2 SAMWELI 7:7 - Bibliyeeda Ghaydit

⁷ Nea aba ng'eanyoojiga sean ea neayeewi sea buuneesean bea Israeli, neada ea nearukusi siida ng'asheanda aba jeeda fuga wassean laja girgweageeda bea Israeli, was dea earukusi haghweadoodigeasu bea gisilga was fugeasu bea Israeli, nea geayeeshi, “Ghwasaan inyas ea mideeknean gheeda gubooyeeka?”’

2 SAMWELI 7:7 Mawu Ofanana

2 SAMWELI 5:2

Ghayi aba damwan, nea Sawli ea sugoocheanda ahaaghwaneasa gil, ang'iing'i gil dea aruudu fuga Israeli ak ghwanung' ghapka ghoah; ak gwayeeshiineey NG'UTAMIIDA, ‘Gayhuuwa sugoocheanda Israeli.’”

1 DAMANYOOJIGA 11:2

Ak ghayi damanda waseewa Sawli sugoocheanda, guwoosi siida aruudu ak gweadu fuga Israeli; ak gwayeeshiineey NG'UTAMIIDA was ASEATAANG'U, ‘Gayhuwa jeagiischoocheanda fugeasu was Israeli, ak gayhuuwa sugoocheanda fugeasu was Israeli’.”

1 DAMANYOOJIGA 17:6

Nea aba heeda wassean aamwanyi sea Israeleesean, neada ea neargu ng'asheanda sea siida wassean laja girgweaguutka bea Israeli, ak gearukusi fuga arear buuneedeanyu, nea geeyeeshi, “Ghwasaan inyas mii adeeknean gheeda sideasa gubooyeeka?”’

ISAYA 40:11

Ak gayghoahaaghwa hawandaanyi gawuurji haghweadoocheanda, ak gayghabwat geat dayeega gisilga aba geatingaaschi, ak ghwasar aba daghataanyi, nea gea mideawa dayeega reer gayghoawaas nea goojiileesa.

ISAYA 66:1

Gwayi NG'UTAMIIDA: “Humng'eeda hoorgeedeanyu bea gheambalmeeda gil, nea ng'eanyiida ea hoorgeeda jea dayiin geeshangeasu gil; gajadeeknean gheeda uurjiin? Ak heechea dafuufa ea eenu gil?

YEREMIYA 23:4

Ak gaydagasa jeagiischoodiga jea ghoahaaghwa saawa, ak maygudu gwanda muuwda ghana giiseaneega nea ea maygwanda dea jea ghwaroat, gwarugu NG'UTAMIIDA.

YEREMIYA 3:15

“‘Ak gaydagoonyi jeagiischoodiga gasa gurooroodeanyu, jea ghoahaaghwiidaneegwa fughareeda ea nalooda.

ESEKIELI 34:15

Aniineesean gaydaahaaghwa gisilgeasu, ak gaydealuul, gwarugu NG'UTAMIIDA was ASEETA.

ESEKIELI 34:2

“Ea orjeeda siida, ramoorsiina jeagiischoodiga fuga Israeli, ramoorsiina nea giyeeshi saawa, gwayi NG'UTAMIIDA was ASEETA, ‘Jeagiischoodiga fuga Israeli ashageada, gea inyeessa ghoang'aata geat, heapi? Mamiisiina gideaba jeagiischoodiga ghoahaaghwa gisilga?

ESEKIELI 34:23

Ak saawa gaydanyaksa jeagiischoocheanjagi Dawdi was siideanyu bea gadiyeeda dea jea ghoahaaghwa saawa gil. Gayghoahaaghwa saawa ak gayghoah jeagiischoocheanda nyaawa.

MIKA 5:4

Ak gayghamiinaada ghoahaaghwa hawandaanyi aba uurda NG'UTAMIIDA, aba jeeda sugoocheanduumeeda gheawunga NG'UTAMIIDA was ASEATAANYI. Ak saawa gaygoobiitpiit aba gideaba ghamneawa gayghwanyas hawunda, ea ghoah muudeanooda ng'eanyiida.

Mattayo 2:6

‘Nea ang'iing'i, Ea Betlehemeeda ng'eanyiida Yuda, ang'iing'i muwoosi mwanang'eawa earahay sugoodiga ng'eanyiida Yuda; aba gideaba headaang'u gaygwarina sugoocheanda, jea ghoahaaghwa buuneedeanyu was Israeli.’”

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

Gadiyeeda Giijasoodiga 21:28

ak geechuur nea geeyi, “Ea fuga Israeli apkaani aweadeasa! Siisi nih dea ghayi aneali buuneeda aba ng'eanyiisean ak ghwanung' gafool buuneeda deaweeda ea ng'eang'i; ak gabiissa gweadu fuga Yunani jeeda gheeda sibata ASEETA, ak ea ning'uda ririnnyeanda heeda ghaydit.”

GIIPKEATA DIIGHEANDA 23:14

Aba gideaba NG'UTAMIIDA was ASEATAANG'U iissa gwaneayeesa jeeda museasoodeang'wa, ak ghaweadeagwa ak ghwayiin weajoodigeagwa madeedeang'wa, asi gagasa museasoodeang'wa ea ghaydit, ak abeeda ea mwadaaha gida wassean muy aba jeedeang'wa, ak gwanung'useegwa heeda.

1 Betro 5:1

Geamuschi gweargwa mida ng'eang'deang'wa, eara aniini geawooschi gweargweeda geawuurjeeweegwa, ak geawooschi muuwshoocheanda sawanadeeda Gristo, ak geendeayeesi giigheambiita jea iidu eataajiit.