2 SAMWELI 7:12 - Bibliyeeda Ghaydit

¹² Nea ang'iing'i damanda jea ghwahina damandaang'u ak giluudayeewi ghweanigaagu aba ng'eanyi, gaydeadiing'u jeacheangaagu jea gamaseawneey, was gea jea gwaleabu saseadaang'u, ak gaydeamajeek sugoocheanduumeadaanyi.

2 SAMWELI 7:12 Mawu Ofanana

GIING'EETA 15:4

Asi ng'ula, iimuchu ghwahidu ng'asheanda NG'UTAMIIDA headaanyi ak gwayeesha, “Siisi mayghoah siida jea gwahearanyi; gaygwahearanyi orjeedang'u.”

2 SAMWELI 22:51

Ghoadaw sugoocheandaanyi lealeanooda haw, ak goohiimsa bariinyeagaaschi bea huumwa siidaanyi simwaar, Dawdi ea jeacheangaaschi damanda manda muudeanooda.”

1 SUGOODIGA 1:21

Ak gayghwahidu, damanda ng'utamiideanyu was sugoocheanda iyadeayi ghweanigaaschi jeeda sigeeda, abeeda aniini ea orjeedeanyu was Sulemani gajeenung' eawoosa fuga adiiy.”

1 SUGOODIGA 1:48

Ak hean eara sugoocheanda gwayi, ‘Gagasa eakghaambiida NG'UTAMIIDA, ASEETA Israeli, goonean siyagi aba jeeda jeacheengeasu jea goopteadawa hoorgeedeanyu ghamneawa nea geang'uli gheanyangeasu.’”

1 SUGOODIGA 2:1

Hean nea gwaneekiit miyeeda Dawdi, goorgweaksa orjeedaanyi was Sulemani, ak gwayeesha,

1 SUGOODIGA 2:10

Muchu ghami Dawdi ak gawuurji gidaghayi meewiida ghweanigaaschi, ak geebung'sa jeeda mujiineeda Dawdi.

1 SUGOODIGA 2:4

ak gagasa gwasin NG'UTAMIIDA ng'asheandaanyi ghayi rugu aba badaydeanyu, nea gwayi, ‘Inyas gaygooleeysiit diibigaagu naweadinga nyaawa, ak ghabeawa madeedeanyu nea doobiiweadi, aba gurooruunatka nyaawa sean, ea jeesinga nyaawa sean, manda siida jea ghoang'aamwaneey hoorgeeda Israeli.’

1 SUGOODIGA 5:5

Ak ghamneawa geagasayi dadeas gheeda aba gheawunga NG'UTAMIIDA was ASEETEANYU, gawuurji gidarukusiinda NG'UTAMIIDA Dawdi was bwaabwa, ‘Orjeedaang'u, jea danung' goopteadawa hoorgeadaang'u, gayghwadeas gheeda aba gheawungeasu.’

1 SUGOODIGA 8:15

Ak gwayi, “Gagasa eekghaambiit NG'UTAMIIDA, ASEETA fuga Israeli, niny aba geatindaanyi niihiit gidaghayi heeleesa sea ghweandeanyu was Dawdi aba ghuutaanyi, nea gwayi,

1 SUGOODIGA 8:19

ak ang'iing'i ea maydeeknean gheeda, nea orjeedang'u jea jiila ang'iing'i gayghwadeas gheeda aba gheawungeasu.’

1 SUGOODIGA 8:20

Ak ghamneawa NG'UTAMIIDA niihiit heeleesiinda ghayi sin; aba gideaba naamiinaadawi heeda ghweandeanyu was Dawdi, ak geapteadawi hoorgeeda gheambalmeeda bea Israeli, gawuurji gidaghayi heeleesiinda NG'UTAMIIDA, ak ghamneawa ea naadeaschi gheeda aba gheawunga NG'UTAMIIDA, was ASEETA fuga Israeli.

1 SUGOODIGA 9:5

ak abeeda gaydeamajeek hoorgeadaang'u bea gheambalmeeda Israeli damanda manda muudeanooda, gawuurji gidaghayi earukusiindi ghweandaang'u was Dawdi, nea geayeeshi, ‘Mayramwasa siichea goopteadawa hoorgeeda Israeli.’

2 SUGOODIGA 8:19

Ak NG'UTAMIIDA ea magasa ghwanung' goosha fuga Yuda. Aba badayda Dawdi was siidaanyi bea gadiyeeda, aba gideaba ghayi niheeleesa gideaba gayghwanung' goombaliischi sea jeacheangaaschi damanda manda muudeanooda.

1 DAMANYOOJIGA 17:11

Iimuchu nea ghwahita damandaang'u jea beawana heeda ghweanigaagu, gaydang'eat jeataang'u jea gamaseawneey, was orjeanagi aba jeeda orjoagaagu, ak gaydeamajeek sugoocheanduumeadaanyi.

2 DAMANYOOJIGA 1:9

Ea NG'UTAMIIDA was ASEETA, nung' ghwahit neajeeda ghayi irukusi Dawdeeda was bwaabwa aba gideaba ninung' dawas sugoocheanda aba badayda fuga saang'a deena birjeanda ng'eanyiida.

2 DAMANYOOJIGA 13:5

Agooga miyoanala gideaba NG'UTAMIIDA was ASEETA fuga Israeli ghayi ghoadaw Dawdi ea orjoagaaschi gheambalmeeda aba badayda fuga Israeli aba neajeeda balang'da?

2 DAMANYOOJIGA 21:7

Nea NG'UTAMIIDA ea magasa ghwadatas gheeh Dawdi, gweagu neajeeda ghayi sin niny sea Dawdi, gawuurji gida rukusiinda gideaba gayghoadaw niny gheaboong'nyeanda ea diibigaaschi damanda manda muudeanooda.

2 DAMANYOOJIGA 23:3

Ng'ata gwasin buuneeda sean neajeeda sea sugoocheanda aba jeeda gheeda ASEETA. Ng'ata gwayeesha Yehoyada saawa, “Ang'ula orjeeda sugoocheanda! Danung' goombaliischi, gawuurji gidanyaashta NG'UTAMIIDA aba badahuuka orjooga Dawdi.

2 DAMANYOOJIGA 6:15

ang'iing'eeda ghayi iisini sea siidaang'u bea gadiyeeda was Dawdi, was ghweandeanyu, gida ghayi iheeleesi ak ea huumwa, ghayi girgu aba ghuutaang'u, nea aba geatindaang'u ea niihiidi aba askwearjeanji.

2 DAMANYOOJIGA 6:9

ak ea mii ang'iing'i gil siichea ghwadeas gheeda, gayghwadeas orjeedang'u jea eejiilneey gayghwadeas aba gheawungeasu’.

NYIIGHEEGA 89:29

Ak gaydeamajeek jeataanyi damanda manda muudeanooda nea hoorgeadaanyi bea gheambalmeeda gaygawuurji askwearjoojiga humng'eeda.

ISAYA 11:10

Ak eaweecheanji damealeanda Yese ghamiinaada ghoah gwadeagooda aba heeda fugaaschi; ak gaygagasa eemoojiga niny, nea heeda abiita niny gajea ghaambiidaat.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 33:17

“Aba gideaba gwayi NG'UTAMIIDA, aba jeata Dawdi mayghwaroat siida jea gawa hoorgeeda gheambalmeeda fuga Israeli.

DANIELI 12:2

Nea fuga saang'a lil aba jeeda sigeeda gayghang'eatng'eat ak ghwanyas eaweega manda muudeanooda, nea mwaatkwa ghwanyas baspaseega ea foolda maygamuudean.

Mattayo 1:1

Gitaabooda rooproobanga Yesu Gristo, orjeeda Dawdi, orjeeda Abrahamu.

Lukka 1:32

Nea gajeahaw, ak gajeeguura Orjeeda ASEETA haw mida humng'eeda; nea gayghoadaw Ng'utamiida was ASEETA hoorgeeda sugoocheanduumeeda Dawdi was ghwaan,

Lukka 24:27

Hean ghoang'eada Musa ea sibanga sean, ak gwarukusa saawa ng'ooruutka sean bea ng'asheega badaydaanyi.

Gadiyeeda Giijasoodiga 13:36

Eara Dawdi iing'ata sinooda gadiyeeda ASEETA damanda seaygeadaanyi, hean ghami, ak geebunyuudayi ghweanigaaschi, ak ghwanyas saseadaanyi munyinda;

Gadiyeeda Giijasoodiga 2:30

Amadu nea ghoah sibaneeda, ghwanal gideaba ASEETA niyaak habeawooda aba badaydeaba niny gideaba gayghwayiin hoorgeadaanyi siida jea gwaleabu jeataanyi,

1 Goriinto 15:51

Asi ng'ula gearukuneegwa agooga makcheameeda. Aseasa majeemeewa sean, ak gajeayameasa eesa sean,

GIIPKEATA DIIGHEANDA 31:16

Ghwalamda NG'UTAMIIDA ak gwayeesha Musa, “Ng'ula, eawoojigaagu jea meawana nineekiit, ak fiisu gayghang'eat ghwaat geeshta hiseadayeanduumeeda aseecheeka rabasta mida ng'eanyiida, ak ghoabita bugusta nyaawa, ak gaygwanung'usean heeda ak gaygwanyarja neajeedeanyu ghayi easinyi sea saawa.

1 Desaloniikke 4:14

Ghang'eada dea simwaseawi gideaba Yesu ghami ak gwaduudu gicha, eara gwasa, aba naweeda Yesu, gaygweadu ASEETA sea niny fugiga nililiin.