2 SAMWELI 6:19 - Bibliyeeda Ghaydit

¹⁹ ak goodearsa buuneesean, was eemeeda Israeli, sean headiga ea gadeemga, ak gaba siisi siitaw mukaate, ea beashadeeda biyeeyda, ea mukaateeyda sisna sabiibu. Ak ghwadarda buuneesean, ak gaba siisi weah gheanyi.

2 SAMWELI 6:19 Mawu Ofanana

2 SAMWELI 6:18

Iidu nea niihiit Dawdi giidaydeayda haleanjeeda ghadooweeda sighwarda ea haleanjeeda ghadooweeda bea hoyyoo, ghoadaw buuneeda ghawooda aba gheawunga NG'UTAMIIDA bea lugweega,

2 SAMWELI 6:20

Ak gabiikta Dawdi googeachi gheanyi. Gwardu Mikali was hudeaba Sawli ak ghwaan roonyeeda Dawdi, ak gwayeesha, “Sugoocheanda Israeli ninung' gwaheedu gheawungaaschi askweareani, ak ghoahiimu dawiishnataanyi askweareani aba madeeda gheanyanga haweega fugaaschi bea gadiyeeda, gawuurji siitasha!”

1 SUGOODIGA 8:66

Eaweeteaba sis goojeakta buuneeda gaweay; hean gabadiischeesa sugoocheanda, nea gabiikta gealga nyaawa aba hooseaneega nea gang'weela gurooruunatka nyaawa aba miyinda niihiimsa NG'UTAMIIDA siidaanyi bea gadiyeeda was Dawdi ea heeda fugaaschi bea Israeli.

1 DAMANYOOJIGA 16:3

Ng'ata gwalakiisa giliwas sih bea Israeli, headiga ea gadeemga, ak ghoadaw giliwas sih mukaateeyda ngaano, ea beashadeeda biyeeyda, sea mukaateeyda sabiibu.

1 DAMANYOOJIGA 16:43

Ng'ata ghwadarda buuneesean ak gaba siisi weah gheanyi, ak gawa Dawdi ghoah ak ghoadaw gheanyi ghawooda.

2 DAMANYOOJIGA 30:24

Aba gideaba Hesekiya was sugoocheanda Yuda ghoadaw fuga bwat geat heew sagalama ea gisil sagalamnyooji ispwa bea haleanjeeda sisabwa geadi ak fuga hees ghoadaw fuga bwat geat heew sagalama ea gisil sagalamnyooji damanamughuush. Ak ghoaghaydiit geat fuga Lawi aba mooneeda haw.

2 DAMANYOOJIGA 7:10

Ng'ata gwasiksa buuneeda gaweay jeesinga maheemajeega nyaawa eaweeteaba diktam ea samwagu, bea sheedeaba ispwa, nea gaba hooseaneega nea gang'weela gurooruunatka nyaawa aba doobiiwnata sean niihiimsa NG'UTAMIIDA Dawdi, ea Sulemani, ea fugaaschi was Israeli.

NEHEMIYA 8:10

Hean gwayeesha saawa, “Aweayeena heechea aweayeena, ak ghoayaaji gidariishaat nea ghoaleayi difaayeeda inya nea gooyeasi siida mandeawana; aba gideaba eaweecheanji ea ghaydit aba heeda NG'UTAMIIDEANYA; nea adaghang'udeagwa giiseaneega, aba gideaba hooseaneega NG'UTAMIIDA uurdeang'wa gil.”

SARMEEDA SULEMANI 2:5

Nung' dalang'u aba sabiibu, nea ginung' dahoosan aba geeta siguura mapeera, aba gideaba naahiili aba bariinyeega.

ESEKIELI 45:17

Abeeda siida haw gaygwasikteawa gideaba siitayda haleanjeeda sisabwa geadi sighwarda ea dearanga ea gea sisabwa geadi sileeha, gideaba siitayda damanda ghweelmeeda, ea gea ng'ushiinda sheeda, ea sabaato, ea ghweelmoojiga sean siyiin aba jeeda fuga Israeli. Ak siida haw ninyeesean gayghang'aap haleanjeeda sisapa geadi aba riing'eeda, ea gea dearanga ea gea sighwarda, ea gea hoyyoo, ak geesin duupcheeda aba jeeda fuga Israeli.

HOSEYA 3:1

Ng'ata gwayeeshiinean NG'UTAMIIDA, “Una biikta bwariinya gatmooda bwariiy ng'wasangaaschi nea gwahiseada, gawuurji gidabwariiyda NG'UTAMIIDA fuga Israeli, eara gwayamiisa geat aseecheeka suuk ea bariinyeega mukaatajeega sabiibooda gajeami.”

Gadiyeeda Giijasoodiga 20:35

Aba haleanjeeda sean naahiimneegwa gideaba iisawaneatunu abeeda giweadi fuga ng'arng'ari, nea ghoapkaachi ng'asheega Ng'utamiida was Yesu, heeda eeneewa, ‘Ghang'wana giidaydeayda mwasamwa gideaba geegoonyi.’”

Efeeso 4:8

Hean geeyi, “Iidu nea gwadiyeada ea gawa humng'eeda heesheagi goodeayi fuga ng'uta, ak ghoadaw buuneeda haleanjeeda.”

YOSHUWA 22:6

Ng'ata ghoadaw Yoshuwa ghawooda saawa, ak ghwanung' gaweay saawa; ak gaweay gealga nyaawa.