghwa fugeasu bea Israeli;

2 SAMWELI 7:8 Mawu Ofanana

2 SAMWELI 12:7

Gwayeesha Natani Dawdi, “Siida ang'iing'i. Asi gwarugu NG'UTAMIIDA, was ASEETA Israeli, ‘Aniini ghaamwaarjeey huwa sugoocheanda jea goombal Israeli, ak ghaaghuuhaneey geatinga Sawli;

2 SAMWELI 14:13

Gwayeesha gatmooda, “Ghwasaan inyas gibadayi sinoodeaba ng'asheanji aba badahuuka fuga ASEETA? Aba gideaba aba sinoodeaba ng'asheanji gawuurji gili nisin sugoocheanda gidamuy, aba gideaba nih goodeelu sugoocheanda orjeedaanyi gabiikna mang'awanda ghwaan ghoah gicha.

2 SAMWELI 23:1

Asi suh ng'asheega Dawdi huuydean: Ng'asheega rugu Dawdi was orjeeda Yese, ng'asheega siida ghayi sinung' ghang'eat gwaheedu, was siida simwaar bea ASEETA Yakobo, ng'ada duumjeenga miyaasiin bea Israeli:

2 SAMWELI 24:17

Hean goobalool Dawdi NG'UTAMIIDA iidaah malaykajeanda bwar buuneeda, ak gwayeesha, “Uuw, aniini neasinyi riing'eeda, ak ea neasinyi gidamuy; nea gisilsu, neada saawa ea nisin naaha? Geamuscheey iina geatindaang'u badaydeanyu ea badayda fuga ghaheanya.”

2 SAMWELI 5:2

Ghayi aba damwan, nea Sawli ea sugoocheanda ahaaghwaneasa gil, ang'iing'i gil dea aruudu fuga Israeli ak ghwanung' ghapka ghoah; ak gwayeeshiineey NG'UTAMIIDA, ‘Gayhuuwa sugoocheanda Israeli.’”

2 SAMWELI 6:21

Hean ghwalamda Dawdi ak gwayeesha Mikali, “Aniini ghaang'waschi nea geasisi NG'UTAMIIDA mureeda, was dea loadan aba hoorgeeda ghweandaang'u ea fugeaba gheanyi sean, ak ghwaloadan doaw sugoocheanda jea ghoahaaghwa Israeli, was fuga NG'UTAMIIDA, ak gaydahoosan aba madeeda NG'UTAMIIDA.

1 SUGOODIGA 3:6

Ak gwayeesha Sulemani, “Ang'iing'i niihiimsi bariinyeega huumwa Dawdeeda was siidaang'u bea gadiyeeda was bwaabwa, aba gideaba ghabeawa madeadaang'u aba doobiiwnata ea weamnata, aba doobiiwnata guroorooda ahiimneey; ak ea niing'ooysi niny bariinyeesu bea huumwaan, nea ea ninyaksi orjeeda jea goopteadawa hoorgeadaanyi gawuurji ghamneawa.

1 SUGOODIGA 8:16

‘Gidang'eada eaweeda ghayi earuuni fugeasu bea Israeli aba ng'eanyiida Misri, manda mujiineeda aaghwali aba jeeda eemoojiga sean bea fuga Israeli jea dadeeksa gheeda, goobiida gheawungeasu hoowa; hean ghaaloachi Dawdi ghoah siichea ghoahaaghwa fugeasu bea Israeli.’

1 DAMANYOOJIGA 17:7

Asi ghamneawa eeshiina siideanyu bea gadiyeeda was Dawdi, ‘Asi gwayi NG'UTAMIIDA bea lugweega, aniini geayeananeey haghweeda nea giihaaghwi gisilga, ak gaydanung' huwa siida haw jea goombal fugeasu was Israeli;

1 DAMANYOOJIGA 21:17

Ghwalamda Dawdi ak gwayeesha ASEETA, “Neada ea mii aniini siida nung' eeyiida buuneeda? Aniini gil siida sin riing'eeda ak gwasin ng'asheega munyas. Duuku gisilsu, neada ea nisin naaha? Geamuscheey nung' ghwaan geatindaang'u badaydeanyu Ea NG'UTAMIIDA was ASEETEANYU, ea badayda fuga ghaheanya; ak ea adinung' ghwaan dawni badahuuka fugaagu.”

AMOSI 7:15

ak gaguurnean NG'UTAMIIDA aba geeshta hawanda nooga, ak gwayeeshiinean NG'UTAMIIDA, ‘Una, ramoorasiina fugeasu was Israeli.’

Gadiyeeda Giijasoodiga 7:46

ghayi nyas alooheeda aba madeeda ASEETA ak gamus beata gawa gagasa heechea goobiida ASEETA Yakobo.

1 SAMWELI 10:1

Ng'ata gageanu Samweli gideeshteayda nagheeda ak goodalealsa uhuuda Sawli, ak ghwasam gheata nea gwayeesha, “Neada ea mii ghoamwaarnyi NG'UTAMIIDA huwa sugoocheanda jea goombal fugaaschi was Israeli? Ak gajambala fuga NG'UTAMIIDA ak gaylealni aba geatinga weajoodiga nyaawa neaweesa. Ak gili gayghoah gwadeagooda aba headaang'u gideaba nimwaarnyi NG'UTAMIIDA huwa sugoocheanda jea ghoahaaghwa fugaaschi.

1 SAMWELI 2:8

Iissa goodiing'u fuga barbari ghang'eatng'eada jeeda birjeanda; ak gagatkat fuga gasa haleanjeeda aba raghwata deareeda, ak ghwanung' gwandeayi sea sugoodiga hees nea gwahearan hoorgeeda ghaambiidaat. Aba gideaba daranajeega ng'eanyiida gaba NG'UTAMIIDA, nea iheenga nyaawa ea niyiin ng'eanyiida.

1 SAMWELI 9:16

“Numuji damanda uurji nih gaydeajeagu siida jea gwaleabu ng'eanyiida Benjamini, ak gajamwaara niny ghoah siida haw jea goombal fugeasu was Israeli. Gayghaweat fugeasu aba geatinda fuga Filisti; aba gideaba naadaayi sawanadeeda buuneedeanyu, aba gideaba nihidu shooka nyaawa heedeanyu.”