2 SAMWELI 7:13 - Bibliyeeda Ghaydit

¹³ Ak gayghwadeas gheeda aba gheawungeasu, ak gaydasin hoorgeadaanyi damanda manda muudeanooda.

2 SAMWELI 7:13 Mawu Ofanana

GIING'EETA 49:10

Yuda maygwaheeli bileangida gheambalmeeda, Nea jeacheangaaschi gaygoombaliischi galeaga sean, ak gaygweasa eemoojiga niny haleanjeeda guskuseega; nea gwatkuy aba mureeda aba madeadaanyi.

2 SAMWELI 22:51

Ghoadaw sugoocheandaanyi lealeanooda haw, ak goohiimsa bariinyeagaaschi bea huumwa siidaanyi simwaar, Dawdi ea jeacheangaaschi damanda manda muudeanooda.”

2 SAMWELI 7:16

Nea gheang'u ea sugoocheanduumeadaang'u gaygamajeegiit damanda manda muudeanooda aba madeedeanyu; nea hoorgeadaang'u gaygamajeegiit damanda manda muudeanooda.’”

2 SAMWELI 7:27

Aba gideaba ang'iing'i Ea NG'UTAMIIDA bea lugweega, guwoosi ASEETA Israeli, dea sin giidaheaji aba heeda siidaang'u bea gadiyeeda, nea giyeeni, ‘Gaydadeekneey gheeda’; ak abeeda ghwanyas siidaang'u bea gadiyeeda uurda jea ghamwaasha ASEETA ghawooda aba headaang'u.

1 SUGOODIGA 2:24

Ak ghamneawa gidabiideata NG'UTAMIIDA, nigatgadaan, ea ghwayiinan uhuuda hoorgeeda Dawdi was ghweandeanyu, ak nea hean gwanyaknean gheeda, aba gidaghayi heeleesiinda, Adoniya gajeenuus askweari.”

1 SUGOODIGA 2:4

ak gagasa gwasin NG'UTAMIIDA ng'asheandaanyi ghayi rugu aba badaydeanyu, nea gwayi, ‘Inyas gaygooleeysiit diibigaagu naweadinga nyaawa, ak ghabeawa madeedeanyu nea doobiiweadi, aba gurooruunatka nyaawa sean, ea jeesinga nyaawa sean, manda siida jea ghoang'aamwaneey hoorgeeda Israeli.’

1 SUGOODIGA 2:45

Ak sugoocheanda was Sulemani gajeataw ghawooda, nea hoorgeeda Dawdi gajeemajeek aba madeeda NG'UTAMIIDA damanda manda muudeanooda.”

1 SUGOODIGA 5:5

Ak ghamneawa geagasayi dadeas gheeda aba gheawunga NG'UTAMIIDA was ASEETEANYU, gawuurji gidarukusiinda NG'UTAMIIDA Dawdi was bwaabwa, ‘Orjeedaang'u, jea danung' goopteadawa hoorgeadaang'u, gayghwadeas gheeda aba gheawungeasu.’

1 SUGOODIGA 6:12

“Aba ng'asheegeaba gheawi ideasiin, inyas gajang'waanya jeeda diigheanyeekeasu, ak gisisi mureeda deaweedajeegeasu nea giing'waanyi diigheanyeekeasu atamanamughuush ak ghoabeawi jeenyaawa, abeeda gaydaahang'waay ng'asheandeanyu aba headaang'u, ghayi earukusi Dawdeeda was ghweandaang'u.

1 SUGOODIGA 8:13

Neadeekneey gheeda miy, heechea abiidana damanda manda muudeanooda.”

1 SUGOODIGA 8:15

Ak gwayi, “Gagasa eekghaambiit NG'UTAMIIDA, ASEETA fuga Israeli, niny aba geatindaanyi niihiit gidaghayi heeleesa sea ghweandeanyu was Dawdi aba ghuutaanyi, nea gwayi,

1 SUGOODIGA 8:19

ak ang'iing'i ea maydeeknean gheeda, nea orjeedang'u jea jiila ang'iing'i gayghwadeas gheeda aba gheawungeasu.’

2 SUGOODIGA 21:4

Ak ghwadeas heeda wagiida aba jeeda gheeda NG'UTAMIIDA. Nea ea gidaghayi rukuteayda NG'UTAMIIDA gil gideaba, “Gaydayiin gheawungeasu jeeda Yerusalemu.”

2 SUGOODIGA 21:7

Ak gwasin sanaamooda Ashera, ak ghwayiin jeeda gheeda ghayi eesha NG'UTAMIIDA Dawdi ea Sulemani was orjeedaanyi, gideaba, “Jeedeaba gheawi ea Yerusalemu, ghayi aaloachi aba jeeda eemoojiga sean bea Israeli, gaydayiin gheawungeasu gidamanda muudeanooda.

2 SUGOODIGA 8:19

Ak NG'UTAMIIDA ea magasa ghwanung' goosha fuga Yuda. Aba badayda Dawdi was siidaanyi bea gadiyeeda, aba gideaba ghayi niheeleesa gideaba gayghwanung' goombaliischi sea jeacheangaaschi damanda manda muudeanooda.

1 DAMANYOOJIGA 28:10

Asi shageada; aba gideaba ang'iing'i niloanyi NG'UTAMIIDA deasa gheeda jea ghoah heeda ghaydit; asi daruusiida ak gisini ng'asheanji.”

2 DAMANYOOJIGA 33:4

Ng'ata ghwadeas heeda wagiida aba jeeda gheeda NG'UTAMIIDA, bea gida ghayi eeshinda NG'UTAMIIDA, “Yerusalemu gaygwanda gheawungeasu damanda manda muudeanooda.”

2 DAMANYOOJIGA 6:16

Ak ghamneawa ging'ulayi, Ea NG'UTAMIIDA was ASEETA fuga Israeli, nyaksiina siidaang'u bea gadiyeeda was Dawdeeda was ghweandeanyu gida ghayi iheeleesi sea niny, nea giyeeshi, ‘Mayramwasa aba madeedeanyu siichea goopteadawa hoorgeeda gheambalmeeda bea fuga Israeli, inyas diibigaagu gaygwashageat naweadinga nyaawa, nea ghoang'waay diigheanyeekeasu, gawuurji gida ibeadaati aba madeedeanyu.’

AYUBU 36:7

Nea mwanung'waada furita fuga doobiiweadi, ak goombiit goombaliischi nea ghwanyas hawunda.

NYIIGHEEGA 72:17

Gheawungaaschi deabiidana damanda manda muudeanooda, weeshindaanyi deaboong'na ea gawuurji aseeta. Aba niny gayghwanyas eemoojiga sean ghawooda, ak gaguura eemoojiga sean dea sibadiischeesa!

NYIIGHEEGA 89:21

was dea jea gamajeegiit geatindeanyu aba badaydaanyi, ak gayghwanung' geatindeanyu ghwanyas uurda.

NYIIGHEEGA 89:29

Ak gaydeamajeek jeataanyi damanda manda muudeanooda nea hoorgeadaanyi bea gheambalmeeda gaygawuurji askwearjoojiga humng'eeda.

NYIIGHEEGA 89:4

‘Gaydeamajeek jeacheangaagu damanda manda muudeanooda ak gaydadeas hoorgeadaang'u aba seaygoojiga sean damanda manda muudeanooda’.”

ISAYA 49:8

Gwayi NG'UTAMIIDA: “Damanda hidaat ghaashaayi ghuutaang'u, nea eaweeda lealeanooda ghaaweacheeyi; ak gaydaghamwanyi ak ghaanung' huwa neajeeda aba heedeaba fiisu, nea ginung' gawa mwadi ng'eanyiida, nea giidawi hearaniischooda ng'eanyiida ghayi nidatasa.

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 33:17

“Aba gideaba gwayi NG'UTAMIIDA, aba jeata Dawdi mayghwaroat siida jea gawa hoorgeeda gheambalmeeda fuga Israeli.

ESEKIELI 37:25

Ak gaygoobiida ng'eanyiida ghayi aadawji Yakobo was siideanyu bea gadiyeeda, heeda ghayi abiita ghweanigeagwa. Ak eara saawa gaygoobiida hoowa, saawa ea diibiga nyaawa ea diibiga gea nyaawa, damanda manda muudeanooda. Ak Dawdi was siideanyu bea gadiyeeda gayghoah siida nyaawa haw damanda manda muudeanooda.

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

SAKARIYA 6:12

ak giyeeshi niny, gideaba ‘gwayi NG'UTAMIIDA bea lugweega, “Ng'ula, siida ridu gheawungaaschi was Damealeanda ak gwaheedu aba heeda mida, ak ea dea jea gwadeeksa NG'UTAMIIDA gheeda sibata ASEETA gil.

SAKARIYA 6:13

Niny gaygwadeeksa NG'UTAMIIDA gheeda sibata ASEETA, ak gayghwanyas giigheambiita, ak gaygoopteada ak goombaliischi. Ak gaygawa ashoohoocheanda hoorgeadaanyi, bea sugoocheanduumeeda, ak gaygagadiiy duwaawi nea gaba hoyyoo.”’

Mattayo 16:18

Ak geayeeshiineey, ang'iing'i guwoosi Betaro, ak badaydeaba lagheaneani gaydadeeksa ganiiseedeanyu, ak eara uurda miyeeda ea mayghoamu ghwajoar.

Ebraniya 3:3

Eara Yesu ea sinung' ghoah dea doabiiwaat muuchi biissa ea ghaambiidaat ea ghang'al Musa ak gawuurji siida deas gheeda gwandeawa mureeda ea ghang'al gheeda.

1 Betro 2:5

ak goowuurjeewi lagheanga mideawa eaweega, ak geadeaseagwa awoosa gheeda guroorooda, ak ghoah ashoohoocheanduumeeda ghaydit, jea ghoadayda haleanjeeda guroorooda sisapa geadi bea ghadooweeda was gea jea ghamwas ASEETA aba naweeda Yesu Gristo.