2 SAMWELI 7:23 - Bibliyeeda Ghaydit

²³ Gwanda aneamwa jeeda ng'eanyiida uurji fugaagu was Israeli ghayi weah ASEETA ak gwalealu ghoah fugaaschi, ak gwasissa geaw gheawunga, nea gwasissa saawa ng'asheega hees ea gea deamdeameadi, ak giiruuteawi madeeda buuneadaanyi eemeeda sea aseecheeka nyaawa?

2 SAMWELI 7:23 Mawu Ofanana

2 SAMWELI 7:24

Ak ea niimajeeksi geaw fugaagu bea Israeli ghoah fugaagu damanda manda muudeanooda; nea ang'iing'i Ea NG'UTAMIIDA, ea nihuuwi ASEETA nyaawa.

1 DAMANYOOJIGA 17:21

Neada gwanda aneamwa aba jeeda ng'eanyiida uurji fugaagu was Israeli, ghayi weah ASEETA gwalealu ghoah fugaaschi, ak gisisi geaw gheawunga aba ng'asheega hees ea gea deamdeameadi, ak gihoani eemoojiga aba madeeda fugaagu ghayi ilealu aba Misri?

NEHEMIYA 1:10

Fiisu fugaagu bea gadiyeeda gil, ak ea fugaagu gil ghayi ilealu aba uurdaang'u hawi ea aba geatindaang'u hoauur.

NYIIGHEEGA 106:22

gadiyoojiga deamdeameadi aba ng'eanyiida Hamu, ea ng'asheega haloodi aba basooda Shaamu.

NYIIGHEEGA 111:9

Ak ea niyeassa fugaaschi lealeanooda nea gwarugu neajeadaanyi damanda manda muudeanooda. Gheawungaaschi ea ghaydit ak ea haloat!

NYIIGHEEGA 145:6

Buuneeda gaygwarukwiida heesinyeeka gadiyoojigaagu deamdeameadi, ak aniini gaydarukwiida hawundaang'u.

NYIIGHEEGA 147:20

Ak ea mii gwasissa ng'asheanji eemeeda wassean; saawa mwanala deaweedajeagaaschi. Eeduumsiina NG'UTAMIIDA!

NYIIGHEEGA 40:5

Ea NG'UTAMIIDA, was ASEETEANYU, nisineasa ng'asheega saang'a deamdeameadi; nea ng'asheega ibadayi sinooda aba badahuukaasa ea mwoamu eeyiida manda siida jea eamu eegalaneey! Gwachi iyeagasayi darukwiida nea geabalooli aasaang'a mwoamu eeyiida

NYIIGHEEGA 44:3

nea fugaagu ea moang'waanyana ng'eanyiida ng'utkeaka nyaawa, ak ea majooriischeewana uurjeenga nyaawa; gwasin geatindaang'u bea dugwa, ea gheambalmeadaang'u, ea weeshinda gheamamdaang'u aba gideaba gibwariinyi saawa.

NYIIGHEEGA 65:5

Nea aba ng'asheega hees gayshaaha ak gilealneasa Ea ASEETA was lealnoodeanya, ea ghwahita muudeanooda ng'eanyiida, ea dea basooda sheagi muuchi.

NYIIGHEEGA 66:3

Ayeeshiina ASEETA, “Gadiyoojigaagu ea deamdeameatiidaan! Aba giteena hawunda uurdaang'u gayghapka weajoodigaagu ak ghwaat geat ng'eanyi aba madeadaang'u.

RITEAYDA 12:12

Aba gideaba gaydasik bugusta ng'eanyiida Misri eaweedida, ak gaydabwar duweachajeega sean bea ng'eanyiida Misri, bea siida ea diyeanga, ak geargweaksi aseecheeka sean bea Misri aniini geawooschi NG'UTAMIIDA.

RITEAYDA 33:16

Ak gaydanaldaan gideaba naanyaschi dagheerjeanduumeeda aba madeadaang'u, aniini sea fugaagu? Inyas ea meeteayeeni, inyas geeteayi abeeda aniini ea fugaagu gajeewoosa fuga huumwa aba jeeda fuga sean bea badayda ng'eanyiida?”

RITEAYDA 6:7

ak gaydageandaneegwa awoosa fugeasu, ak gaydoaw ASEETEANG'WA, ak gajanala gideaba geawooschi NG'UTAMIIDA was ASEETEANG'WA ghayi aruunaneegwa jeeda gadiyeeda hang'waay bea fuga Misri.

RITEAYDA 9:15

Nea ghamneawa gwachi iyeaheakseey geadi, ak ghaalascheey aba dawni, nea geang'amwaneey badayda ng'eanyiida,

RITEAYDA 9:16

iidu aba ng'asheanji ghoah gideagooni eaweega ak ghaahiimneegwa uurdeanyu, ak abeeda geerukwiida gheawungeasu aba badayda ng'eanyiisean

YEREMIYA 32:20

Ang'iing'eeda iyiini gwadeagooda ea ng'asheega deamdeameadi jeeda ng'eanyiida Misri ea ghoah ghamneawa, jeeda fuga Israeli ea bugusta eemoojiga sean, nea gwasissa geaw gheawunga gawuurji gideaba ghamneawa.

YEREMIYA 32:21

Nea giiruuni fugaagu was Israeli ng'eanyiida Misri aba gwadeagooda ea aba ng'asheega deamdeameadi ea aba geatinda haw uur ea geatinda doabiiwaat ea aba gharbeeda haw.

ESEKIELI 20:9

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga ghayi mideayi sea saawa ghayi eahiimsi geaw saawa ak gearuuni ng'eanyiida Misri.

IITOODA 6:27

“Nih gichea ghwayiinda gheawungeasu badahuuka fuga Israeli gil ak gaydaadaw ghawooda.”

Efeeso 1:6

aba duumsheesiinda giigheambiita dagheerjeanduumeeda gooneasa mwadaagha aba naweeda Orjeedaanyi bwariiy.

GIIPKEATA DIIGHEANDA 10:21

Gajaghaambiida niny, niny ASEATAANG'U gil, nisimaneey ng'asheega hees haloodi ideaksi geaw aba gheanyangaagu.

GIIPKEATA DIIGHEANDA 15:15

Ak gajapkaada gideaba agooga ghayi goowooschi soomjooga aba ng'eanyiida Misri, ak gooruuneey NG'UTAMIIDA was ASEATAANG'U, ak ghamneawa gearukuneey ng'asheanji.

GIIPKEATA DIIGHEANDA 33:29

Ng'wanaweagaagu, Ea Israeli! Dea uurjeewaneey ng'eaha, fuga lealu NG'UTAMIIDA, was igeamboadaang'u weanyi, ea ng'uta giigheambiitaang'u! Weajoodigaagu gayghapka nea ghoawal gheang'daang'u, ak gajaleapsiina ng'eanyi heanyaawa mida humng'eeda.”

GIIPKEATA DIIGHEANDA 9:26

Ghaamwaashchi NG'UTAMIIDA, ‘Ea NG'UTAMIIDA was ASEETA, adiidu gihuydi fugaagu ea hearaniischoadaang'u ghayi ilealu aba uurdaang'u, iiruuni ng'eanyiida Misri aba geatindaang'u hoauur.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

Giidaheechta 5:9

hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,