2 SAMWELI 6:16 - Bibliyeeda Ghaydit

¹⁶ Iidu nea ghwahidu sandakwajeanda neajeeda bea NG'UTAMIIDA jeeda mujiineeda Dawdi, ghoang'weardaawa seawadeeda hudeaba Sawli siguura Mikali, ak ghwadaah sugoocheanda was Dawdi gwadeambiiri nea ghang'was aba madeeda NG'UTAMIIDA; ak gafool niny aba jeadaanyi.

2 SAMWELI 6:16 Mawu Ofanana

2 SAMWELI 3:14

Hean goojeakta Dawdi giijasoodiga heeda Ishbosheti orjeeda Sawli, ak gwayeesha, “Goonean gatmoodeanyu was Mikali eanyeari dimbaji bughala bea fuga Filisti.”

2 SAMWELI 5:7

Iidu ghabwar Dawdi fuga Sayuni, was mujiineeda Dawdi.

2 SAMWELI 6:15

Ng'ata gweadu Dawdi sea buuneesean bea Israeli sandakwajeanda neajeeda bea NG'UTAMIIDA nea goojuur, ea nyaashta gujaweeda.

2 SAMWELI 6:20

Ak gabiikta Dawdi googeachi gheanyi. Gwardu Mikali was hudeaba Sawli ak ghwaan roonyeeda Dawdi, ak gwayeesha, “Sugoocheanda Israeli ninung' gwaheedu gheawungaaschi askweareani, ak ghoahiimu dawiishnataanyi askweareani aba madeeda gheanyanga haweega fugaaschi bea gadiyeeda, gawuurji siitasha!”

1 DAMANYOOJIGA 15:29

Hean damanda hina sandakwajeanda neajeeda bea NG'UTAMIIDA jeeda mujiineeda Dawdi, ghoang'weardaawa seawadeeda Mikali was hudeaba Sawli siguura Mikali, ak ghwadaah sugoocheanda was Dawdi, nea ghang'was aba hooseaneega; ak gafool aba jeadaanyi.

NYIIGHEEGA 123:3

Eaniyean bwaydaneasa Ea NG'UTAMIIDA, eaniyean bwaydaneasa, aba gideaba silang'uuchi aba foolaweega.

NYIIGHEEGA 69:7

Aba badaydaang'u siipwaaspwaasan, Ak ea nidukuta gheamamdeanyu baspaseega.

ISAYA 53:3

Geefool ak ghaheawa buuneeda; siida mideawa gurmeahiida haw nal gagiisan; ak gawuurji siida magasa buuneeda eara giing'weersiinda geefool ak ea meanung' ghoah gil.

Gadiyeeda Giijasoodiga 2:13

Hean gwanda fuga juuga suurja nea geeyi, “Fiisu niboogit aba difaayeeda heeseadi.”

1 Goriinto 2:14

Siida maba guroorooda mayghwanyas gida jea ghoadaw Guroorooda ASEETA, aba gideaba aba headaanyi leendeeda gil, ak ea mayghwanal aba gideaba geaghus eanal aba jeeda guroorooda.

1 SAMWELI 18:17

Ng'ata gwayeesha Sawli Dawdi, “Nukwa hudeanyu haw siguura Merabu; gaydagoonyi ghoah gatmoadaang'u; ak geaghus woosa daruus ak ging'uchi aba badayda NG'UTAMIIDA.” Aba gideaba gwayi Sawli, “Maygudu dang'uta geadi nung'waada ghabwar Dawdi fuga Filisti.”

1 SAMWELI 18:20

Iidu ghabwariiy Mikali was hudeaba Sawli Dawdi; ak geerukusa Sawli, ak goohoosan ng'asheanji niny.