2 SAMWELI 6:11 - Bibliyeeda Ghaydit

¹¹ Goobiida sandakwajeanda neajeeda bea NG'UTAMIIDA gheeh Obed-edomu bea eemeeda Giti sheeh samwagu; ak ghoadaw NG'UTAMIIDA ghawooda Obed-edomu ea gheanyi sean.

2 SAMWELI 6:11 Mawu Ofanana

GIING'EETA 30:27

Ghwalamda Labani ak gwayeesha, “Iimwasi darukuneey ng'ashaan, ea naadaayi aba giirgweatka gideaba nigoonan NG'UTAMIIDA ghawooda aba badaydaang'u;

GIING'EETA 39:23

Iissa siida haw ambal gheeda siratiisa buuneeda ghanyea mayghoahaak ghaang' gida wasean ng'ula Yosefu, aba gideaba gwandeayi sea NG'UTAMIIDA was ASEETA ak gida wasean sin iissa ghwanung' NG'UTAMIIDA was ASEETA ghwadoabiiw.

GIING'EETA 39:5

Damanda nung' ghoaweewa siida haw fur gheanyi ea haleanjeeda sean mideawa ghoadaw NG'UTAMIIDA ghawooda gheeda siida Misri aba badayda Yosefu; ak ghwanyas ghawooda NG'UTAMIIDA ea haleanjeeda sean mideawa, aba ghoah ea madamnyeanda.

2 SAMWELI 6:10

Hean ea magasa Dawdi gweadu sandakwajeanda NG'UTAMIIDA jeeda mujiineeda Dawdi; ak ghoang'aamwa hoowa ak ghwaat gheeh Obed-edomu bea eemeeda Giti.

1 DAMANYOOJIGA 26:4

Nea Obed-edomu gwandeawa orjooga; duweacheeda Shemaya, deabiyeenya Yehosabadi, deaba samwagu Yowa, deaba ang'wan Sakari, Netaneli deaba muudi;

MALAKI 3:10

Ayeani haleanjeeda sean was gilba damanamughuush jeeda gijigooda, ak gwanda jeedeaba gheenyu hamita; ak abeeda goosimnyean, gwarugu NG'UTAMIIDA bea lugweega, ak ea meatineegwa seawuutka humng'eeda ak ghwanung' ghwahiing'aan ghawooda ghwahidu badahuukeagwa ea ghwanaawda.