2 SAMWELI 7:11 - Bibliyeeda Ghaydit

¹¹ gawuurji gidaghayi bea mwadi, ghang'eada damanda ghayi aaloadi fuga laja girgweaguutka aba badahuuka fugeasu was Israeli; ak gaydagooneegwa fuufta aba heeda weajoodigeagwa sean. Gabiisa gwayi gicha NG'UTAMIIDA gwayi NG'UTAMIIDA gaydasineey gheeda.

2 SAMWELI 7:11 Mawu Ofanana

2 SAMWELI 7:1

Hean damanda abiideewa sugoocheanda jeedeaba gheanyi, nea niidaw NG'UTAMIIDA fuufeanda aba heeda weajoodigaaschi sean neaweesa,

2 SAMWELI 7:19

Nea gicha ng'asheanji ea mwanang' aba madeeda gheanyangaagu, Ea NG'UTAMIIDA was ASEETA; ak gibalooli badayda gheeda siidaang'u bea gadiyeeda aba damanda haw jea ghwahidu, ak ea niihiimnaan seaygoojiga jea ghwahidu, Ea NG'UTAMIIDA was ASEETA!

2 SAMWELI 7:27

Aba gideaba ang'iing'i Ea NG'UTAMIIDA bea lugweega, guwoosi ASEETA Israeli, dea sin giidaheaji aba heeda siidaang'u bea gadiyeeda, nea giyeeni, ‘Gaydadeekneey gheeda’; ak abeeda ghwanyas siidaang'u bea gadiyeeda uurda jea ghamwaasha ASEETA ghawooda aba headaang'u.

1 SUGOODIGA 11:38

Inyas gajaleeysiina iit gida earukuneey sean, ak giweewi naweadingeasu, ak gisini doobiiwnata aba madeedeanyu aba ging'ooyda huumeanyeekeasu ea diigheanyeekeasu, gawuurji gidasin Dawdeeda was siideanyu bea gadiyeeda, abeeda gajeendeayeena, ak gaydadeekneey gheeda huumwa, gawuurji gideadeeksiindi Dawdi, ak gaydagoonyi Israeli.

1 SUGOODIGA 2:24

Ak ghamneawa gidabiideata NG'UTAMIIDA, nigatgadaan, ea ghwayiinan uhuuda hoorgeeda Dawdi was ghweandeanyu, ak nea hean gwanyaknean gheeda, aba gidaghayi heeleesiinda, Adoniya gajeenuus askweari.”

1 DAMANYOOJIGA 17:10

Ghang'eada damanda ghayi aaloadi fuga laja girgweaguutka jea goombal fugeasu was Israeli; ak aniini gaydajoar weajoodigaagu sean. Gicha gaydargu gideaba gaygwadeekneey NG'UTAMIIDA gheeda.

1 DAMANYOOJIGA 22:10

Niny gayghwadeas gheeda aba gheawungeasu. Ak gayghoah orjeedeanyu, ak gaydoaw ghwaan, ak gaydeamajeek hoorgeadaanyi bea gheambalmeeda aba jeeda Israeli damanda manda muudeanooda.’

AYUBU 34:29

ASEETA iisiinda ghoamu ng'eaha gwanyareeksa? Ama fuy gheamamdaanyi, ghoamu ghwadaah ng'eaha niny, ii was eamwa ghana ghoah siida?–

NYIIGHEEGA 106:42

Hean gageanu weajoodiga nyaawa ak gwasawan saawa, ak geayiin geatinga nyaawa ak ghwanung' gwasin gadiyeeda aba uurda.

NYIIGHEEGA 127:1

Gheeda iimwadeasa NG'UTAMIIDA, abeeda fuga deas gwasin gadiyeeda mwadaagha. Mujiini iimoahaaghwa NG'UTAMIIDA, siida fur ghoang'wearu mwadaagha.

NYIIGHEEGA 46:9

Ak ghwanung' goosha ng'ucheeda ea ghwahita muudeanooda ng'eanyiida; gwahirja ghuweang'da, ak gwahirja ng'uta, ak ghaghwarda mutukwajeega aba beasta.

RITEAYDA 1:21

Hean nea ghoawal deepshoodiga gheang'da ASEETA iidu ghoadaw ASEETA jeata.

GHWASIILDEANGA 14:1

Gatmooda mideawa weaghuumeeda gayghwadeas gheanyi, nea gatmooda dasha gaygwanyarja aba geatingaaschi.

Ebraniya 11:33

nea aba naweeda masaweega ghwajoar darooraka, ak ghwanung' eesin gitoabiiw, ak ghwanyas heeleesiinda, ak ghwarat ghuusiga ng'anyeeka,

1 SAMWELI 2:35

Ng'ata gaydaloosa geaw ashoohoocheanda doabiiwaat, jea gwasinda ng'asheega gidagasiida mida jeeda gurooroodeanyu ea jeeda fughareedeanyu; ak gaydadeeksa gheeda huumwa, ak gaygawa gah nea gwarita aba madeeda siideanyu simwaar damanda manda muudeanooda.

1 SAMWELI 25:28

Geamuscheey samsiina giidiinyeanda hudaang'u; aba gideaba aba huumwa NG'UTAMIIDA gaygwasissa ng'utamiideanyu gheeda majeek, aba gideaba ng'utamiideanyu gang'uchi ng'ucheeda NG'UTAMIIDA; ak ea majeanyasa jeadaanyi munyinda aba eawoojigaagu sean.